Juan 9:4 - Buglere

⁴ Nege cha kle nga dba ai giti che lle boadale blike cha kaganga cha kagu lle boi ama alin kare, chui kle kodi gire cha be jogeda che mi ñage lle boi dare.

Juan 9:4 ပူးပေါင်းရင်းမြစ်များ

Mateo 20:7

Gire kwian e ulita jaindunga: “Kwian me cha kadu lle boi mo alin malen cha kle aini ngwale.” Gire kwian dbi mauña gerudu: “Ba ulita jogedale lle boi cha alin cha ngwadi deage.” Kwian dbi mauña gerudu ene gire kwian e ulita jo lle boi dbi mauña alin deage.

Marcos 3:3

Jesu gwagedu onbre ko kwebangadi, Jesu gerudu onbre e ole: —Chkede gdate, bai aini kwian ulita gwa ngeru mo ko oga kaite kwian ulita gwa giti.

Juan 10:32

Gire Jesu gerudu ama ulita ole: —Cha Ñenua kiralla giti cha lle daga ngwale no tanre dodadu ba ulita gwa giti, ¿lle bai no cha dodadu cha Ñenua kirallaske gdale ba be cha skie ke giti?

Juan 10:37

Ba gwa giti cha gerule alin cha Chube Kirolla cha me age ama age kare, ba me cha gadale ulia cha ama Kirolla,

Juan 12:35

Jesu gerudu: —Cha mi chege toi ba ole sbali dare nga dba ai giti, agwa nege cha kle aini ba ulitaske, nege chui kle ba ulita alin cha gai ulia. Cha kle chage nga dba ai giti jichra kare kwian ulitaske, kwian bai cha gai ulia cha kwian ene ta gbe suge cha giti ene ama me chege age me no salengwli jichra kwian gbe ten nga jereske kare ene ama chagedale mine jichra giti nga jereske. Kwian kle chage nga jereske ama me ten ama jogenga, ni uñale amage ama joge baini. Ene kaire ba bai me cha gai ulia, ba be chege chage sugekare Chubege nga jereske kare. Agwa ba cha gai ulia, ene ba be chage nga chra no ngajudi kare giti, ene ba mi jogenga Chubege ba mi chege sugekare Chubege. Jesu gerudu ene ulita mo giti kwian ole gire Jesu jo siere kwian ngle ulitage, kwian ngle ulitage me uñadu Jesu jo baini.

Juan 17:4

Cha agedu ulita ba takalin kare kwian ulita gwa giti, ba cha kagu nga dba ai giti lle boi ba alin, cha lle e bo ulita, uñale chage nga suga no badi cha agedu giti ulita.

Juan 4:34

Jesu gerudu kwian geru jwannga ole: —Chube cha kagu lle boi ama alin, cha ta lle boakalin ulita ama takalin kare, lle e be kle boaba ulita gire nga be suga no chadi, cha tale be suge no salengwli che kle suge che kle unchke bligdadi kare.

Juan 5:19

Jesu gerudu kwian israelita ulita ole: —Cha gerule ulia ulia ba ulita ole, cha Chube Kirolla me kle age gballa mo talla giti, cha kle age ulita cha Ñenua cha ta gbe age kare, cha Ñenua kle age ulita cha gwa giti, cha age ulita ama kle age kare.

Juan 5:36

Cha kle age cha Ñenua cha gbu age kare lle boi ama alin, me kwian kle age kare ni tañachuge kare, ene cha kle age giti ñage suge kwian ulitage ulia cha Ñenua cha kagu, e ulita gerule ma trate cha giti Juan-Bautista geruduge cha giti kwian ole.

Juan 7:33

Guardia donga e ulita jo chke Jesudi Jesu gadale gire Jesu gerudu guardia donga ole kaire kwian kle mo litaba ulita ole: —Cha be kle aini ba ulitaske chui gwealege alin gire bigwa cha be jogeni cha kaganga kle ngwadi.

Hechos 4:20

Cha me ñage chege kamne me gerule sidri Jesu agedu no giti, cha me ñage age ene. Mo gwagwa giti cha gwagedu amadi age no ulita kaire mo ologe cha ama keruchugu gerule no ulita, e giti cha me ñage chege kamne, cha geru e ulita tragadale kwian na ole.

Gálatas 6:10

Uñale chege che age no Chube takalin kare che me kle age ngwale, malen noare diali che ñage kare che mo ta gbadale age no kwian ulita alin kwian ulita chudaboi, che me ta jogedalenga age no daba Chubenu alin diali, che daba Chubenu Jesucristo giti chudaboadale ngeru kwian na ulitage.

Efesios 5:16

Chui nege tanglege kwian tanre kle age me no, malen ba kwian Chubenu me ñage chui kagenga ngwale, ba diali mo ta gbadale age no kwian alin kwian chudaboi, ba gerudale no Chube giti kwian ole ba ñage gire.

Colosenses 4:5

Ba mo ta gbadale me chui kagenga ngwale, ba diali gerudale kwian ole Cristo giti. Ba toidale diali no trate ta giti Chube takalin kare kwian me Chubenu gwa giti, ene ba ñage gerule no Cristo giti kwian ole, ene kwian geru gai ulia ba giti.