Juan 11:5 - Buglere

⁵ Jesu no no Marta ole Marta daballa María ole, kaire Lázaro ole, agwa ama me tañachugu joge blike Lázaro oga nate.

Juan 11:5 ပူးပေါင်းရင်းမြစ်များ

Lucas 10:38

Jesu chagedu dare kwian geru jwannga gdataboko giti gdaboke ole una Jerusalén ngnagu, Jesu jo chke unage muinga kada Marta kle toi ngwadi, Marta Jesu gau ngwange no mo ullage.

Lucas 10:40

Marta kle lle boi tanre, kle tañachuge lle tanre giti boadale, ama chku Jesudi gerudu Jesu ole: —Cha Chugagwalla, ¿ba me nga tallade cha giti? Lle tanre boadale, cha daballa kle cha chuge ngwadi lle boi gballa, gerule cha daballa ole ama cha chudaboi, ama kle toiba dba ngwale geru alin keruchuge. Jesu chke basale Martadi Maríadi

Lucas 10:41

Jesu gerudu Marta ole: —Marta, ba kle tañachuge lle tanre giti, ba kle ta olire lle tanre kle boadale bage giti, lle e ulita ba me ta chugakalin ngwadi sugeti gire cha gerua keruchuge.

Juan 11:1

Onbre gdaite oga kada Lázaro, ama ibotea boke kada Marta, María, ama ulita una Betaniamu.

Juan 11:36

Kwian israelita ulita gwagedu Jesudi olire gire gweale gerudu modi Jesu giti: —Gwagede amadi, ulia ama no Lázaro ole, ama kle olire Lázaro oña nate.

Juan 11:6

Jesu geru keruchugu Lázaro giti gire Jesu chegu chui boke dare ngmadi kledu ngwadi.

Juan 11:8

Kwian geru jwannga gerudu Jesu ole: —Cha tkanga tangle geruge, me sbali nga Judeage kwian israelita ba dollale tadu ba skiakalin ke giti tadu ba gweda, ¿mineade ba ta jogekalin nakwaite nga ege?

Juan 16:27

Uñale cha Ñenuage ba ulita no cha ole, uñale amage kaire ba kle cha gai ulia cha chiu ama ngwadi, malen cha Ñenua no ba ulita ole.

Juan 17:26

cha giti ama ulita ba uñe, cha gerudu ama ole ba giti, ene chku uñale ama ulitage ba mine, cha be kle ama ole diali, cha be ama ta gbe ma no ba uñe dare. Ba noare cha ole, ta e kare cha takalin chege kwian ai ulita chanu tale, ene cha be kle ama ulita ole diali. Ene nobi cha Ñenua.”