Juan 19:35 - Buglere

³⁵ Cha Juan chada ai deganga, boidu ulita Jesu ole cha gwagedudi mo gwagwa giti, cha kle gerule ulia cha gwagedudi, chage uñale trate ulia cha gwagedudi boidu ene ulia, ene ba ulita bai kaire chada ai batenga cha kle gerule giti ba ulita geru ai gai ulia.

Juan 19:35 ပူးပေါင်းရင်းမြစ်များ

Juan 11:15

Nga suga no chadi cha me kledu ama ole, e ma no ba alin, ene cha be age ama jaba ole ba ulita gwa giti, ene ba be mo ta gbe cha gai ulia ma no. ¡Ale llani Lázaro jaba kle ngwadi!

Juan 14:29

Cha gerule ene ba ole ngeru bebi boi cha kle gerule kare, be boi ene cha kle gerule kare gire be suge bage kle boi ulita cha gerudu kare, e giti ba ulita be cha gai ulia ma no dare.

Juan 19:26

Jesu gwagedu mo chebiadi, ule chebia ole kwian geru jwannga Jesuge gdaite kledu, geru jwannga e ole Jesu no no, Jesu gerudu chebia ole: —Cha chebia, ba geru jwannga e gai mo kirollale.

Juan 20:31

Agwa chada ai chege degaba Jesu giti kwian ulita alin, kwian chada ai batenga ene chke uñale chada ai giti ulia Jesu Chube Kirolla, amaña kada Cristo kwian ulita jwannga siere ji chugege age me no gdale, kaire chke uñale kwiange chada ai giti kwian ulita bai kaire Jesu gai ulia kwian ene toi diali chui tangle Chube ole Jesu gai ulia giti.

Juan 21:24

Geru jwannga gdaite e, e cha kada Juan, cha chada ai deganga, cha gwagedudi boidu Jesu ole cha gwa giti cha kle e trage kwian na ole, kaire Jesu agedu giti cha degu chada ai giti, uñale chage kaire uñale kwian na tanrege cha kle gerule ulia Jesu giti.

Hechos 10:39

Pedro gerudu dare kwian ole: —Cha ulita chagedu Jesu ole uñale chage ulita Jesu lle tanre no bo ulita cha gwa giti nga kweri Judeage kaire una Jerusalénge, gire bdagli kwian israelita ulita Jesu dollale agedu me no Jesu ole Jesu guda kruge.

Romanos 15:4

Ulita Chube gerudu unsuialin Chube gerua e jo degaba che alin, ene che geru e jwen, e giti che tachke Chube takalin mine che ulita alin, kaire geru e giti suge chege chui be chke gire che be joge siere boi daga ngwale ulitage che be toi ule Cristo ole diali chui tangle, geru e che ta gbe kiraske nga suga no ole, ene che boi daga ngwale che ñage jage che me joge siere Cristoge.

1 Pedro 5:1

Nege cha gerule ba daba Chubenu chugagwalla ulita ole, cha daba Chubenu chugagwalla ba ulita kare. Cha gwagedu mo gwagwa giti Cristodi ji chuge dagale nga dba ai giti, Cristo chieni chuiage che ulita be gwage Cristodi ule, chui ege che ulita be joge toi ule ama ole nga ngaña giti.

1 Juan 5:13

Cha kle chada ai dege ba ulita alin bai kaire Chube Kirolla gai ulia mo Chugagwallale, ene suge trate bage ba ulita Chube Kirolla gaba ulia giti ba be toi diali chui tangle Chube ole nga ngaña giti.

3 Juan 1:12

Agwa cha gerule no ulia daba Chubenu na kada Demetrio giti ama kle toi no trate Chube takalin kare, ene chke uñale daba ulitage Demetrio kwian Chubenu ulia. Kwian Chubenu ulita kle gerule no Demetrio giti kle ama gai dage. Cha kaire agwe kle Demetrio gai dage kle gerule no ama giti, uñale bage cha gerule ulia diali cha me gerule ngwale dale.