Juan 16:3 - Buglere

³ Kwian be age ene cha kle gerule kare, kwian ene me cha uñe, kaire kwian ni cha Ñenua uñe, malen ama mo ta gbe age me no ba dollale cha gerua giti.

Juan 16:3 ပူးပေါင်းရင်းမြစ်များ

Lucas 10:22

Jesu gerudu ene Chube ole gire gerudu dare kwian setenta y dos ole: —Chube cha Ñenua ama mo kiralla mo talla ulita ketu chage. Cha Chube Kirolla, ulia ni kwian gdaite cha talla uñe trate, cha Ñenua alin allabi cha talla uñe trate. Kaire agwe ni kwian gdaite cha Ñenua talla uñe trate, cha alin allabi cha Ñenua talla uñe trate. Kwian baige cha takalin chke uñale cha Ñenua mine, cha kwian ene ta gbe, ene cha giti ama ñage cha Ñenua talla uñe trate.

Juan 15:21

Ba ulita chanu, malen kwian ulita me chanu be chage ba nate age me no ba dollale, ama me cha kaganga uñe, malen ama be age me no ba ole.

Juan 15:23

Kwian jainchke chadi, kaire kwian jainchke cha Ñenuadi.

Juan 17:25

Cha Ñenua, ba no trate, cha gerule ba ole, kwian me banu me ba uñe, me uñale ama ulitage ba mine, agwa cha ba uñe, kaire kwian ai ba ta gbu chage cha ole, amage uñale ba cha kagu,

Juan 17:3

Kwian ba gadale Chube gdaitre alin ulia, kaire kwian cha gadale ulia ba Kirolla Jesucristo, ba cha kagu nga dba ai giti, kwian cha uñe ene kaire kwian ba uñe, e giti kwian toi diali chui tangle.

Juan 8:19

Jesu gerudu ene kwian fariseo ole gire kwian fariseo gerudu Jesuge: —Ba kle gerule ba Ñenua giti, ¿ama kle baini? Jesu jaindunga: —Ba ulitage me suge cha giti cha chema ulia, ene kaire me suge ba ulitage cha Ñenua giti chema cha Ñenua. Agwa suge ba ulitage tale suge cha chema, ene kaire uñale ba ulitage chema cha Ñenua, ba ulita me cha gai ulia ni bage be suge chema ulia cha Ñenua.

Juan 8:55

agwa ba ulita kle sole, ba me ama uñe ulia, agwa cha ama uñe trate. Cha gerule gweale ba ole cha me ama uñe, ene cha kle age ba ulita kare ba ulita kwian songa ngwale kare. Agwa cha gerule ulia ba ole, ulia ulia cha ama uñe trate, cha kle age ulita ama kle gerule kare cha ole.

Hechos 3:17

’Cha bitalla ulita, cha gerule ba ulita ole, uñale bage ba ulita ule ba chugagwalla nga dba ai giti ole Jesu guda. Ba agedu nga jereske kare, me uñadu bage Jesu chema.

1 Corintios 2:8

Kwian chugagwalla nga dba ai giti ni gdaitege sugedu Jesucristo ulia kwian Chugagwalla ma kweri Jesucristo ulia Chube Kirolla kagaba nga dba ai giti. Sugedu kwian chugagwallage Jesucristo Chube Kirolla, ene ama me Jesucristo gbu kruge ngaña gwadaleda, agwa kwian chugagwalla nga dba ai giti me sugedu amage Jesucristo giti.

2 Tesalonicenses 1:8

Kaire chui ege Jesucristo be ji gbe kwian giti kwian bai me Chube uñe me Chube gerua che Chugagwalla Jesucristo giti gai ulia me geru e gbe gdadi.

1 Timoteo 1:13

Ngeru cha agedu tanre Jesucristo dollale, cha gerudu me no amadi, cha chagedu kwian ama gerua gau ulia nate ka boi kwian ole geru e giti, diali cha tadu kwian ene tkakalin skage. Jesucristo gwagedu chadi lle e boi, cha bebi ama gai ulia, me uñadu chage cha kledu age Chube dollale, ulita sugedu chage age no moge. Cha ene gire Jesucristo taidu dage chage, ama agedu no cha alin, ama cha gau lle boi ama alin, cha agedu me no ama talla mliunga ulita, gire ama cha gbu ama gerua dbe.

1 Juan 2:23

Kwian bai kaire me Chube Kirolla Jesucristo gai ulia kwian e me Jesucristo Ñenua Chube gai ulia kaire, agwa kwian bai kaire gerule no kwian na gwa giti ama Jesucristo gerua ganga ulia, kwian ene ulia Jesucristonu kaire kwian ene Chubenu.

1 Juan 3:1

Ulia cha takalin bage suge Chube giti trate, che Ñenua Chube no no che ulita ole, che ama gerua gai ulia gire che ulita chege ama oliale, uliabi Chube che gau ama oliale, malen kwian me Chubenuge me suge che kwian Chubenu mine, kwian ene me Chube uñe malen kwian ege me suge che Chube olia kle toi giti.

1 Juan 4:8

Kwian me mo ta dbe no daba na ole, kwian ene me Chube uñe. Chube ta dbe no diali kwian ulita ole Chube age no kwian ulita alin malen kwian bai Chube uñe ta ene molen kaire daba na ole, kwian ene Chubenu ulia.

1 Juan 5:20

Che ulitage uñale trate Jesucristo Chube Kirolla chiu nga dba ai giti che alin, ama che ta gbu suge trate Chube mine, Jesucristo giti che Chube ulia uñe, Jesucristo giti suge trate chege Chube e Chube ulia. Chube Kirolla Jesucristo giti che Chubenu kaire che Jesucristonu, Jesucristo giti che be toi diali chui tangle Chube ole Jesucristo ole nga ngaña giti.