Juan 19:17 - Buglere

¹⁷ Kwian israelita ulita Jesu du nga kada Calaverage, kwian israelita kwirale nga e kada Gólgota, nga e ngnagu Jesu jo mo krulla dbe,

Juan 19:17 ပူးပေါင်းရင်းမြစ်များ

Mateo 10:38

Kwian bai ta chagekalin ulia cha ole me ñage tañachuge mau giti ngeru chage, kwian ene mo ta gbadale cha alin ole age ulita cha takalin kare, kwian ene boi daga ngwale cha gerua dbe gdale me tallade, kwian ene kle mo ta gbe age cha takalin kare ama ñage chage cha ole.

Mateo 16:24

Jesu gerudu ene Pedroge gire Jesu gerudu kwian geru jwannga ulita ole: —Kwian bai ta chagekalin ulia cha ole me tañachugadale dare mau giti alin allabi me agedale dare ama agali ta agekalin kare, ama mo ta gbadale cha gerua gbe gdadi age cha takalin kare, kwian na ama gbe boi daga ngwale cha gerua gdale kaire kwian na ta ama gwakalinda cha gerua gdale, ama me mo talladale. Kwian bai mo ta gbe ene ñage chage cha ole.

Mateo 27:37

Jesu chuga giti ngaña Jesu krullage chada degle gbere, chada e gerule: “Kwian ai kada Jesu ama kwian israelita ulita chugagwalla kweri rey.”

Marcos 10:21

Jesu gwagedu kwian onbre edi Jesu ta no onbre e ole, Jesu gerudu: —Noare ba kle age ene, agwa cha gerule ba ole, ba mo ta gbadale age na gdaite. Joga, lle banu ulita chbade, igi ulita lle e ñana ba kete kwian me lle molenge. Ba age ene ulita gire ba chieni cha kle ngwadi ba mo ta gbe chage cha ole diali geru jwen chage. Gire ene ba be kle biale joge toi diali Chube ole nga ngaña giti, Chube be age no ba alin ba agedu no ñanale.

Marcos 15:32

Ama ulia Cristo Chube nu ama kagaba nga dba ai giti, ama ulia kwian israelita ulita Chugagwalla kweri, ama mo jwanlenga agali kruge che ulita gwa giti, ene be suge che ulitage ama ulia Cristo gire che ulita be ama gai ulia. Kwian israelita chugagwalla ulita gerudu me no ene kidere Jesudi, kaire kwian gdaboke kledu Jesu ole kruge mo kaire ama gdabonate gerudu me no kidere Jesudi salengwli kwian na ulita kledu gerule kare.

Marcos 8:34

Jesu gerudu ene Pedro ole gire Jesu kwian na nglea kadu mo gitigu ule kwian geru jwannga amage ulita ole, Jesu gerudu kwian ulita ole: —Kwian bai ta chagekalin ulia cha ole me tañachugadale dare mau giti alin allabi me agedale dare ama agali ta agekalin kare, ama mo ta gbadale cha gerua gbe gdadi age cha takalin kare, kwian na ama gbe boi daga ngwale cha gerua gdale kaire kwian na ta ama gwakalinda cha gerua gdale ama me mo talladale. Kwian bai mo ta gbe boi cha giti kwian ene ñage chage cha ole.

Lucas 14:27

Kwian bai ta chagekalin ulia cha ole me ñage tañachuge mau giti ngeru, ama mo ta gbadale cha alin ole age ulita cha takalin kare, kwian ene boi daga ngwale cha giti me tallade, kwian ene kle mo ta gbe age cha takalin kare ama ñage chage cha ole.

Lucas 23:26

Guardia donga ulita jo Jesu dbe kru ole nga Jesu gwabeda ngwadi, gire jonkare guardia donga tendu onbre kada Simón ngwange, Simón una Cirenemu, Simón kledu chage una Jerusalén ngnagu gire guardia donga Jesu gau gbu Jesu krulla dbe Jesu nate.

Lucas 23:33

Kwian boke e jo chke Jesu ole nga kada Calaverage, eni guardia donga Jesu gbu kruge ngaña, kaire guardia donga kwian jiskenga boke e gbu kru na gdabokege ngaña, gdaite gbere kruge Jesu ko taingwli ngnagu giti, gdaite gbere kru nage Jesu ko jobole ngnagu giti.

Lucas 23:38

Chada jo degaba Jesu giti, chada e gbere kruge Jesu chuga giti, chada e gerule: “Ai kwian israelita ulita chugagwalla kweri rey.”

Lucas 9:23

Jesu gerudu ene mau giti gire gerudu dare: —Kwian bai ta chagekalin ulia cha ole me tañachugadale dare mau giti alin allabi me agedale dare ama agali ta agekalin kare, chui gdale ama mo ta gbadale cha gerua gbe gdadi age cha takalin kare, kwian na ama gbe boi daga ngwale cha gerua gdale kaire kwian na ta ama gwakalinda cha gerua gdale, ama me mo talladale. Kwian bai mo ta gbe ene ñage chage cha ole.

Juan 19:13

Pilato kwian ulita keruchugu gerule ene Jesu giti gire Pilato Jesu jwanngu siere gwa dbadale goga kwian ulita gwa giti, Pilato jo goga nga ama gerule kwian giti kwian jiske o me jiske ngwadige, nga e keuda dodaba bate ngaña, keuda e kada Gabata kwian israelita kwirale. Ne ngwadi Pilato toidu dba geru bdagli ketadale kwian ulitage Jesu giti, ama gerudu kwian israelita ulita ole Jesu giti: —¡Gwagede ba chugagwalla kweri aidi, ama kle aini ba ulita gwa giti! Pilato gerudu ene kwian ole chui bduke chuiete ngeru Pascua chuiage.

Juan 5:2

Gere una Jerusaléndi tangle, gereka gdaite kada Oveja Ugakalla, ugaka ege kodi chi tan kle, kwian israelita kwirale chi tan e kada Betzata, chi tan e kagda giti u soli gbatiga kle.

Hechos 7:58

Kwian Esteban du siere unage gwadaleda, jo ama dbe nga kwian me kle toi ngwadige. Ne ngwadi Esteban dolla geru ulita jinanga ngwale Esteban dollale ama ñometra ngañaru amanu junnga modi ketu kwian kada Sauloge manadale, gire Esteban dolla ulita Esteban skiu ke giti.