Juan 6:5 - Buglere

⁵ Jesu kledu jwichuga giti ule geru jwannga amage ole gire Jesu gwagedu kwian ngledi chie jwichuga ama kle giti ngnagu, Jesu jo dbige jwichugage ten kwian ngle ngwange ule geru jwannga amage ulita ole, Jesu gerudu Felipe ole: —¿Che be joge bligda ngle gige baini kwian e ulita alin?

Juan 6:5 ပူးပေါင်းရင်းမြစ်များ

Mateo 15:33

Kwian geru jwannga Jesuge gerudu Jesu ole: —¿Che age mine kwian ngle ulita alin bligda giti? Aini nga gballage kwian me kle toi, ¿chema ngwadi che joge bligda jinade kwian ngle alin gutadale?

Marcos 6:32

Gire Jesu ule kwian geru jwannga amage ulita ole kwian na ulita chugu ngwadi kedagu, jo duge nga gballage.

Lucas 9:10

Jesu nu kwian geru jwannga amage ulita kagaba chage una kaire kairege Chube gerua trage daba na ole, ama ulita chkuni Jesu kle ngwadige, ama geru tragu Jesu ole ama lle bo ulita giti. Bigire Jesu jo ama ulita ole sugekare kwian na ulitage jo nga gballage kodi una Betsaidage.

Juan 1:43

Nagbietege Jesu mo ta gbu joge nga kada Galileage, nga ege Jesu tendu Felipe ngwange, Jesu gerudu Felipe ole: —Bai chagé cha ole geru jwen chage.

Juan 1:44

Felipe ai toinga una kada Betsaidage, Andrés kaire Pedro una Betsaidamu.

Juan 1:45

Felipe jo Natanael jwen Jesu kaitadale amage, Natanael skwendu Felipege undege gli kada higuera gdoge, Felipe gerudu: —Kwian gdaite skwendu chage, kwian e giti Moisés chada jigu degaba unsuialin kaire kwian Chube gerua ketanga dabage chada jigu degaba unsuialin kwian e giti, kwian e Jesu, ama José kirolla una Nazaremu.

Juan 1:46

Natanael gerudu: —¿Ba tañachuge una Nazaremuge kwian gweale no chada kle degaba giti kare ñage chie? Felipe me ta chugu gerule Natanael ole, Felipe gerudu: —Bai gwage cha kle kwian geruadedi, ene suge bage chema cha kle geruade.

Juan 1:48

Natanael Jesu keruchugu gerule ene gire Natanael gerudu Jesu ole: —¿Baini ba cha uñe? Jesu gerudu Natanael ole: —Felipe bebi gerule ba ole cha giti gire cha gwagedu badi ba kledu undege gli kada higuera gdoge.

Juan 4:35

Ba ulita kle tañachuge ba be manade gire bigwa ba be lle boi Chube alin, agwa cha gerule ba ulita ole ba me manadale, ba lle boadale Chube alin nege nege. Gwagede kwian ngle kle chie che ngnagudi, ama ulita ta kle biale Chube gerua gai, ba ulita geru Chubenu ketadale amage blike, ene ama ta blite Chube geruadi, kwian e ulita ta kle biale salengwli chude kle biale skutadale kare, ba geru ketadale blike kwian ege chude skutakle blike kare.