Lucas 1:45 - Buglere

⁴⁵ Noare ulia Chube nu geru kagaba ba alin ba geru gau ulia mo tale Chube be age ulita ba ole Chube gerudu kare.

Lucas 1:45 ပူးပေါင်းရင်းမြစ်များ

Lucas 1:20

Ulia chui be chke gire be boi ene ulita cha gerudu kare ba ole, agwa ba me cha gerua gau ulia malen nege gwangerugu ba mi ñage gerule, ba be chege kwian keru me kare, ba kirolla be chke ba muingalla kote gire ba be ñage geruleni —lle boanga gerudu ene ulita Zacarías ole gire ama joni.

Lucas 1:44

Ba gbi kadu chage, cha ba keruchugu gire blike cha kirolla skwendu ngaña nga suga no ole chadige.

Lucas 1:48

Chube cha Chugagwalla, ama ñage cha kage ama takalin kare, cha kwian ngwale, cha kwian ene gire Chube noare cha ole, ama kle cha manade diali. Chube noare trate ulita, ama me age me no ni sidri. Chube agedu no tanre cha alin mo kiralla giti, malen nege gwangerugu kwian ulita be gerule diali cha giti Chube agedu noare cha alin.

Juan 11:40

Jesu gerudu Marta ole: —¿Ba me tachke cha gerudu ba ole giti? Cha gerudu ba ole ba cha gai ulia gire Chube be age no no ba gwa giti ba be gwage ama kiralladi.

Juan 20:29

Jesu gerudu Tomás ole: —Nege ba cha gai ulia ba gwagedu chadi mo gwagwa giti lentigeba taneadi, agwa noare kwian alin bai kaire me gwage chadi mo gwagwa giti agwa geru cha giti gai ulia mo tale, kwian enedi nga be suga no cha giti kwian tale. Jesu gerudu ene ulita Tomás ole gire Jesu jo siere ama ulitage.