Juan 14:11 - Buglere

¹¹ Ba me cha gai ulia cha kle gerule kare ba ole gire ba ulita cha gadale ulia cha lle daga ngwale no dodadu giti, cha lle daga ngwale no tanre dodadu cha Ñenua Chube kiralla giti ba ulita gwa giti, e giti ba ulita cha gadale ulia, sugedale trate ulia ba ulitage cha kle cha Ñenua ole cha Ñenua kle cha ole, cha gdabonate gdaitre alin.

Juan 14:11 ပူးပေါင်းရင်းမြစ်များ

Juan 10:25

Jesu gerudu kwian israelita ole: —Cha gerudu trate mo giti ba ulita ole, agwa ba ulita me cha kerua gau ulia. Kaire cha kle lle daga ngwale no tanre dodade cha Ñenua kiralla giti ba ulita gwa giti, e giti sugedale bage cha chema ulia,

Juan 10:32

Gire Jesu gerudu ama ulita ole: —Cha Ñenua kiralla giti cha lle daga ngwale no tanre dodadu ba ulita gwa giti, ¿lle bai no cha dodadu cha Ñenua kirallaske gdale ba be cha skie ke giti?

Juan 10:38

agwa ba gwa giti cha lle daga ngwale no dodade Chube kiralla giti, e giti ba cha gadale ulia Chube Kirollale, sugedale bage Chube kle cha gbe e dodade. Ba me cha kerua gakalin ulia gerule mau giti cha Chube Kirolla, ma no ba cha gai ulia Chube Kirollale cha lle daga ngwale no dodade giti, e giti sugedale ba ulitage ulia cha Ñenua kle cha ole cha kle cha Ñenua ole, cha gdabonate gdaitre alin.

Juan 14:10

¿Ba me cha gai ulia cha kle cha Ñenua ole cha Ñenua kle cha ole, cha gdabonate gdaitre alin? Ulita cha kle gerule ba ole cha me kle gerule gballa mo tale, cha Ñenua kle cha ole diali, ama kle cha ta gbe gerule kle cha ta gbe age ulita ama takalin kare.

Juan 14:20

Cha Ñenua be mo Oña kage ba alin chuiallage, chui ege be suge trate ba ulitage cha kle cha Ñenua ole, ba ulita kle cha ole, cha kle ba ulita ole.

Juan 5:36

Cha kle age cha Ñenua cha gbu age kare lle boi ama alin, me kwian kle age kare ni tañachuge kare, ene cha kle age giti ñage suge kwian ulitage ulia cha Ñenua cha kagu, e ulita gerule ma trate cha giti Juan-Bautista geruduge cha giti kwian ole.

Hechos 2:22

Pedro gerudu dare kwian ulita ole: —Ba kwian israelita ulita cha keruchuge no, uñale ba ulitage Jesu una Nazaremu toidu mine ulita baske. Chube Jesu gbu ba ulita gwa giti kwian oga dodade kaire lle na daga ngwale no tanre dodade Chube kiralla giti.

Hebreos 2:4

Chube Jesucristo kaire kwian Jesucristo gerua ketanga dabage gbu lle daga ngwale no tanre dodade Chube kiralla giti kwian tanre gwa giti, kaire Chube Oña giti Chube ta ketu kwian ulita ama gerua gaba uliage lle gweale boale ama alin ama takalin kare. E giti sugedale chege Chube gerua Jesucristo giti geru e ulia, che geru e gbadale gdadi no trate mo tale me geru e kagenga ngwale.