Juan 17:26 - Buglere

²⁶ cha giti ama ulita ba uñe, cha gerudu ama ole ba giti, ene chku uñale ama ulitage ba mine, cha be kle ama ole diali, cha be ama ta gbe ma no ba uñe dare. Ba noare cha ole, ta e kare cha takalin chege kwian ai ulita chanu tale, ene cha be kle ama ulita ole diali. Ene nobi cha Ñenua.”

Juan 17:26 ပူးပေါင်းရင်းမြစ်များ

Juan 14:20

Cha Ñenua be mo Oña kage ba alin chuiallage, chui ege be suge trate ba ulitage cha kle cha Ñenua ole, ba ulita kle cha ole, cha kle ba ulita ole.

Juan 14:23

Jesu jaindunga: —Kwian bai kaire no cha ole be cha gerua gbe gdadi be age ulita cha gerule kare, cha Ñenua be no kwian ene ole, cha Ñenua ule cha ole be chieni toi kwian ene tale diali.

Juan 15:15

Cha me ba kade dare lle boanga alin cha alin, me uñale lle boangage ama mauña kle tañachuge mine be llema boi, cha ba ulita kade cha skatemanalla, cha Ñenua geru ketu chage, cha geru e ulita tragu ba ulita ole.

Juan 15:4

Ba mo ta gbadale diali chege cha gai ulia, ba ta chegedale ule cha ole cha ta ba ole kare. Uvananga sugekare uva girage me ñage gbachie, ene kaire ba ulita ta chege sugekare chage ba ulita agali me ñage age no cha Ñenua takalin kare.

Juan 15:9

Cha no ba ulita ole cha Ñenua no cha ole kare, sugedale bage cha no ba ole, ba ulita me ta jogedalenga ege.

Juan 17:23

Cha kle ama ulita ole ba kle cha ole kare, cha giti ama ulita tañachuge no ulia kwian gdaitre alin kare, ene ama giti kwian me chanuge suge ulia ba cha kagu aini nga dba ai giti, kaire suge amage ulia ba no kwian chanu ole ba no cha ole kare.

Juan 17:6

Ba kwian ai gdataboko giti gdaite ulita gau kwian ulitaske mau alin, kwian ai ulita banu, ba ama ta gbu chage cha ole cha gai ulia, cha giti sugedu amage ba mine, cha gerudu ulita ama ole ba giti, ama ba gerua gbu gdadi ba gerua gau dage cha gerudu kare ama ole.

Juan 17:8

Ba geru ketu chage, cha geru e ketu ama ulitage, ama geru e ulita gau ulia, suge ama ulitage ulia cha chiu ba ngwadige, ama ulita cha gai ulia ba cha kagu.

Juan 6:56

Kwian bai kaire cha jegwale gai mau alin cha bea gai mau alin, kwian ene chanu, cha kwian enenu, kwian ene ta be kle cháge diali, cha ta be kle amage diali.

Juan 8:50

Kwian gerule cha dollale kwian me cha gai dage, cha me e tallade kwian kle age giti cha ole, agwa cha Ñenua takalin kwian ulita gerudale no cha giti cha gai dage no, kwian bai kaire me gerule no cha giti me cha gai dage no, cha Ñenua be kwian ene gbe ji chuge agedu cha ole gdale.

Romanos 8:10

Jogeda chegu kwian ulita alin age me no gdale, chui gwealege ba be jogeda agwa ba ulia Cristonu ba oña mi chege sugekare Chubege, ba oña be chege diali Chube ole, ba Cristo gau ulia giti ba no trate Chube gwage.

1 Corintios 1:30

Chube agali che ulita gau che ta gbu Jesucristo gai ulia, ene che talla chege diali Jesucristo ole. Jesucristo giti Chube che ta gbe ngle, kaire Jesucristo giti Chube che jun siere ji chugege che agedu me no gdale, Jesucristo giti che chege trate Chube gwage, Jesucristo giti che kle biale joge toi Chube ole bdagli.

1 Corintios 12:12

Che gdaite jegwale ngle molen, agwa ulita gdaitre alin ule. Ene kaire kwian ngle Cristo giti kwian gdaitre alin kare.

Gálatas 2:20

Nege cha kle Chube Kirolla Jesucristo gai ulia mo tale diali, Cristo no cha ole, ama agedu no cha alin, ama mo chugu ngwadi jogeda cha agedu me no giti, ama jokeda kruge cha alin suge chage cha jokeda ule ama ole kare, nege cha me kle chage age me no diali cha chagedu ngeru kare, nege cha kle chage age Cristo takalin kare, Cristo cha Chugagwalla.

Efesios 1:6

Ulia Chube agedu ene no che alin malen che gerudale no Chube giti nga suga no ole diali, ene chke uñale kwian ulitage Chube no che ole Chube agedu no che alin, ene ama kaire gerule no Chube giti. Chube noare mo Kirolla Jesucristo ole, Jesucristo giti Chube kle age no no che alin.

Efesios 3:17

Ba ama ulita ta gbe Cristo gai ma no dare diali gwangerugu mo Chugagwallale, ba ama chudaboi mo Oña giti, ene suge amage mo tale Cristo kle diali ama ole. Ama no no ba ole kaire ama no daba ole,

Efesios 5:32

Chube gerua e no kweri chkedale uñale nate chege, suge chage geru e kle gerule onbre muire mo jwen giti agwa kaire kle gerule Cristo giti kaire kwian Cristonu giti.

Colosenses 2:10

Kwian ulita kle mo gbe daba chugagwallale nga dba ai giti, Cristo ma kiraske kwian e ulitage, kaire Cristo ma kiraske lle boanga Chube alin nga ngaña giti ulitage kaire Cristo ma kiraske che dolla Satanáge kaire ma kiraske che dolla chudaboangalla ulitage. Ba Cristo gaubi ulia malen Chube Oña kle ba tale diali, ba Chubenu, Chube kle ba ole diali ba ta gbe kiraske ama takalin kare.

Colosenses 3:11

Ba Cristo gerua gau ulia, geru e chegu gbaba kaire kwian na ulita alin, me tallade kwian chudalla mine. Chube gwa giti kwian ulita salengwli, kwian bai kaire Chube gerua Cristo giti gai ulia kwian ene agedale ulita salengwli Chube gerua kle gbaba gerule kare. Chube gwa giti kwian israelita kwian me israelita kaire kwian mo kwara tkabanga kwian israelita kare kwian me mo kwara tkabanga, kaire kwian nga namu gerule kwira nale, kaire kwian me geru uñanga, kaire kwian lle boanga mo mauña alin kwian lle boanga mo alin agali, kwian ulita ai kare salengwli Chube gwa giti. Malen che ulitage sugedale trate Chube gerua kle gbaba che ulita alin, che kaire agwe agedale Chube gerua kle gbaba gerule kare. Che ulita Cristo gerua gai ulia gire Cristo kle che ulita ole diali, che ama gadale mo Chugagwalla kweri ama ma kweri ma kiraske kwian ulitage.

2 Tesalonicenses 2:16

Che Ñenua Chube ama noare che ole, diali ama kle age no che alin, Chube che ta gbe, ene uñale chege Chube be che manade chui diali dale alin be age no che alin Jesucristo giti ama gerudu be age kare. Cha takalin Chube che Ñenua ule Jesucristo che Chugagwalla ole ba ulita ta gbe dare nga suga no ole ba kle boi daga ngwale Chube gerua gdale giti. Kaire cha takalin Chube ba kira gbe me kennga gerule no ulita Jesucristo giti kwian na ole age no ulita daba na alin Chube takalin kare.

Hebreos 2:12

Jesucristo gerudu Chube ole kwian chui bdugu ama gerua ganga ulia giti, Chube gerua degaba unsuialin kada Salmos gerule e giti, chada e gerule: “Chube, ba cha Ñenua, cha be gerule no ba giti kwian ulita cha gerua ganga ole, ama cha bitallale, ama ole cha be gerule no ba giti ba mine, ama ole ule cha be mo gate no ba giti cha ulita kle mo litaba ule gire.”

1 Juan 3:24

Che ulita bai kaire kle Chube gerua gai dage ulia age diali Chube takalin kare, gire ene che ta kle Chube ole kaire Chube kle mo Oña gbe che tale che ta gbagda suge che Chubenu ulia.