Juan 4:1 - Buglere

^1-2 Geru chku uñale kwian fariseo ulitage kwian ngle kledu chage Jesu nate Jesu gerua jwen kaire mo ñeange chiske Jesuge (Jesu agali me kwian ñeu chiske, agwa Jesu kwian geru jwannga amage ulita gbu kwian ñe chiske). Kwian geru jwannga Jesuge kledu kwian ma ngle ñe chiske Juan-Bautista kledu kwian ñe chiskege, e me skwendu no kwian fariseoge.

Juan 4:1 ပူးပေါင်းရင်းမြစ်များ

Lucas 1:76

Zacarías gerudubi ene kwian ulita ole Chube giti gire gerudu mo kirolla alin ole, Zacarías gerudu: “Ba cha kirolla, ulia Chube kweri kira molen, ba kirogwa amanu, ba joge juma ba be chege lle boanga Chube alin Chube gerua ketangale daba nage, Chube be ba kage gerule kwian ulita ole ngeru Chugagwalla be chie giti, ba be kwian ta gbe biale Chugagwalla kweri ngwange.

Lucas 19:31

Kwian gweale geru kade bage: “¿Lledale ba kle burro soli e skatrennga?”, ba gerule kwian e ole: “Cha Chugagwalla takalin burro soli aige.”

Lucas 19:34

Kwian geru jwannga jaindunga: —Cha Chugagwalla takalin burro soli aige.

Lucas 2:11

Cha geru kete ba ulitage, nege ba enusulian oña David unallaske kirogwa no no chku chebia kote, kirogwa e kwian ulita jwannga siere ji chugege kwian agedu me no gdale. Sbali Chube gerudu be ama kage, nege ama chku kwian ulita alin kaire agwe ba ulita alin, ama kada Cristo, ama che Chugagwalla.

Lucas 7:13

Jesu gwagedu muinga olidige olire tanre Jesu taidu dage muingage, Jesu gerudu muinga oli ole: —Ba me mo ta dbe olire dare ba kirolla nate.

Lucas 7:19

gire Juan-Bautista kwian geru jwannga amage boke gau kagu, ama gerudu: —Ba geru kade ai kare Jesuge: “Unsuialin Chube gerudu be kwian jwannga siere kage kwian alin, ¿ba amaña o ama bebi chie, cha chegedale ama manade ngwange dare o me?”

Juan 3:22

Jesu gerudu ene ulita Nicodemo ole gire Jesu jo kwian geru jwannga Jesuge ulita ole nga kweri Judeage, nga Judeage Jesu chegu chui sbali ule kwian geru jwannga ole, nga ege Jesu kwian geru jwannga amage ulita gbu kwian ñe chiske gai ngaña chigage Jesu kalla giti.

Juan 3:26

Kwian geru jwannga Juan-Bautistage ulita jo gerule Juan-Bautista ole: —Cha tkanga tangle geruge, cha gerule ba ole kwian gdaite giti kledu ba ole chi Jordánge tanglegu, ama giti ba gerudu no cha ole, ama ngwadi kwian ulita kle joge, ama kle kwian geru jwannga amage ulita gbe kwian ñe chiske, nege kwian ulita kle chage ama nate.

Hechos 10:36

Kwian israelita ole Chube gerudu Jesucristo giti Chube be Jesucristo kage nga dba ai giti kwian alin, Jesucristo kwian ulita Chugagwalla, Jesucristo giti alin kwian ñage mo ta gbeni suga no Chube ole.

1 Corintios 1:17

Cristo me cha gbu chage kwianske kwian ñe chiske, Cristo me lle e kare ketu chage boadale, agwa ama cha gbu geru ama giti kete kwiange, cha kle geru Cristo giti trage kwian ole cha me kle gerule mo ta giti sugekare cha tañachuge kare, me ene, cha kle gerule no trate Cristo jokeda kruge giti Chube cha ta gbe gerule kare, ene geru Cristo giti ñage suge trate kwiange ñage kwian ta blite. Cha gerule mo ta giti cha tañachuge kare cha kle gerule ngwale, ene geru ulia Cristo giti me ñage suge kwiange me ñage kwian na ta blite.

1 Corintios 15:47

Dbi jo dodaba kwianle chegu kwianle gwangea nga dba aimu, e Adán, agwa Cristo chiu nga ngaña giti Chube kle ngwadi.

1 Corintios 2:8

Kwian chugagwalla nga dba ai giti ni gdaitege sugedu Jesucristo ulia kwian Chugagwalla ma kweri Jesucristo ulia Chube Kirolla kagaba nga dba ai giti. Sugedu kwian chugagwallage Jesucristo Chube Kirolla, ene ama me Jesucristo gbu kruge ngaña gwadaleda, agwa kwian chugagwalla nga dba ai giti me sugedu amage Jesucristo giti.

2 Corintios 4:5

Diali cha kle chage geru dbe kwianske cha geru Jesucristo giti trage no kwian ulita ole, cha me chage kwianske gerule no mo giti: “Cha kwian no no, cha ba jwannga siere ji chugege age me no gdale.” Me ene, cha me gerule ene mo giti, agwa cha gerule ene Jesucristo giti, ulia Jesucristo no no, ama che Chugagwalla ama che jwannga siere ji chugege che age me no gdale, cha geru e dbanga alin, cha lle boanga alin allabi Jesucristo alin ba ulitaske ba ulita ta gbe Jesucristo geruadi.

Santiago 2:1

Cha bitalla Jesucristo giti, ba ulita kle che Chugagwalla kweri Jesucristo gai ulia mo Chugagwallale, ba me ñage mo ta dbe no kwian gweale alin ole gire kwian na ole ba me mo ta dbakalin no, ba me takalin ni sidri mo oinnga amage. Ba me ñage age ene, ba agedale no kwian ulita alin salengwli.

Apocalipsis 19:16

Kwian gdaite ji gbanga kledu skwenba ja giti, ama ñometralla giti kaire ama skwagda giti ama kledu chage ka degaba ene: CHUGAGWALLA MA KWERI MA KIRASKE CHUGAGWALLA NA ULITAGE. Chada kledu gbaba ene ama ñometralla giti ama skwagda gitige.