Juan 20:19 - Buglere

¹⁹ Jesu medu María-Magdalenage chuia, e chui domingoge, chui amañage ngabi nga train giti kwian geru jwannga kledu mo litaba ugaka jegaba mo giti kejre kwian israelita chugagwalla ulita chrullale, geru jwannga ulita kle gwa Jesu me chiu gda uñale gire ama chku gwa geru jwannga kle mo litabaske, Jesu gbi kadu geru jwannga ulitage: —¿Che kle mine? Cha takalin ba ulita ta dbe suga no.

Juan 20:19 ပူးပေါင်းရင်းမြစ်များ

Mateo 10:13

Ba gbi kade no ene kwiange gire kwian jainnga ta no giti ba kalen gwajondoida kwian ba gai ngwange no, kwian ene alin Chube be age no. Agwa ba gbi kade kwiange gire kwian me jainnga ba kalen ta no giti me ba gai ngwange no, kwian ene alin Chube mi age no, Chube be age no ba alin allabi, ngwale ba gbi kade kwian enege, ama mi ba keruchuge gerule Chube giti.

Mateo 18:20

Ulia baini kaire kwian cha gerua gaba mo lite ole gdaboke o gdamai cha kalla giti, ne ngwadi cha be kle amaske cha ama keruchuge cha ama chudaboi.

Marcos 16:14

Bigwa Jesu medu kwian geru jwannga ulita gdataboko giti gdaitege gwadeni, ama ulita kledu mo litaba blire gire Jesu chku, Jesu gerudu ama ulita ole: —Cha ta olire tanre ba giti. Kwian ulita bai kaire gwagedu chadi gwadeni ama geru kete bage cha giti, ni ba ama kerua gau ulia cha chkuni gwade giti, ba me kle mo ta gbe ulia cha ole.

Juan 14:27

Cha be jogeni cha Ñenua ngwadi gire cha be ba ulita ta jige suga no, cha ba ta gbe suga no me salengwli kwian kle ta dbe suga no sugeti alin lle gweale giti, cha ta suga no kete, e chege diali ba tale. Malen ba me chegedale tañachuge tanre be boi giti, ba me ta dbadale olire, ba me ta dbadale kennga.

Juan 16:22

Ene kaire ba ulita mi kle nga suga no ole be kle ta olire tanre cha nate, cha be chieni gire ba be gwageni chadi cha be kleni ba ole, ba tale be nga suga no tanre molen, nga suga no ba ulita tale cha giti kwian na me ñage e jwennga, nga suga no e be chege ba tale diali.

Juan 16:33

Cha gerudu ulita ba ole, ba tachkedale e giti ulita, ene cha giti ba be ta dbe suga no diali. Ba ulita chanu be boi daga ngwale nga dba ai giti kwian me chanuske, agwa ba me tallade e giti, ba me ta dbe kennga, ba mo ta gbadale diali cha kirallaske, cha kirachku ulita me no kiralladi.

Juan 20:21

Jesu mo kaitu ene kwian geru jwanngage gire Jesu gerudu nabitaite: —Cha takalin ba ulita ta dbe suga no. Jesu gerudu dare kwian geru jwannga ulita ole: —Cha Ñenua cha kagu lle boi ama takalin kare kwianske, ene kaire cha ba ulita kage lle boi cha takalin kare kwian me cha gerua uñeske.

Juan 20:26

Jesu medu chuiage jo tangle, chui apakege gire kwian geru jwannga ulita kledu mo litaba nakwaite gwa, chui ege Tomás kledu ule mo litaba, ama ulita kledu mo litaba ugaka jegaba kejre gire Jesu me chiu gda uñale Jesu chku gwa ama ulitaske, Jesu gbi kadu ama ulitage: —¿Che kle mine? Cha takalin ba ulita ta dbe suga no.

Juan 21:1

Jesu mo kaitu Tomáge ene gire chui jo tangle Jesu medu geru jwanngage nakwaite chibita kada Tiberias kagdage, e suiale boidu ene:

Juan 21:14

Jesu chkebani gwade, ai bitamaikedale Jesu medu kwian geru jwannga ulitage.

Juan 7:13

Kwian tanre ulita gerudu ene modi jalin jalin Jesu giti, ama ulita kwachiu kwian israelita mneite kle Jesu jinade natedi malen kwian e ulita ni gdaite gerudu kweri Jesu giti kwian israelita mneite gwa giti.

Hechos 1:3

Jesu jokeda kruge, ama jaba chkuni gwade kledu gwadeni gire Jesu mo kaitu kwian geru jwannga gdataboko giti gdaite ulitage, kwian e ulita gwagedu Jesudi gwadeni, kwian e ulita gwa giti Jesu ageduni no tanre chke gda uñale ulia amaña kle gwadeni. Jesu chegu toi dare nga dba ai giti chui cuarenta, e suiage tangle Jesu medu bitangle kwian geru jwannga amage ulitage, diali Jesu gerudu ama ole Chube takalin kwian ulita Chube gerua Jesu giti uñe ene kwian ñage mo ta blite Chube ole Chube gai ulia mo Chugagwallale.

Romanos 15:33

Chube ta suga no mauña, diali cha gerule ama ole ba ulita giti cha takalin ama ta suga no ene kete ba ulitage ama ba chudaboi ama age no ba alin diali. Ene nobi.

1 Corintios 15:5

Cristo chkuni gwade ama medu Pedroge, kaire chui nage Pedro kledu kwian Jesucristo gerua ketanga na ulita ole ama gdataboko giti gdaboke ulita gwagedu Cristodi gwadeni mo gwagwa giti.

Efesios 2:14

Kaire Jesucristo giti cha ulita kwian israelita ba ulita kwian me israelita chege kwaitre alin mne gdaitre alin kare, ngeru cha kwian israelita chudalla ulita mo ta gbu ba dollale agwa Jesucristo gerua gai ulia giti che ulita me kle tañachuge ngeru kare kira bate modi mo ibade ongoru ongoru ngeru kare. Che Jesucristo gai ulia giti che ta chege ule kwaitre alin, suge chege nege che ulita Chubenu.

Efesios 6:23

Cha bitalla ulita Jesucristo giti, cha takalin Chube ba ta gbe nga suga no ole kaire ama ba ta gbe chege chage gwangerugu Jesucristo gerua ai gai diali mo tale ene ba toi no nga suga no ole ongoru ongoru daba ulita Jesucristo gerua gaba ole.

Filipenses 1:2

Cha takalin Chube che Ñenua kaire Jesucristo che Chugagwalla age no ba ulita alin ama ba ulita ta gbe suga no, cha takalin ba ulita toi talla ene ole diali.

2 Tesalonicenses 3:16

Cha gerule ba ole, cha takalin Jesucristo che Chugagwalla ta suga no mauña agali ba ta gbe nga suga noare ole diali chui tangle ba ulita kle boi giti, cha takalin suge trate bage Jesucristo kle diali ba ulita ole, cha takalin ama age no ba ulita alin.

3 Juan 1:14

Cha kle mo ta gbe suge moge me sbali cha be gwage badi mo gwagwa giti agali gire chui ege cha ñage gerule ba ole agali ulita.

Apocalipsis 1:4

Cha Juan kle chada ai ulita dege Chube talla giti ba ulita kwian Chubenu Jesucristo giti mne gdaguke toinga nga Asiamu alin, cha gbi kade ba ulita alin chada ai giti. Cha takalin Chube che Ñenua age no no ba ulita alin kaire cha takalin Chube che Ñenua ba ulita ta gbe nga suga no ole. Chube amaña klebi lle ulita gwangeage, kaire ama kle nege tangle kle chui diali dale alin. Kaire Chube Oña kle Chube ole Chube che Chugagwalla kle toiba dba ngwadi nga ngaña giti, Chube Oña no trate ulita, cha takalin Chube Oña age no ba alin ba ta gbe nga suga no ole.