Juan 6:9 - Buglere

⁹ —Kirogwa gdaite kle aini, ama cebada panlla gdatiga molen ngwe gdaboke agwa bligda e me ña kwian ulita alin gutadale.

Juan 6:9 ပူးပေါင်းရင်းမြစ်များ

Mateo 14:17

Kwian geru jwannga Jesuge jaindunga: —¿Che kwian nglea ulita ulle llemadi? Bligda me ngle che ole kwian tanre alin gutadale, che pan molen gdatigale alin ngwe gdabokle alin allabi, bligda e me ñage kwiange ulita.

Mateo 16:9

¿Bage me suge cha ñage bligda kete ba ulitage? ¿Ba ta jonga ulita cha kwian ngle ullu bligda sidridi giti? Cha kwian onbre ngle cinco mil ullu pan gdatigale alindige, kwian e ulita unchku, gire ¿ba bligda bita cheguda litu ole ski gbamangirege?

Marcos 6:38

Jesu geru kadu kwian geru jwanngage: —¿Ba kle chage pan dbe gdamangire? Joga pan ten pan gdamangire kle. Kwian geru jwannga Jesuge jo pan gdachuge bigire ama geru duni Jesuge pan giti, ama gerudu Jesu ole: —Pan kle gdatigale alin allabi, kaire ngwe kle gdabokle alin allabi.

Marcos 8:19

Cha pan gdatiga girabatangu bage kwian onbre ngle cinco milge, kwian e ulita unchku gire ¿ba bligda bita cheguda litu ole ski gbamangirege? Kwian geru jwannga Jesuge jaindunga: —Ski gbataboko giti gbaboke chku ete bligda bita cheguda ole.

Lucas 9:13

Jesu gerudu: —Ba ulita agali bligda kete kwian ulitage gutadale. Kwian geru jwannga gerudu Jesu ole: —¿Che kwian ngle ulita ulle llemadi? Bligda me ngle che ole kwian tanre alin gutadale, che pan molen gdatigale alin ngwe gdabokle alin, bligda e me ñage kwiange ulita. ¿Ba takalin cha ulita joge bligda ngle ngle gige kwian ai ulita ullagda, ene che ñage bligda kete kwian ulitage gutadale?

Juan 11:21

Marta jo chke Jesu kle ngwadi, Marta gerudu olire Jesu ole: —Cha Chugagwalla, ba kledu aini cha ole ene cha kobatea me jokeda. Ba me kledu, malen cha kobatea jokeda,

Juan 11:32

María jo chke Jesu kledu ngwadi, María gwagedu Jesudi ama toidu dba jongnagwa giti Jesu sera ngena, María gerudu olire Jesu ole: —Cha Chugagwalla, ba kledu aini cha ole ene cha kobatea me jokeda. Ba me kledu, malen cha kobatea jokeda.

Juan 21:10

Jesu gerudu geru jwannga ulita ole: —Ba ngwe jun sugeti gweale dú aini jitadi gugale.

Juan 21:13

Jesu jo jitadi, Jesu pan gau kote ketu geru jwannga ulitage, kaire ama ngwe ketu geru jwannga ulitage gutadale, geru jwannga ulita blidu.

Juan 21:9

gire ama ulita chiu dbige duge gire gwagedu jita teanbadi, kaire Jesu nu ngwe gbaba jita e giti ngwe kle biale gutale, gwagedu pandi kaire jita ngena.

Juan 6:11

Kwian ngle ulita toidu dba ngauda giti gire Jesu pan gdatiga ngwe gdaboke gau kote, Jesu gerudu Chube ole bligda giti: “Cha Ñenua, noare ba bligda ai ketu kwian ai ulita alin gutadale.” Jesu gerudu ene Chube ole gire Jesu bligda girabatangu kwian ulita toiba dba ole, Jesu bligda ulita ketangu kwian ngle ulitage unchkegda kwian takalin kare, Jesu bligda gbu jriennga kwian ngle ulita alin gutadale.

Juan 6:7

Felipe jaindunga Jesu kalen: —Igi kwangle giti che bligda gige kwian e ulita alin gutadale, ni bligda e ulita ñage kwian ulitage jalin jalin gutadale.

2 Corintios 8:9

Uñale ba ulitage che Chugagwalla Jesucristo agedu no no ba ulita alin ta no giti, ba chegu sugekare Chubege gire Jesucristo mo ta gbu ba chudaboi chie nga dba ai giti, Jesucristo kledu nga ngaña giti, ama lle no no tanre molen nga ngaña giti, ama e ulita chugu ngwadi chiu nga dba ai giti me lle molen, ama jokeda ba ulita alin, ene ama agedu giti ba alin ba me chege sugekare Chubege dare, Jesucristo gai ulia giti ba chege Chubenu.

Apocalipsis 6:6

Cha ologe keru sugedu chage gerule lle gwade gdabagaske: “Kwian bligda sidri gige igi tanre giti. Kwian lle boi chui gbaite, igi ama lle boi ñanale igi e giti ama ñage bligda kada trigo gige lata soli gdaitre alin allabi, o ama ñage bligda na kada cebada gige lata soli gdamaire alin allabi igi ama lle boi chui gbaite ñana giti. Bligda me kle ngle nga dba giti, malen bligda sidri mebi chbadakle kwangleare ulita, kwian ulita kle bli chuge tanre. Agwa lle kinre kaire lle gage me kagadalenga ngwale ene mi bidege.” Keru sugedu chage gerule ene.