Juan 12:13 - Buglere

¹³ Gire kwian ngle ulita ugananga tkunga, jo Jesu gai ngwange jonke ugananga gainga kote gbi kade Jesuge nga suga no ole, ama ulita ngautu Jesu ngwange nga suga no ole ene: —¡Nga suga no chadi ba giti! Noare ba chiu cha ulita Chugagwallale nga dba ai giti. Noare Chube ba kagu nga dba ai giti cha ulita alin, noare Chube be ba gbe cha kwian israelita ulita Chugagwallale kweri —kwian tanre ngautu ene jonkare Jesu gai ngwange no Jesu gai mo Chugagwallale kweri.

Juan 12:13 ပူးပေါင်းရင်းမြစ်များ

Mateo 23:39

Cha gerule ba ulita ole, nege gwangerugu ba mi gwage chadi dare aini, agwa chui bdagli be chke gire ba ulita be gwage chadi chieni nakwaite, chui ege be suge ba ulitage Chube cha kagu ba ulita alin gire ba ulita be gerule cha giti: “Ama noare, Chube ama kagu nga dba ai giti kwian ulita alin” —Jesu gerudu ene ulita kwian una Jerusalénmu giti.

Mateo 27:42

—Ama ñadu kwian na tanre chudaboi agwa ama me ñage mo chudaboi agali dale mo jwennga kruge. Ama kwian israelita chugagwalla kweri ulia ama mo jwanlenga agali kruge, ene be suge che ulitage ama ulia Chube Kirolla gire che be ama gai ulia. Ama agali gerudu mo giti ama Chube Kirolla ama nu mo ta gbaba Chube ole, ulia ama Chube Kirolla ama gerudu kare, ulia Chube no ama ole, ¿mineade Chube me ama jwen siere ama kle boige nege?

Juan 1:49

Gire Natanael gerudu Jesu ole: —Kwian tkanga tangle geruge, ¡ulia ba Chube Kirolla ba kwian israelita ulita Chugagwalla!

Juan 12:14

Jesuge burro soli nu skwenba, burro soli e giti Jesu chagedu una Jerusalén ngnagu Chube gerua degaba unsuialin gerule kare, chada e gerule:

Juan 12:15

“Kwian una Siónmu (una amaña kada Jerusalén), ba ulita me mo ta dbadale kennga, gwagede mo Chugagwalla kweridi chie ba ulitaske burro soli giti.” Chube gerua degaba unsuialin gerule ene Jesu giti.

Juan 19:15

Gire kwian ulita ngautu kweri: —¡Ama dbange blikare gwaleda! ¡Ama gwangeda kruge! Pilato geru kadu kwian ulitage: —¿Ba kle tañachuge cha be ba chugagwalla kweri gwangeda kruge? Pilato gerudu ene kwian ulita ole gire kwian gerunga Chube ole daba alin chugagwalla ulita gerudu Pilatoge: —Cha ulita chugagwalla na me, chugagwalla kweri gdaitre alin, ama kada César, cha chugagwalla na me cha alin César kare.

Apocalipsis 15:3

Ama ulita Bda Cordero gerua ganga kledu mo gate no Chube giti Chube ama jun siere ama dollage giti salengwli kwian unsuialin tangle Chube gerua Moisés nu degaba ganga mo gatu no Chube giti Chube ama jun siere ama dollage giti kare, ama ulita kledu mo gate no Chube alin ai kare: “Chube, ba cha ulita Chugagwalla kweri, ulia ba noare ba kweri ba kiraske ba agenga no diali, ba kle age ulita ba kle gerule kare, ba ulia no, cha gerule no ba giti diali.

Apocalipsis 19:16

Kwian gdaite ji gbanga kledu skwenba ja giti, ama ñometralla giti kaire ama skwagda giti ama kledu chage ka degaba ene: CHUGAGWALLA MA KWERI MA KIRASKE CHUGAGWALLA NA ULITAGE. Chada kledu gbaba ene ama ñometralla giti ama skwagda gitige.

Apocalipsis 7:9

Kwian israelita e ulita gbere egdage Chube alin nga dba giti gire cha gwagedu kwian na tanredi nga ngaña giti, ama ngleare ni che ñage ama ten. Kwian gweale chudalla nga ulitamuge kaire kwian gweale gerunga kwira ulita kaire kwian gweale toinga nga ulitage, kwian e ulita kledu mo litaba toigda Chube kle toiba dba giti ngnagu kaire Bda Cordero kle toigda e ngena ngnagu. Kwian e ulita kledu mo ngama tkaba ñometra jutreske kaire ama ulita kledu ugananga dbe kote.