Juan 14:13 - Buglere

¹³ Lle ulita bai kaire ba ulita kade cha Ñenuage cha giti, cha be age ba alin ba gerule kare cha ole, ene cha giti kwian be gwage cha Ñenua Chube kiralladi, be gerule no cha Ñenua giti.

Juan 14:13 ပူးပေါင်းရင်းမြစ်များ

Mateo 21:22

E kare ene ba gerule Chube ole lle gweale giti ba takalin ama age ba alin kare, kaire ba mo ta gbe ulia Chube ole Chube be age ba alin ulia ba gerudu ama ole kare, ba lle kade Chubege ta ene giti gire ulia Chube be age ba alin ba takalin kare.

Mateo 7:7

Jesu gerudu dare kwian ole: —Ba lle kade diali Chubege, e salengwli kwian kle lle kade dabage diali kare gire lle ketakle amage, e salengwli kwian kle lle jinade nate diali kare gire lle kle skwen amage, e salengwli kwian kle ugaka dagenga kare ta jogekalin gwa daba ullage gire daba kle ugaka degenga ama alin jogedale gwa.

Marcos 11:24

E kare ene ba gerule Chube ole lle gweale giti ba takalin ama age ba alin kare, kaire ba mo ta gbe ulia Chube ole Chube be age ba alin ulia ba gerudu ama ole kare, ba lle kade Chubege ta ene giti gire ulia Chube be age ba alin ba tadukalin kare.

Lucas 11:9

Ba lle kade diali ene Chubege, e salengwli kwian kle lle kade dabage diali kare gire lle ketakle amage, e salengwli kwian kle lle jinade nate diali kare gire lle kle skwen amage, e salengwli kwian kle ugaka dagenga kare ta jogekalin gwa daba ullage gire daba kle ugaka degenga ama alin jogedale gwa.

Juan 10:30

Cha Ñenua talla kle cha ole, cha talla kle cha Ñenua ole, cha Ñenua cha ole gdaitre alin.

Juan 12:44

Jesu gerudu kweri kwian ole: —Kwian cha gai ulia me kle cha alin gai ulia gballa, kaire kle cha Ñenua gai ulia, ama cha kagu nga dba ai giti.

Juan 13:31

Judas-Iscariote jo siere Jesuge ene, gire Jesu gerudu kwian geru jwannga na ulita cheguda eni ole: —Cha Chube Kirolla chiu nga dba ai giti kwian kare, nege chui chku gire kwian be gwage cha kiralladi, kaire cha giti kwian be gwage Chube kiralladi be gerule no Chube giti, Chube kira be kle cha ole, ene kwian be gwage chadi be gerule no cha giti kaire, be boi ene sugeti.

Juan 14:14

Ba lle bai kaire kade cha Ñenuage cha giti, cha be age no ba alin ba lle kade kare cha giti cha Ñenuage.

Juan 14:6

Jesu jaindunga: —Cha agali jonkare kwian ulita alin, cha giti alin allabi kwian ñage joge chke cha Ñenua ngwadi, cha giti geru ulia cha Ñenua giti chke uñale kwiange, kaire cha giti kwian ñage toi diali chui tangle cha Ñenua ole.

Juan 15:16

Cha ba ulita gau mau alin, ba ulita me mo ta gbu cha gai mau alin, cha ba ulita gau gbu cha Ñenua gerua dbe kwian nage age tanre no cha Ñenua takalin kare, ene ba giti kwian tanre be cha Ñenua uñe, cha Ñenua gerua be chege diali kwian tale. Ene cha Ñenua be age no ba ulita alin, ba ulita lle bai kaire kade ba takalin kare cha Ñenuage cha giti ama be age ba alin.

Juan 15:7

Ba ulita ta chege diali ule cha ole, kaire ba ulita mo ta gbe diali age ulita trate cha ba tku tangle kare, ene ba lle gweale kade cha Ñenuage cha Ñenua be age ba alin.

Juan 16:23

Cha be jogeni cha Ñenua ngwadi, chui ege gire ba mi geru kade chage dare. Cha gerule ulia ba ole, ba ña gerule cha Ñenua ole agali, cha giti ba lle kade cha Ñenuage ama be age ba alin.

Juan 16:26

Chui be chke gire cha mi kle ba ole, chui ege ba ulita gerudale cha Ñenua ole lle kade mo alin cha giti. Cha me kle gerule ba ole ba be gerule cha ole gire cha be gerule cha Ñenua ole, me ene, ba ulita lle kadadale agali cha Ñenuage cha giti.

Juan 16:7

Cha gerule ulia ba ulita ole, ma no ba alin cha jogedaleni cha chiu ngwadi. Cha mi jogeni, ene Chube Oña mi chie ba ulita alin ba Chudaboangale, ene ama mi kle ba ole, agwa cha jogeni, ene ama be chie, cha be ama kage ba ulita alin.

Juan 4:10

Jesu jaindunga: —Noare bage suge chema kle gerule ba ole, cha giti Chube ta chi no ketakalin bage. Suge trate ene bage, ba chi kade chage blike, ene cha chi gwade kete bage.

Juan 4:14

Agwa cha chi kete kwiange jadale kwian mi siechie dare, chi e chege diali jrite ama tale, chi gwade no trate ngaintra diali, e giti kwian be toi diali chui tangle.

Juan 5:19

Jesu gerudu kwian israelita ulita ole: —Cha gerule ulia ulia ba ulita ole, cha Chube Kirolla me kle age gballa mo talla giti, cha kle age ulita cha Ñenua cha ta gbe age kare, cha Ñenua kle age ulita cha gwa giti, cha age ulita ama kle age kare.

Juan 7:37

Chui ollade chuia bdagli, chui e ma no chui ollade jo tangle ulitage, chui ege Jesu kle mo gbaba gdate kwian kle mo litaba ngwadi gire Jesu gerudu kweri kwian ngle ulita ole: —Bai kaire me ta suga no molen ba cha gai ulia, cha ba ta gbe suga no diali. Kwian siechie tanre kwian chi jai gire kwian sie joge tangle, ene kaire cha kwian ta gbe suga no chi gwade no jrite diali ngaintra kare, ene cha kwian ta gbe chege suga no diali. Chube gerua degaba unsuialin gerule cha giti kwian bai cha gai ulia ta chege suga no diali.

1 Corintios 14:13

Bai kaire kle gerule daba Chubenuske kwira nale me jwanba Chube Oña kiralla giti, kwian e gerudale Chube ole Chube Oña ta kete amage suge kwira nale e blite tragale daba ole daba e kwirale, ene suge daba ulitage ama kle gerule mine kwira nale.

Efesios 2:18

che ulita Chube gerua e Jesucristo giti gau ulia gire Chube mo Oña kagu che alin ulita malen nege che ulita ñage gerule Chube che Ñenua ole salengwli Chube Oña gdaitre alin giti.

Efesios 3:12

Che ulita Jesucristo gerua gai ulia giti suge chege che ñage gerule ta no ole Chube ole me ta kennga ole, suge trate chege Chube che keruchuge che kerua gai ngwange no.

Efesios 3:14

Chube agedu no ulita che alin, malen cha jongnagwa skute dba Chube gwa giti Chube gai dage gerule ba giti Chube ole.

Filipenses 4:13

Ulita Cristo kle cha chudaboi, ama kle kira kete chage, ene ulita boi cha ole cha ñage jage Cristo kirallaske.

Colosenses 3:17

Ba ulita mo ta gbadale age ulita gerule ulita che Chugagwalla Jesucristo takalin kare. Jesucristo giti ba diali ñage gerule no Chube che Ñenua ole ene: “Chube, cha kle gerule no ba giti ba agedu no cha alin giti, ba kle cha manade no. Noare ba kle cha chudaboi toi daba ole ba takalin kare. Cha no ba ole.” Ba gerudale no ene diali Chube ole Chube kle age no ba alin giti.

Hebreos 13:15

Unsuialin tangle kwian bda ketu gwaleda mo giti Chubege ene Chubedi nga sugadu no kwian bda ketu Chubege giti. Agwa ulia nege tangle Jesucristo agedu che alin giti che me bda ketadale Chubege dare, nege ma no che mo ta dbale diali gerule no Chube ole Jesucristo giti, mo kwira giti che gerudale no Chube ole che mo gatadale no Chube giti diali, e no Chube alin Chube takalin che age ene diali.

Hebreos 4:15

Ulia Jesucristo kledu toi nga dba ai giti kwianske gire ama boidu tanre daga ngwale che kwian ulita kle boi kare, che dolla Satanás diali mo chugu Jesucristo ole Jesucristo ta blite age me no Chube dollale me age Chube takalin kare. Agwa ni bitaite Jesucristo agedu me no Chube dollale, ama diali toidu no trate Chube takalin kare. Che dolla Satanás agedu Jesucristo ole salengwli ama kle age che ole kare agwa Jesucristo ni agedu me no bitaite, kaire agwe Jesucristo boidu daga ngwale ulita salengwli che kle boi kare, malen sugedale chege Jesucristo che chudaboanga gerunga no che alin Chube ole, amage suge trate ulita che kle boi daga ngwale giti malen ama ñage che chudaboi no no me age Satanás takalin kare.

Hebreos 7:25

Jesucristo kle toi diali dale gerule Chube ole diali kwian ama gerua ganga ulia alin, malen e giti ulia Jesucristo ñage kwian jwen siere ji chugege agedu me no gdale diali chui tangle kwian bai kaire kle chudaboi kade Chubege Jesucristo giti.

Santiago 1:5

Kaire cha gerule ba ulita ole, ba baige me chke uñale nate ba agedale mine lle kle boi gweale giti, bage suge ba ta me chke ngle mine age ma no, ba mo ta gbadale tangle e kade Chubege, ene Chube ta e kete bage, ene ba tachke ba agedale giti ulita, ene Chube be ba ta gbe chke ngle be ba chudaboi ba ta ngle kadu kare amage, ene ba be mo ta gbe age Chube takalin kare. Chube mi tañachuge gweale me no badi ba ta kadu amage giti, Chube me ta skwatige ba chudaboi ta kete bage ba kade amage gire, ama diali takalin ba gerule ama ole chudaboi kade amage.

Santiago 5:16

Che gdaite gdaite kaire kaire gerudale daba ole ongoru ongoru che agedu me no giti ene daba che agedu me no talla mlienga. Kaire che gerudale Chube ole daba giti ongoru ongoru chudaboi kade Chubege ene daba oga be joge chkeni noni kaire daba ta be chege no trate Chube gwa giti salengwli kwian oga kle joge chkeni jingme gwealegeni kare. Kwian bai mo ta gbe ulia age no trate Chube takalin kare, kwian ene gerule Chube ole chudaboi kade Chubege Chube kwian ene keruchuge Chube age kwian e kle mo ta gbe gerule kare Chube ole ene Chube ama chudaboi no no kwian kle mo ta gbe trate ulia Chube ole giti.

1 Juan 3:22

Ulia che Chubenu ulita kle Chube gerua Chube gbu che alin gai ulia, kaire che kle age ulita ama takalin kare ama gwa giti, gire ene Chube be lle ulita che kade amage ama be kete chege che kle ama gai ulia ñanale.

1 Juan 5:14

Che ta kle ule Chube ole che ta kle biale age ulita Chube takalin kare gire che kle mo ta gbe gerule Chube ole lle gweale giti, sugedale chege ulia Chube be che keruchuge ama be age che alin be che chudaboi ulita che kle kade amage kare.