Juan 13:22 - Buglere

²² Jesu gerudu ene gire kwian geru jwannga gdataboko giti gdaboke ulita chegu gwage modige, ulita gerudu modige: —¿Chema be age me no ene Jesu ole? Me uñadu ama ulitage chema giti Jesu kle gerule.

Juan 13:22 ပူးပေါင်းရင်းမြစ်များ

Mateo 26:21

Ama ulita kledu blire gire Jesu gerudu: —Cha gerule ulia ba ulita ole, ba ulita kle aini blire ule cha ole gdaite be cha kete kwian cha dollalege gwaleda.

Mateo 26:22

Kwian geru jwannga Jesuge ulita Jesu keruchugu gerule ene gire kwian geru jwannga ulita ta chegu olire tanre mo tale, kaire ama ulita gdaite gdaite geru kadu Jesuge: —¿Chema be age ene ba dollale? ¿Cha?

Marcos 14:18

Jesu kledu toiba dba blire ule kwian geru jwannga gdataboko giti gdaboke ole gire Jesu gerudu: —Cha gerule ulia ba ulita ole, ba ulita kle aini blire ule cha ole gdaite be cha kete kwian cha dollalege gwaleda.

Marcos 14:19

Kwian geru jwannga Jesuge ulita Jesu keruchugu gerule ene gire kwian geru jwannga ulita ta chegu olire tanre mo tale, ama ulita gdaite gdaite geru kadu Jesuge: —¿Chema be age ene ba dollale? ¿Cha?

Lucas 22:21

Jesu gerudu ene gire gerudu dare: —Cha gerule ba ulita ole, onbre gdaite be cha kete gwaleda, ama kle aini ule toiba dba blire cha ole.

Lucas 22:23

Jesu gerudu ene gire kwian geru jwannga geru kadu modi ulita: —Che ulita gdataboko giti gdaboke kle aini Jesu ole, ¿che ulitage bai be age ene Jesu dollale? ¿Bai be Jesu kete gwaleda?

Juan 13:18

Jesu gerudu dare kwian geru jwannga amage ulita ole: —Cha me kle gerule ba ulita be mo ta gbe age no cha agedu kare, me ene, uñale chage ba ulita mi age no cha agedu kare. Cha ba ulita gau chage cha ole, cha ba ulita ta uñe trate, uñale chage ba gdaite kle mo ta dbe cha dollale, be boi Chube gerua degaba unsuialin gerule kare cha giti, chada e gerule: “Cha skatemanalla gdaite blire ule cha ole, amaña mo blite cha dollale.”

Juan 13:21

Jesu gerudu ene ulita gire Jesu ta chegu ta olire tanre Judas-Iscariote giti, Jesu gerudu trate geru jwannga amage gdataboko giti gdaboke ole: —Cha gerule ulia ulia ba ulita ole, ba ulita kle aini ule cha ole gdaite be cha kete kwian cha dollalege gwaleda.