Juan 19:18 - Buglere

¹⁸ jo chke nga ege gire kwian guardia donga Pilato alin Jesu gbu kruge ngaña. Kaire kwian na gdaboke gbere kru na gdabokege ule Jesu ole, kru gdaite Jesu ko taingwli ngnagu giti kru gdaite Jesu ko jole ngnagu giti, Jesu gbere kruge kwian boke e krulla kaskwada.

Juan 19:18 ပူးပေါင်းရင်းမြစ်များ

Mateo 27:44

Kwian israelita chugagwalla ulita gerudu me no ene kidere Jesudi, kaire kwian agenga me no gdaboke kledu Jesu ole mo kaire kruge, ama gdabonate gerudu me no kidere Jesudi salengwli kwian na ulita kledu gerule kare.

Juan 18:32

(Ulita boidu salengwli Jesu gerudu ngeru kare ama be jogeda giti kwian be age ama ole giti.)

Juan 19:32

Kwian israelita chugagwalla ulita gerudu ene Pilato ole gire Pilato guardia donga kagu kwian gdamai kle kruge seragda skutenga, guardia e kwian gdaite kle kruge Jesudi ongoru seragda skutunga gire ama kwian na kle kruge Jesudi ongoru seragda skutunga.

Hechos 2:23

Ba ulita gwagedu tanre Jesu agedu no ba gwa giti, agwa e giti ba me talladu. Chube bebi Jesu kage, Chubege uñadu be boi ulita nga dba ai giti Jesu ole, e ulita uñadu amage. Gire Chube Jesu kagu nga dba ai giti ba ulita alin, ba ulita Jesu ketu ama dollage gwaleda kruge kwian jiskenga kare.

Gálatas 3:13

Moisés chadalla gerule ene, agwa che gdaite me ñage age ulita no trate diali Moisés chadalla gerule kare, malen che ulita chege jiske Chube gwage che agedu me no giti gdale. Cristo jokeda kruge che ulita alin, e giti Cristo che jun siere ji chugege che agedu me no gdale, Cristo agedu giti che alin che me chege jiske dare Chube gwage. Cristo kledu kruge ngaña gire Chube gwagedu amadi kwian jiskenga kare che agedu me no ulita giti, Chube gerua degaba unsuialin gerule e giti, chada e gerule: “Kwian bai kaire ulita jiske jogedaleda ngaña glige ama jiske Chube gwage.”

Hebreos 12:2

Che mo ta gbadale diali tañachuge Jesucristo giti, Jesucristo amaña kle che ta gbe Chube gai ulia, ama kle che ta gbe suge Chube giti ma ngle, ama kle che chudaboi toi ma no Chube takalin kare. Che tañachugadale diali Jesucristo boidu giti, Jesucristo boidu daga ngwale jokeda kruge ni ama mo talladu mo kete kwian ulita agenga me no giti, ni ama tañachugu mo tale ama be boi ibulla jogekeda kruge giti kwian agenga me no kare. Amage uñadu ulia ama be boi daga ngwale jere jere agwa kaire uñadu amage nga be suga no amadi bdagli ama agedu kwian alin giti, malen ama jagedu boi daga ngwale ulitage me mo talladu. Ama jokeda chkuni gwade, nege ama kle nga ngaña giti toiba dba Chube ngena Chube ko taingwli giti kwian Chugagwalla kweri.