Juan 14:10 - Buglere

¹⁰ ¿Ba me cha gai ulia cha kle cha Ñenua ole cha Ñenua kle cha ole, cha gdabonate gdaitre alin? Ulita cha kle gerule ba ole cha me kle gerule gballa mo tale, cha Ñenua kle cha ole diali, ama kle cha ta gbe gerule kle cha ta gbe age ulita ama takalin kare.

Juan 14:10 ပူးပေါင်းရင်းမြစ်များ

Juan 10:30

Cha Ñenua talla kle cha ole, cha talla kle cha Ñenua ole, cha Ñenua cha ole gdaitre alin.

Juan 10:38

agwa ba gwa giti cha lle daga ngwale no dodade Chube kiralla giti, e giti ba cha gadale ulia Chube Kirollale, sugedale bage Chube kle cha gbe e dodade. Ba me cha kerua gakalin ulia gerule mau giti cha Chube Kirolla, ma no ba cha gai ulia Chube Kirollale cha lle daga ngwale no dodade giti, e giti sugedale ba ulitage ulia cha Ñenua kle cha ole cha kle cha Ñenua ole, cha gdabonate gdaitre alin.

Juan 11:26

Kaire kwian ulita bai kaire kle gwade, bebi jogeda, ama cha gai ulia, ama be chege toi diali chui ulita, ama mi chege sugekare Chubege. ¿Ulita cha kle gerule kare ba gai ulia?

Juan 12:49

Cha me kle gerule mo ta giti gballa agali, cha Ñenua cha kagu nga dba ai giti, ama cha ta gbu gerule ama takalin kare, ama talla giti cha kle kwian tke tangle ulita ama geruage.

Juan 14:11

Ba me cha gai ulia cha kle gerule kare ba ole gire ba ulita cha gadale ulia cha lle daga ngwale no dodadu giti, cha lle daga ngwale no tanre dodadu cha Ñenua Chube kiralla giti ba ulita gwa giti, e giti ba ulita cha gadale ulia, sugedale trate ulia ba ulitage cha kle cha Ñenua ole cha Ñenua kle cha ole, cha gdabonate gdaitre alin.

Juan 14:20

Cha Ñenua be mo Oña kage ba alin chuiallage, chui ege be suge trate ba ulitage cha kle cha Ñenua ole, ba ulita kle cha ole, cha kle ba ulita ole.

Juan 14:24

Agwa kwian bai kaire me no cha ole, kwian ene me cha gerua gbe gdadi me age cha gerule kare, mi suge kwian enege cha Ñenua takalin age no ama alin. Ba ulita kle cha keruchuge gerule cha me kle gerule gballa mo ta giti, cha Ñenua cha kagu nga dba ai giti, ama kle cha gbe gerule.

Juan 17:8

Ba geru ketu chage, cha geru e ketu ama ulitage, ama geru e ulita gau ulia, suge ama ulitage ulia cha chiu ba ngwadige, ama ulita cha gai ulia ba cha kagu.

Juan 3:2

Chui gbaite ngajrege Nicodemo e jo tienda Jesudi gerule Jesu ole, Nicodemo gerudu: Nicodemo geru trage Jesu ole —Kwian tkanga tangle geruge, chage uñale kaire kwian na tanrege uñale Chube ba kagu cha ulita tke tangle Chube giti. Diali ba kle lle daga ngwale no dodade kwian gwa giti, e giti suge trate chage ba kle age Chube kiralla giti, Chube me kle ba ole ba me ñage age ene ba kle age kare.

Juan 5:17

Jesu gerudu kwian israelita ole: —Cha Ñenua Chube kle lle no boi kwian alin chui ulitage kaire undege chuiage, cha age cha Ñenua kle age kare.

Juan 5:19

Jesu gerudu kwian israelita ulita ole: —Cha gerule ulia ulia ba ulita ole, cha Chube Kirolla me kle age gballa mo talla giti, cha kle age ulita cha Ñenua cha ta gbe age kare, cha Ñenua kle age ulita cha gwa giti, cha age ulita ama kle age kare.

Juan 7:16

Jesu kwian e keruchugu gire Jesu gerudu: —Cha kle kwian tke tangle gire cha me kle kwian tke tangle mó talla giti gballa, cha kle kwian tke tangle cha kaganga talla giti ama takalin kare, cha kle kwian tke tangle ama geruage.

Juan 8:28

malen Jesu gerudu kwian ulita ole: —Nege me suge bage cha chema, agwa chui be chke gire ba be cha gbange kruge ngaña, chui ege be chke uñale bage cha ulia Chube Kirolla chiu nga dba ai giti kwian kare, kaire be suge bage cha me gerudu mo talla giti gballa, cha gerudu ulita cha Ñenua cha ta gbu gerule kare.

Juan 8:38

Cha kle gerule ba ulita ole cha Ñenua cha tku tangle kare, agwa ba ulita kle mo ñenua keruchuge ba kle age ama ba tku tangle kare ama kle gerule kare.

Juan 8:40

Agwa cha kle gerule ulia ba ulita ole Chube cha tku tangle kare gire ba ulita takalin cha gweda cha kle gerule giti ba ole, Abraham me su age ene ba kle age kare.

Hechos 10:38

Uñale bage e suiale Jesu una Nazaremu mo chugu ngwadi Juan-Bautistage mo ñeange chiske gire Chube kira ketu Jesuge age ulita kwianske Chube Oña kirallaske. Gire chui ege gwangerugu Jesu chagedu age no ulita kwian oga dodade jingme ulitage kaire kwian jwligebanga dolla Satanás kote dodade. Chube kle Jesu ole diali malen Jesu ñadu age no ene ulita kwian alin.

2 Corintios 5:19

Cristo giti Chube agali kwian ulita gbu mo skatemanallale ni tañachuge kwian ulita kledu age me no ama dollale giti. Geru e chkedale uñale kwian ulitage malen Chube cha gbu geru Cristo giti kete kwian ulitage, ene kwian ñage geru e gai ulia mo alin, ene ama ta chege no Chube ole.

Colosenses 1:19

Chube talla ulita kle Cristo tale, Cristo kiraske ulita salengwli Chube kare, Chube Cristo kagu nga dba ai giti kwian kare toi kwianske gire ene chegu salengwli ulita Chube agali kledu kwianske kare.

Colosenses 2:9

Ba me geru e gai ulia kwian geru ngwale dbangage, e me Chube gerua ulia. Cristo giti alin allabi ba ñage Chube gerua ulia uñe. Cristo amaña ulia Chube, Chube talla ulita kle Cristo tale, Cristo klebi Chube ole, Chube Cristo kagu nga dba ai giti, ene Chube chku agali nga dba ai giti kwianske kwian kare, Cristo amaña Chube.

1 Juan 5:7

Geru gbamai kle Jesucristo kaite nate ulia Jesucristo Chube Kirolla, geru gbamai ai kle gerule ene: Bitaite Chube kerua sugedu kwiange gerule Jesucristo giti Jesucristo ñeange chiske chuiage kaire bitabokedale Chube gerudu Jesucristo giti Jesucristo kledu bedre jogekeda kruge gire, kaire bitamaidale Chube Oña kle kwian ta gbe suge Jesucristo ulia Chube Kirolla. Geru ai gbamai Jesucristo giti kle gerule salengwli Jesucristo kaite nate Jesucristo ulia Chube Kirolla.