Lucas 1:74 - Buglere

⁷⁴ Kaire Chube gerudu unsuialin Abraham ole Chube be che jwen siere kwian che dollalege ene che me ta dbale kwachie ni sidri lle boi no Chube alin,

Lucas 1:74 ပူးပေါင်းရင်းမြစ်များ

Lucas 1:71

Chube gerudu ama be che jwen siere kwian agenga me no che dollalege, kwian kle dole che ole kwian ta me no chedi, kwian ene ulitage Chube be che jwen siere.

Lucas 1:73

Chube gerudu che enusulian oña kada Abraham ole ulia Chube be Abraham chudaboi kaire Chube be Abraham bdadalla nabitaite ulita chudaboi.

Lucas 1:75

ene che be kle diali mo ta gbaba Chube ole chage no trate Chube gwage. Che mo ta gbale joge siere ulita age me noge Chube gwa giti, che mo ta gbadale ene diali chui ulita che be kle toi gwade gire.”

Romanos 6:22

Nege ba me kle mo ta dbe age me no ba agedu ulita ngeru kare, ba jo siere age me no tallage, nege ba kle mo ta gbe Chubege, Chube kle ba ta gbe age no trate ama takalin kare, mo ta dbe trate giti ba be toi diali chui tangle Chube ole.

Romanos 8:15

Ba Chube olia, Chube Oña me ba ta gbe kennga ba mo ta du kennga ngeru kare tañachuge Chube be ji gbe ba alin, me ene, Chube Oña ba ta gbe no Chube ole, ene Chube Oña giti suge trate bage Chube no ba ole Chube ba gau mo oliale, ene ba gerule Chube ole ta me kennga ole: “Chube, ba cha Ñenua.”

2 Timoteo 1:7

Chube mo Oña ketu chege lle boadale no Chube alin, Chube me mo Oña ketu chege mo ta dbadale kennga lle boi Chube alin. Diali Chube Oña kle che ole che ta gbe kiraske, ama che ta gbe no Chube ole kwian ole, kaire ama che ta gbe age no ama takalin kare me che ta agekalin kare.

Hebreos 9:14

Agwa ulia bda bea kledu kwian gbe trate sugetidale alin e suiale, gire ene ulia che mo ta gbadale suge Jesucristo jokeda giti e ma no bda beage, Jesucristo giti che ta chege trate no ulita Chube gwa giti diali chui tangle. Jesucristo noare trate ni ama agedu me no sidri, Chube Oña Jesucristo kira gbu mo kete gwaleda boi daga ngwale Chube gwa giti kwian ulita alin salengwli unsuialin tangle kwian gerunga Chube ole daba alin bda gweale no no trate guda Chube gwa giti daba na kle age me no giti kare. Jesucristo jokeda che agedu me no giti, che ama gerua gai ulia gire Jesucristo che ta lite no trate che ta chege trate Chube gwa giti che me age me no che agedu ngeru kare. Ene che ñage lle no boi Chube alin toi diali Chube takalin kare, Chube ulia no trate ama ulia Chube gwade kiraske.

Apocalipsis 2:10

Cha gerule ulia ba ole, ba me ta dbe kennga ba kle boi giti kaire ba be boi aige dare giti, cha be kle ba ole diali ba chudaboi. Che dolla Satanás be kwian ta me no ta gbe ba gweale cha gerua gaba tke skage cha gerua gai gdale, Satanás takalin mo chuge ba ole ene ba ta jwlite me chege cha gerua ulia gai dare. Ba be kle boi daga ngwale skage chui gbataboko allabi. Kaire kwian ñage ba gweale gweda cha gerua gai gdale agwa ba ulita mo ta gbadale cha gerua gai ulia gwangerugu kiraske gire ene cha be ba ulita gbe toi chui tangle diali nga ngaña giti Chube ole ba cha gerua gau ulia giti.