Juan 12:26 - Buglere

²⁶ Kwian bai ta lle boakalin no cha alin, kwian ene mo ta gbadale diali chage cha ole age cha takalin kare, kwian ene mo ta gbadale biale boi daga ngwale cha boi daga ngwale kare. Kwian lle boi cha alin ta ene ole, kwian e alin cha Ñenua be age no no diali.

Juan 12:26 ပူးပေါင်းရင်းမြစ်များ

Mateo 16:24

Jesu gerudu ene Pedroge gire Jesu gerudu kwian geru jwannga ulita ole: —Kwian bai ta chagekalin ulia cha ole me tañachugadale dare mau giti alin allabi me agedale dare ama agali ta agekalin kare, ama mo ta gbadale cha gerua gbe gdadi age cha takalin kare, kwian na ama gbe boi daga ngwale cha gerua gdale kaire kwian na ta ama gwakalinda cha gerua gdale, ama me mo talladale. Kwian bai mo ta gbe ene ñage chage cha ole.

Mateo 25:21

Kwian lle boanga gerudu ene gire chugagwalla gerudu ama ole: “Ba kwian lle boanga no ulia, ba mo ta gbu lle boi no cha alin, ba agedu no no. Cha igi ketu bage, igi e ole ba lle bo no cha alin, ba igi na gau ngle cha alin. Ba lle bo no cha alin igi e ole, malen nege cha be lle ma kweri kete bage boadale cha alin. Nga suga no chadi ba lle bo no cha alin giti, bai cha ole chui ollade nga suga no ole.” Chugagwalla gerudu ene kwian lle boanga ngeru ole.

Marcos 8:34

Jesu gerudu ene Pedro ole gire Jesu kwian na nglea kadu mo gitigu ule kwian geru jwannga amage ulita ole, Jesu gerudu kwian ulita ole: —Kwian bai ta chagekalin ulia cha ole me tañachugadale dare mau giti alin allabi me agedale dare ama agali ta agekalin kare, ama mo ta gbadale cha gerua gbe gdadi age cha takalin kare, kwian na ama gbe boi daga ngwale cha gerua gdale kaire kwian na ta ama gwakalinda cha gerua gdale ama me mo talladale. Kwian bai mo ta gbe boi cha giti kwian ene ñage chage cha ole.

Lucas 12:37

Chugagwalla ñage chkeni nga jere bduke ñage chkeni ngakamalin bdugu, kwian lle boanga me kle gbe, kle chege gwade chugagwalla manade ngwange, noare kwian lle boanga ulita skate chugagwallage gwade. Chugagwalla be chkeni gwa, lle boanga skate chugagwallage gwade chugagwalla manade ngwange chugagwalla be bligda kete agali kwian lle boangage, nga be suga noare kwian lle boangadi.

Lucas 6:46

Jesu gerudu: —¿Mineade ba ulita cha kade mo Chugagwalla agwa ba me kle age cha gerule kare?

Lucas 9:23

Jesu gerudu ene mau giti gire gerudu dare: —Kwian bai ta chagekalin ulia cha ole me tañachugadale dare mau giti alin allabi me agedale dare ama agali ta agekalin kare, chui gdale ama mo ta gbadale cha gerua gbe gdadi age cha takalin kare, kwian na ama gbe boi daga ngwale cha gerua gdale kaire kwian na ta ama gwakalinda cha gerua gdale, ama me mo talladale. Kwian bai mo ta gbe ene ñage chage cha ole.

Juan 10:27

Kwian chanu cha kerua gbe gdadi, ama cha gai dage, ama ulita chage cha gerule kare, cha ama ulita uñe.

Juan 13:16

Cha gerule ulia ulia ba ulita ole, kwian lle boanga me ma kweri mo chugagwallage, kwian geru dbanga me ma kweri mo kagangage.

Juan 14:15

Jesu gerudu dare kwian geru jwannga amage ulita ole: —Ba no cha ole ulia ene ba be cha gerua gbe gdadi ba be age ulita cha gerule kare.

Juan 15:20

Ba ulita tachkedale cha gerudu kare ba ole: “Lle boanga me ma kweri mo chugagwallage.” Cha ba Chugagwalla, cha kledu toi kwianske kwian mo ta gbu age me no tanre cha ole, ene kaire kwian be mo ta gbe age me no tanre ba ole, kwian be chage ba nate age me no ba dollale. Kwian bai cha keruchugu cha gerua gbu gdadi mo alin, kwian ene kaire be ba kerua gbe gdadi cha giti.

Juan 17:24

Cha Ñenua, ba no cha ole diali, ba nodu cha ole unsuialin nga ulita bebi dodadale, malen ba cha gbu kweri ba kle ngwadi. Ba kwian ai ulita ta gbu chage cha ole, cha takalin ama ai ulita joge cha ngwadi cha be kle ngwadi, ene ama ulita be gwage chadi cha noare kweri.

Juan 21:22

Jesu jaindunga: —Cha takalin cha ñage ama jige gwade toi aini cha chieni chuiage alin, e giti ba me tañachugadale, ba tañachugadale mo alin giti mo ta gbe chage cha ole diali.

Romanos 1:1

Cha Pablo lle boanga Jesucristo alin chada ai degange ba kwian Chubenu ulita una Romage alin: Chube cha gau Chube cha gbu geru amanu ketangale kwian ulitage, geru e kwian jwangda siere ji chugege age me no gdale.

Romanos 14:18

Ba ulita bai kaire mo ta gbe no ene lle boi Cristo alin ta no ene ole kle age no Chube gwage, nga suga no Chubedi ba kle age giti, kaire kwian na be gwage badi ba kle age no.

2 Corintios 4:5

Diali cha kle chage geru dbe kwianske cha geru Jesucristo giti trage no kwian ulita ole, cha me chage kwianske gerule no mo giti: “Cha kwian no no, cha ba jwannga siere ji chugege age me no gdale.” Me ene, cha me gerule ene mo giti, agwa cha gerule ene Jesucristo giti, ulia Jesucristo no no, ama che Chugagwalla ama che jwannga siere ji chugege che age me no gdale, cha geru e dbanga alin, cha lle boanga alin allabi Jesucristo alin ba ulitaske ba ulita ta gbe Jesucristo geruadi.

2 Corintios 5:8

Ma no che alin che jogeda blike, ene che joge siere nga dba ai gitige che ñage toi nga ngaña giti ule che Chugagwalla Jesucristo ole, agwa nege che kle toi nga dba ai giti nga suga no ole che jogeda chuia manade ngwange, uñale chege che be joge toi Jesucristo ole chui ege.

Gálatas 1:10

Cha me kle kwian kerua manade gerule no cha age no giti, cha ta agekalin Chube takalin kare. Cha mo ta gbe age kwian takalin kare ene cha me kle age Chube takalin kare, ene cha me lle boanga no Cristo alin ulia.

Filipenses 1:23

cha alin mnoare lle boke gai, cha tañachuge gdaite cha jogekalinda, ene cha joge toi Cristo ole, ene cha alin ma no.

Colosenses 3:24

Sugedale bage ba kle lle boi no kwian ba chugagwalla alin nga dba ai giti, e giti Chube be age no ba alin nga ngaña giti ba lle bo no ñanale. Sugedale bage ba kle lle boi ba Chugagwalla Cristo alin me kwian alin allabi.

Colosenses 4:12

Epafras gbi kage ba alin kaire agwe, ama kwian ba jwiamu ama Cristo gerua dbanga kwiange, kaire agwe ama kle diali tachke ba giti ama kle mo ta gbe gerule kiraske Chube ole ba ulita giti diali, ama takalin Chube ba ulita ta gbe tañachuge gwangerugu chui tangle diali Cristo gerua giti kaire mo ta chuge ngwadi Chubege ene Chube ba ta gbe lle boi ma no Chube takalin kare, malen ama kle gerule Chube ole ba giti diali.

2 Pedro 1:1

Cha Simón-Pedro chada ai dege ba kwian Chubenu ulita alin: Cha lle boanga Jesucristo alin, cha Jesucristo gerua ketanga, cha chada ai dege ba ulita nu Jesucristo gaba ulia mo tale alin cha kle Jesucristo gai ulia kare, e no no ene mo ta gbe diali Jesucristo gai ulia. Che Chubea kaire che jwannga siere Jesucristo no no trate, ama agedu no che ulita alin, ama ba ulita ta gbu ama cha ta gbu kare, ene ba ulita ama gau ulia cha ama gau ulia kare.

1 Juan 5:3

Che no Chube ole gire ene che agedale ulita diali Chube gerua gbaba gerule kare. Che mo ta gbe age Chube takalin kare gire ama kle che kira gbe age ulita diali ama kirallaske ene me mno che alin toi ama takalin kare, ama kirallaske che Chube olia ñage mo ta gbe me age me no dale kwian me Chubenu kle age kare. Uñale chege che mo ta gbe Jesucristo Chube Kirolla gai mo Chugagwallale che chudaboangale gire ene che ñage chege sugekare kwian me Chubenu kle age me no ulita karege, kwian me Chubenu kle mo ta gbe age me no diali Chube dollale che dolla Satanás kle ama ta gbe age kare, Chube kiralla giti che kirachke che dolla Satanádi.

Judas 1:1

Cha Judas chada ai dege ba kwian Chubenu ulita alin: Cha Santiago daballa, cha lle boanga Jesucristo alin, cha gbi kage ba ulita alin chada ai giti. Chube che Ñenua no no ba ulita ole, ama ba gau mo alin, kaire Jesucristo kle ba ulita ta manade no ene ba ulita me age me no.

Apocalipsis 14:4

Kwian ngle e mo gatanga geru no jagere giti ama ulita me chageba muinga ole mo muingalla kare ni bitaite, ama ulita e toiba trate Chube gwa giti, ama ulita kledu chage Bda Cordero gerua nate ama jo baini kaire Bda Cordero jo ngwadi. Ama ulita jo jwanbanga Bda Cordero giti kwian agenga me noske ngerutabi, ene kwian e chegu gbaba egdage Chube alin kaire Bda Cordero alin.