Juan 8:48 - Buglere

⁴⁸ Kwian israelita gerudu Jesuge: —Nege suge cha ulitage cha kle gerule trate ulia ba giti, ulia ba kwian me no nga Samariamu, dolla kle ba tale ama kle ba gbe gerule ulita ngwale ama takalin kare.

Juan 8:48 ပူးပေါင်းရင်းမြစ်များ

Mateo 10:5

Jesu bebi kwian e ulita kage Chube gerua Jesu giti dbe kwian nage gire Jesu gerudu ama ulita ole: —Ba joge chage Chube gerua dbe gire ba me joge nga kwian me israelita kle toi ngwadige Chube gerua trage ama ole, kaire ba me joge una ulita nga Samariage Chube gerua trage kwian e ole.

Mateo 11:18

Juan-Bautista chku Chube gerua trage kwian ole, kwian tanre gwagedu Juan-Bautistadi Juan-Bautista toidu me blire kwian ulita kle blire kare Juan-Bautista me uva chia jau kwian ulita kle jai kare, Juan-Bautista toidu ene kare gdale kwian tanre me Juan-Bautista gau ngwange no kwian gerudu me no Juan-Bautistadige Juan-Bautista kwian jwligebanga che dolla kote.

Mateo 12:24

Kwian fariseo ulita kle ne ngwadi geru e keruchuge gire ama ulita gerudu Jesudi: —Dolla chugagwalla Satanás kle kira kete amage, kira e giti ama kle dolla na kage siere kwian jwligebangage.

Mateo 12:31

Cha geru ai kete bage kaire, ba ulita cha keruchuge no. Kwian bai age me no kaire gerule me no Chube dollale, kwian e mo ta blite Chube ole gire Chube kwian ene agedu me no kaire gerudu me no Chube dollale talla mlienga ulita. Agwa kwian bai kaire gerule me no Chube Oña dollale, Chube me kwian gerule me no ene talla mlienga dale.

Mateo 15:7

¿Mineade ba kle gerule kate ba kle Chube gerua gai dage, gire ba me kle age ba kle gerule kare? Ba ulita ta me no. Kwian Chube gerua ketanga kada Isaías Chube gerua degu unsuialin ba ulita giti, chada e gerule:

Juan 1:19

Kwian israelita chugagwalla ulita una Jerusalénmu kwian gau mne gdaite kagu geru kade Juan-Bautistage, kwian mne gdaite e gweale gerunga Chube ole daba alin, kwian na gerunga Chube ole daba alin chudaboanga, kwian e ulita jo chke Juan-Bautista kle ngwadi geru kadu Juan-Bautistage: —¿Ba chema?

Juan 10:20

Kwian israelita mne gdaite gerudu mne gdaite nadige Jesu giti: —¿Mineade ba kle ama gerua keruchuge ba kle ama kerua gai ulia? ¿Me suge bage kwian e jwligebanga, dolla kle ama tale ama gbe gerule?

Juan 13:13

Ba ulita kle cha kade ba tkanga tangle geruge, kaire ba kle cha kade ba chugagwalla, e ulia, cha ba chugagwalla cha ba tkanga tangle ba kle cha kade kare.

Juan 4:9

Uñadu muingage kwian israelita me no kwian nga Samariamu ole, malen muinga nga Samariamu gerudu Jesu ole: —Ba kwian israelita, ¿mineade ba chi kade chage cha muinga nga Samariamuge?

Juan 8:22

Jesu gerudu ene kwian ulita ole gire kwian israelita chugagwalla ulita gerudu modi Jesu giti: —¿Ama kle tañachuge mo gweda agali sugekare chege, malen ama kle gerule ama be joge ngwadi che me ñage joge?

Juan 8:52

Kwian israelita ulita Jesu keruchugu gerule ene, gire gerudu: —Nege trate uñale chage dolla kle ba tale, dolla kle ba ta gbe gerule, uñale cha ulitage cha enusulian Abraham toidu, kaire kwian Chube gerua ketanga dabage toidu, ulita jo juma gire ama ulita jokeda. Ba kle gerule kwian bai kaire ba gerua gbe gdadi ba gerua gai dage no, kwian ene be toi diali chui tangle.

Romanos 15:3

Ba ulita mo ta gbadale suge Cristo giti Cristo agedu mine nga dba ai giti kwianske, Cristo mo ta gbu age kwian ulita alin Chube takalin kare, Cristo me tañachugu mo giti age no mo alin, agwa kwian ulita me agedu no Cristo ole, kwian Chube dollale agedu me no tanre Cristo ole, Cristo gerudu e giti Chube ole, Cristo gerua e jo degaba unsuialin, chada e gerule: “Kwian gerudu me no badi ba dollale, kwian ene agedu me no cha ole kaire.”

Hebreos 13:13

Malen che mo ta gbadale ulia Jesucristo gerua gai kiraske gwangerugu, agwa me mo ta gbe geru unsuialin tangle giti gai mo alin allabi. Che mo ta gbadale biale boi daga ngwale Jesucristo boidu kare, kwian gide chedi Jesucristo gerua giti che me talladale, e giti suge chege che kle mo boange Jesucristo kare che kledale biale ta giti boi dagale Jesucristo giti.

Santiago 2:19

Ba ulita kle gerule Chube gdaitre alin ulia allabi kle, e giti ba kle tañachuge trate, agwa tañachuge e kare giti alin allabi me kle gerule ba kle mo ta gbe ulia Chube gdaitre alin ole. Cha gerule ba ole, che dolla Satanás chudaboangalla ulitage suge trate Chube gdaitre alin ulia kle, ama ulita kle kennga tanre Chubedi ama kle jirenga Chube chrullale ama kle age me no giti, agwa ama me no Chube ole.