Lucas 11:1 - Buglere

¹ Chui gbaite Jesu kledu gerule Chube ole nga gwealege, kwian geru jwannga gdataboko giti gdaboke kledu ule Jesu ole, Jesu gerudubi Chube ole gire kwian geru jwannga gdaite gerudu Jesu ole: —Cha Chugagwalla, cha takalin ba cha ulita tke tangle gerule Chube ole Juan-Bautista kwian geru jwannga amage tku tangle kare.

Lucas 11:1 ပူးပေါင်းရင်းမြစ်များ

Lucas 10:42

Lle gdaitre alin allabi noare ba alin, e Chube gerua. Cha kle gerule Chube giti, María kle cha keruchuge, geru e be chege diali ama tale, kwian na mi ñage geru e jwennga ama ngeru.

Lucas 11:2

Jesu gerudu kwian geru jwannga amage ulita ole: —Ba gerule Chube ole ba gerudale ene: “Cha Ñenua, ba kle nga ngaña giti, ba no trate ulita, cha takalin kwian ulita gerule no ba giti. Cha takalin kwian ulita nga ulitage ba gai mo Chugagwallale. Cha takalin ba age mo ta giti ba ta agekalin kare nga dba ai giti salengwli ba kle age nga ngaña giti kare.

Lucas 6:12

Chui gbaitege Jesu jo nga jwichugale giti geru trage gballa Chube ole, ngajrege ulita Jesu gerudu Chube ole.

Lucas 7:13

Jesu gwagedu muinga olidige olire tanre Jesu taidu dage muingage, Jesu gerudu muinga oli ole: —Ba me mo ta dbe olire dare ba kirolla nate.

Lucas 7:19

gire Juan-Bautista kwian geru jwannga amage boke gau kagu, ama gerudu: —Ba geru kade ai kare Jesuge: “Unsuialin Chube gerudu be kwian jwannga siere kage kwian alin, ¿ba amaña o ama bebi chie, cha chegedale ama manade ngwange dare o me?”

Lucas 9:18

Chui gbaite Jesu jo sugekare kwian ngle ulitage gerule Chube ole, kwian geru jwannga alin allabi kledu ama ole gire Jesu geru kadu kwian geru jwannga ulitage: —¿Kwian ulita kle gerule mine cha giti cha chema?

Lucas 9:28

Jesu gerudu ene ulita kwian ole, chui gbapa jo tangle gire Jesu jo jwichuga giti gerule Chube ole, Jesu kwian geru jwannga amage gdamaire alin allabi du ule, ama Pedro kaire Juan kaire Santiago du ule ama gatedi.

Hebreos 5:7

Jesucristo kledu toi nga dba ai giti gire ama gerudu kiraske Chube ole ta olire tanre ama bebi jogekeda sugetigebi gire, ama gerudu Chube ole: “Cha Ñenua, uñale chage ba kiraske tanre, cha takalin ba cha jwen siere boi daga ngwalege ene cha me jogekeda. Agwa ulia cha ta agekalin ulita ba takalin cha age kare.” Jesucristo gerudu ene Chube ole chudaboi kade Chubege Chube me ama chuge ngwadi jogeda. Ulia Jesucristo Chube Kirolla, ama tadu agekalin ulita ama Ñenua Chube takalin kare, malen Chube Jesucristo keruchugu ama Jesucristo ta gbu kiraske mo chuge ngwadi boi daga ngwale gwaleda kwian ulita agenga me no giti Chube tadukalin kare. Jesucristo boidu giti sugedu Jesucristoge mnoare Chube gerua gbe gdadi age diali Chube takalin kare, agwa ama mo ta gbu age Chube takalin kare boi daga ngwaleske.

Judas 1:20

Cha gerule no no ba ulita ole cha bitalla Jesucristo giti, ba mo ta gbadale trate diali chage ta giti Chube ole, ba mo ta gbadale ma no diali Chube gerua gai ulia, ba Chube Oña chugale ngwadi ba ta gbe suge, ene ba ñage gerule no Chube ole Chube takalin kare.