Lucas 1:32 - Buglere

³² Kaire agwe kirogwa e ka be chege Chube kweri nga ngaña giti Kirolla, kirogwa e be chege kweri. Chube be kirogwa e gbe kwian Chugagwallale kweri salengwli ama enusulian oña unsuialin kadakle David kare.

Lucas 1:32 ပူးပေါင်းရင်းမြစ်များ

Mateo 1:1

Cha chada ai dege ulita Jesucristo giti, Jesucristo David oindalla, David kwian israelita enusulian unsuialin oña chugagwalla kweri, kaire Jesucristo kwian israelita enusulian unsuialin oña kada Abraham oindalla. Jesucristo enusulian unsuialin oña ulita kalla kle ai kare:

Mateo 12:42

Chui bdaglige Chube be ji gbe kwian agenga me no ulita alin chuia, chui ege kaire muinga gdaite nga kada Sabámu be meñe kwian ulitage, muinga e kwian nga Sabámu chugagwalla unsuialin. Muinga ege geru chku uñale kwian israelita chugagwalla unsuialin kada Salomón giti Salomón ta molen tanre, malen unsuialin muinga e jo bate bate Salomón jwiage Salomón gerua keruchugale, muinga e jo ene Salomón gerua nate. Cha gerua ma kweri Salomón geruage, nege cha agali kle gerule baske aini agwa ba me ta cha gerua gakalin ulia, malen chui bdaglige muinga e be ba ulita kle toi nege tangle gbe jiske Chubege ba me cha gerua gau ulia gdale.

Mateo 28:18

Jesu jo kwian geru jwannga amage ulita gitigu gire Jesu gerudu: —Chube cha gbu nga ngaña giti mauñale nga dba ai giti mauñale, cha ñage age ulita Chube kiralla giti cha takalin kare.

Mateo 3:11

Ba mo ta blitadale Chube ole gire cha ñage ba ñe chiske Chube kalla giti. Cha ñage age ene ba alin, agwa kwian gdaite be chie cha nate ama ma kira molen chage, ama be ñage age ma no kwian alin chage. Ama be Chube Oña gbe kwian tale, ene diali kwian be chage Chube Oña ole, Chube Oña be kwian ta gbe age no diali Chube takalin kare. Cha ñage kwian ñe chiske alin agwa cha me ñage Chube Oña gbe kwian tale kwian ta blite age Chube takalin kare. Ulia kwian gdaite be chie cha nate ama ma no ma kweri no trate chage, cha me ñanaske ama chudaboangale ni ama zapatolla dbe ama alin.

Marcos 14:61

Kwian gerunga Chube ole ma kweri gerudu ene Jesuge agwa Jesu me jaindunga dale, Jesu chegu kamne. Kwian gerunga Chube ole chugagwalla ma kweri gerudu nakwaite Jesu ole: —Cha geru kade bage, ba jainnga ulia cha kalen, ¿ulia ba Cristo Chube Kirolla? ¿Chube nu ba kagaba nga dba ai giti kwian alin o me?

Lucas 1:15

Kirogwa be chage no trate Chube gwa giti, ama me ñage mo chuge ngwadi lle gage jai dale ni uva chia jai, ama be kle chebiadige gire Chube Oña be kle ama ole, kaire ama chke chebia kote gire Chube Oña be kle ama ole diali chui gdale, ama be toi Chube Oña kirallaske diali.

Lucas 1:35

Gabriel jaindunga María kalen: —Chube Oña be chke badi, ene Chube kiralla giti ba be kirogwa molen, kirogwa e no trate ama Chube Kirolla.

Lucas 1:76

Zacarías gerudubi ene kwian ulita ole Chube giti gire gerudu mo kirolla alin ole, Zacarías gerudu: “Ba cha kirolla, ulia Chube kweri kira molen, ba kirogwa amanu, ba joge juma ba be chege lle boanga Chube alin Chube gerua ketangale daba nage, Chube be ba kage gerule kwian ulita ole ngeru Chugagwalla be chie giti, ba be kwian ta gbe biale Chugagwalla kweri ngwange.

Lucas 3:16

Kwian ulita kle tañachuge ene mo tale gire Juan-Bautista gerudu kwian ulita ole: —Cha me Cristo, agwa kwian gdaite be chie cha nate, ama Cristo, ama ma kira molen chage, ama be ñage age ma no kwian alin chage, ama be Chube Oña gbe kwian tale, ene diali kwian be chage Chube Oña ole, Chube Oña be kwian ta gbe age no diali Chube takalin kare. Cha ñage kwian ñe chiske alin, agwa cha me ñage Chube Oña gbe kwian tale kwian ta blite age Chube takalin kare. Ulia kwian gdaite be chie cha nate ama ma no ma kweri ulita chage, cha me ñanaske ama chudaboangale ni ama zapatolla jwennga ama serage.

Lucas 6:35

Ba me ñage tañachuge kwian ulita tañachuge kare, ba tañachugadale nganake. Ba mo ta dbadale no mo dolla ole age no ama alin diali. Ama lle gweale kade sugeti bage ba lle ketadale me tañachuge lle e gaini naskuni. Ba mo ta dbe ene mo dolla ole, bdagli nga ngaña giti Chube be lle noare kete bage age no ene ñanale, ba age ene ba kle age ba Ñenua Chube takalin kare, ulia ba Chube olia. Chube kweri, ama noare ulita, ama age no kwian ulita alin, me age no kwian no alin allabi, agwa kaire ama age no kwian me no alin, kwian me Chube uñe ni gerule no Chube ole Chube kle age no ama alin.

Juan 12:34

Kwian ulita Jesu keruchugu gerule ene gire kwian gerudu Jesu ole: —Ulia Chube ba kagu nga dba ai giti kwian kare ba gerudu kare, ¿mineade ba kle gerule ba gwabeda kruge? Moisés nu Chube gerua degaba unsuialin gerule Chube be Cristo kage Cristo be chege diali chui tangle mi jogeda. ¿Ba me Cristo, malen ba be jogeda?

Juan 6:69

Cha ulita mo ta gbaba ba gerua ulita gai ulia diali, uñale trate cha ulitage ba Cristo ba Chube Kirolla.

Hechos 16:17

Muinga e chagedu cha ulita nate ngaute cha giti kwian na ole, ama gerudu: —Onbre ai ulita Chube kweri kiraske gerua dbanga, ama kle chage geru Jesu giti dbe ba ulitage ene ba tien gitiru ji chugege age me no gdale.

Hechos 2:30

David chada degu kare suge chege David kle gerule mau giti agwa me ene. Ama daba nga dba ai giti chugagwalla ama kwian Chube gerua ketanga. Uñadu amage Chube be age ulita Chube gerudu kare. Chube gerudu no ulia ama ole Chube be David oindalla gdaite gbe kwian ulita Chugagwallale kweri.

Hechos 2:36

Ba kwian israelita, cha gerule ba ulita ole, sugedale trate ba ulitage, Chube Jesu gau kagu nga dba ai giti ba ulita Chugagwallale ba ulita jwanngale siere ji chugege ba agedu me no gdale, Chube Jesu kagu ba ulita alin Chube gerudu kare unsuialin, ba Jesu amaña guda kruge —Pedro gerudu ene ulita kwian ngle kledu mo litaba amadi tangle ole.

Hechos 7:48

Chube kweri nga ngaña giti me kle toi u kwian kle dodadege, u ege Chube me kle toi. Chube kwian Chube gerua ketanga kada Isaías gbu chada dege unsuialin e giti, chada e gerule:

Romanos 1:4

agwa kaire ama Chube, ama no trate ulita. Kwian gwagedu amadi jogeda, kaire kwian gwagedu amañadi chkeni gwadeni, e giti sugedu trate kwiange ulia ama Chube Kirolla ama kira molen tanre.

Apocalipsis 3:7

Jesucristo gerudu dare cha ole: “Kaire ba chada dege kwian Chubenu chugagwalla daba mananga Chube geruadi una Filadelfiamu alin, ene ama ñage geru ai ulita kete kwian ulita Chubenu una emuge. Ba chada dege kwian alin cha kle gerule ai kare ama ole: ‘Cha Chube Kirolla cha kle age ulita diali cha kle gerule kare, cha gerule ulia diali, cha no trate ulita. Cha kwian ulita Chugagwalla kweri kwian chugagwalla unsuialin David kare agwa kaire cha chege ma kweri ma kiraske Davige. Cha gerule chema ñage toi Chube ole diali nga ngaña giti chema me ñage toi Chube ole, e salengwli kwian u mauña kle kwian kade gwa kare o kaire kle kwian chuge ngwadi sugekare goga kare, cha ñage age ulita cha takalin kare. Cha amaña kle gerule ba kwian ulita kle mo lite Chube geruadi una Filadelfiage ole, cha gerule: