Juan 19:28 - Buglere

²⁸ Boidu ene ulita gire Jesuge sugedu ama lle boadale Chube alin nga dba ai giti ama dodadu ulita. Boidale Chube gerua degaba unsuialin gerule kare, malen Jesu gerudu: —Cha siechie.

Juan 19:28 ပူးပေါင်းရင်းမြစ်များ

Lucas 12:50

Uñale chage cha be boi daga ngwale, kwian me no be cha gweda, cha kle ta dbe olire tanre tañachuge cha be boi giti.

Lucas 18:31

Jesu kwian geru jwannga amage gdataboko giti gdaboke kadu sugekare kwian ngleage gerule ama ole Jesu be boi giti ulita, Jesu gerudu: —Nege che be joge una Jerusalénge, Chube cha kagu nga dba ai giti kwian kare, una Jerusalénge cha be boi ulita kwian Chube gerua ketanga nu chada degaba unsuialin gerule kare.

Lucas 22:37

Chube gerua degaba unsuialin gerule cha giti, chada e gerule: “Kwian be gerule ama kwian me no, kwian be ama gbe jiske kwian me no kare, ama gwabeda kwian me no ole ule.” Cha boabe ene ulia, cha be boi ene chuia kle kodi chada degaba unsuialin gerule kare.

Juan 13:1

Chui ngeru Pascua ollade chuiage, chui ege ngabi Jesu kle blire ule kwian geru jwannga amage gdataboko giti gdaboke ole, kwian geru jwannga e gdaite kada Judas-Iscariote, ama Simón-Iscariote kirolla, che dolla Satanás nu Judas-Iscariote ta gbaba biale Jesu kete kwian Jesu dollalege gwadaleda. Uñadu Jesuge ama Ñenua Chube lle ulita kwian ulita gbu ama kote, ama chiu Chube ngwadi be jogeni naskuni Chube ngwadi. Jesuge uñadu Jesu mi chege dare nga dba ai giti kwianske chuia chku, ama be jogeni nga ngaña giti toi ama Ñenua ole, Jesu chagedu nga dba ai giti kwian amanu ole Jesu diali ta du no no ama ulita ole, Jesu mi kle dare kwian amanu ole nga dba ai giti, agwa Jesu talla be chege no no kwian ene ulita ole diali chui tangle.

Juan 17:4

Cha agedu ulita ba takalin kare kwian ulita gwa giti, ba cha kagu nga dba ai giti lle boi ba alin, cha lle e bo ulita, uñale chage nga suga no badi cha agedu giti ulita.

Juan 18:4

Ulita kwian be age Jesu ole uñadu Jesuge, Jesu gwagedu kwian ulitadi kle chie Jesu kle ngwadi gire Jesu jo kwian chie Jesu gitigu ngwange, Jesu geru kadu: —¿Ba kle chage chema nate?

Juan 19:24

malen guardia donga gerudu modi: —Che me ñometra ai gagenga, ma no che blachke gbe ñometra giti gire che gdaite bai blachke be chege ñometra mauñale. Boidu ene Chube gerua degaba unsuialin gerule kare Jesu giti, chada e gerule: “Cha ñometralla jo girabataba modi, cha ñometralla jeike llagli giti blachke jo gbaba.” Chube gerua degaba unsuialin gerule ene kwian be age giti, chui e chku gire guardia donga agedu ene ulita Jesu ñometralla ole chada e gerule kare.

Juan 19:30

Jesu uva chia gage junnga kate daglige Jesu jau gire Jesu gerudu: —Cha lle dodadu ulita cha Ñenua takalin kare nga dba ai giti. Jesu gerudu ene gire ama chuga gbu gwadbigu ama jokeda.

Juan 19:36

Boidu ene Jesu ole Chube gerua degaba unsuialin gerule kare, chada e gerule Jesu giti: “Kwian mi ama gda jegwale gdaite skutenga.”

Juan 4:34

Jesu gerudu kwian geru jwannga ole: —Chube cha kagu lle boi ama alin, cha ta lle boakalin ulita ama takalin kare, lle e be kle boaba ulita gire nga be suga no chadi, cha tale be suge no salengwli che kle suge che kle unchke bligdadi kare.

Hechos 13:29

Chube gerua degaba unsuialin gerule Jesu giti kwian be age me no ene Jesu ole, boidu ulita chada degaba gerule kare. Kwian Jesu guda kruge gire ama jaba junlen dbige kruge, jaba jo tkaba keugage,