Juan 16:32 - Buglere

³² agwa chui kle kodi kodi gire ba ulita gdaite gdaite be joge siere chage mo kaire kaire sugekare, ba ulita be cha chuge ngwadi gballa, agwa cha mi chege gballa ulia, cha Ñenua kle cha ole diali.

Juan 16:32 ပူးပေါင်းရင်းမြစ်များ

Mateo 26:31

Jesu gerudu kwian geru jwannga amage ulita ole: —Cha gerule ulia ba ulita ole nege, nege ngajrege ba ulita be cha chuge ngwadi boidale daga ngwale gballa Chube gerua degaba unsuialin tangle kle gerule kare, Zacarías Chube gerua degu cha giti kaire ba ulita giti, chada e gerule: “Chube gerudu: ‘Cha be kwian oveja mananga chuge ngwadi kagadale kodi gire oveja ulita be kige.’ ” Zacarías Chube gerua degu ene unsuialin.

Mateo 26:56

Kwian tanre Chube gerua ketanga Chube gerua degu unsuialin, chada e gerule cha be boi giti, nege ba kle age cha ole, e ulita kle boi ulia Chube gerua degaba unsuialin gerule kare. Jesu gerudu ene ulita kwian Jesu dolla ulita ole gire kwian geru jwannga Jesuge ulita jo kige, ama ulita Jesu chugu ngwadi boi daga ngwale gballa.

Marcos 14:27

Jesu gerudu kwian geru jwannga amage ulita ole: —Cha gerule ulia ba ole, nege ngajrege ba ulita be cha chuge ngwadi boi daga ngwale gballa Chube gerua degaba unsuialin tangle kle gerule kare, chada e gerule: “Chube gerudu: ‘Cha be kwian oveja mananga chuge ngwadi gwangeda gire oveja ulita be kige.’ ” Chube gerua degaba unsuialin tangle gerule ene ba giti cha giti.

Marcos 14:50

Jesu gerudu ene kwian Jesu dolla ulita ole gire kwian geru jwannga Jesuge ulita jo kige, ama ulita Jesu chugu ngwadi boi daga ngwale gballa.

Juan 12:23

Jesu gerudu Felipe, Andrés ole: —Chube nu cha kagaba nga dba ai giti kwian kare, cha be jogeda chuia kle kodi gire cha be jogeni nga ngaña giti cha Ñenua Chube kle ngwadi.

Juan 16:2

Kwian ba dollale be ba mlienga siere u mo litangwa Chube gerua jwanngwage, kaire chui be chke gire kwian be ba gweda cha gerua dbe gdale, kwian ba gweda ene tañachuge ama kle age no Chube alin.

Juan 16:25

Cha geru ñachugu ba ulita ole tanre, e me sugedu bage cha kle gerule llema giti ulia ba ole, agwa chui be chie gire cha mi geru ñachuge ba alin cha kle geru ñachuge nege kare, chui ege cha be geru cha Ñenua giti gbe chke uñale trate ulita bage, ene be suge trate ba ulitage cha ta gerukalin mine ulia ba ole.

Juan 16:31

Kwian geru jwannga gerudu ene Jesu ole gire Jesu gerudu ama ole: —Nege ba kle gerule ba cha gai ulia,

Juan 19:27

Jesu gerudu ene chebia ole gire gerudu kaire geru jwannga e gdaite ole: —Ba cha chebia gai mo chebiale, ba ama manade no no. Chui ege gwangerugu geru jwannga e Jesu chebia gau mo chebiale, ama Jesu chebia du mo ullage manadale diali.

Juan 20:10

Jesu jaba me skwendu geru jwannga gdabonatege gire ama joni gudegu.

Juan 4:21

Jesu gerudu muinga ole: —Ba cha keruchuge ba cha kerua gadale ulia, chui be chke gire ba kwian nga Samariamu ulita be ñage Ñenua Chube ollade nga baini kaire ba be kle ngwadi, ba mi tañachuge dare joge jwichuga ege ni tañachuge joge una Jerusalénge Chube olladadale.

Juan 4:23

Nege gwangerugu kwian ulita bai kaire ta Ñenua Chube olladakalin ulia ulia, ama ulita mi tañachuge joge nga gwealege Chube ollade, amage be suge Chube Oña kle ama tale, nga baini kaire ama be kle ngwadi ama be Chube ollade be gerule no Chube ole mo tale Chube Oña ama ta gbe kare. Chube takalin kwian mo ta gbe ulia ulia Chube ollade no mo tá giti ene kare.

Juan 5:25

Cha gerule ulia ba ulita ole, kwian bai kaire me Chube uñe kle toi sugekare Chubege, kwian ene ulita salengwli kwian jogebada kare, chui be chke, kaire chui kle nege gire kwian ene be cha kerua keruchuge, cha Chube Kirolla be kwian tke tangle cha Ñenua giti, kwian ulita bai kaire cha kerua gai ulia ama be toi chui tangle diali cha Ñenua ole cha ole.

Juan 5:28

Ba ulita me kledale alenske cha kle gerule giti, chui be chke, chui ege gire cha be gerule jaba dbia ulita ole, kwian jogebada oña ulita be cha keruchuge gerule: “¡Chkede gwadeni, bai!”,

Juan 8:16

Cha ñage gerule ulia trate kwian ulita giti, cha kwian gbe jiske cha me kwian gbe jiske gballa mo talla alin giti, cha Ñenua cha kagu nga dba ai giti, ama talla giti ule cha gerule kwian bai jiske bai me jiske, kwian ta ulita uñale chage cha Ñenuage.

Juan 8:29

Cha kaganga kle diali cha ole ule, ama cha Ñenua, ama me cha chuge ngwadi gballa dale, cha kle age ulita no diali ama gwa giti ama takalin kare.

Hechos 21:6

Gire cha ulita gbi jigu bdagli daba Chubenu ulitage gire cha jo du tadi. Daba Chubenu ulita joni naskuni gudegu.

Hechos 8:1

Saulo kledu ule gwage Esteban dolladi Esteban gweda, Saulo alin no kwian Esteban guda. Kwian gweale bai Chube gai dage bai no Chube ole, kwian ene Esteban jaba ogo kaire kwian tanre talla chegu dage olire Esteban nate. Esteban guleda chuia gwangerugu kwian me Jesu gerua ganga agedu tanre me no kwian Jesu gerua ganga dollale Jesu gerua giti una Jerusalénge, malen kwian ulita Jesu gerua ganga kigedu dolla ngeru, gweale jo toi una tanrege nga Judeage, na jo toi una tanrege nga Samariage, kwian Jesu gerua ketanga gdataboko giti gdaboke, ama alin chegu una Jerusalénge.