Juan 10:4 - Buglere

⁴ Oveja ulita tien jondoi gerege gire oveja mananga joge chage oveja ulita ngeru ngaute ovejage, oveja ulita mo mananga kerua uñe, ama me nga tallade, ama chage mo mananga nate baini be joge ngwadi.

Juan 10:4 ပူးပေါင်းရင်းမြစ်များ

Mateo 16:24

Jesu gerudu ene Pedroge gire Jesu gerudu kwian geru jwannga ulita ole: —Kwian bai ta chagekalin ulia cha ole me tañachugadale dare mau giti alin allabi me agedale dare ama agali ta agekalin kare, ama mo ta gbadale cha gerua gbe gdadi age cha takalin kare, kwian na ama gbe boi daga ngwale cha gerua gdale kaire kwian na ta ama gwakalinda cha gerua gdale, ama me mo talladale. Kwian bai mo ta gbe ene ñage chage cha ole.

Juan 10:16

Kwian na ngle chudalla me israelita chanu kaire kle, ama bebi cha Ñenua Chube uñe, cha gerua jogedale chke amage gire ama be cha gai ulia, cha giti kwian israelita kaire kwian me israelita be cha Ñenua uñe, gire kwian israelita kwian me israelita be chege mneitre alin, cha ama ulita mananga.

Juan 10:27

Kwian chanu cha kerua gbe gdadi, ama cha gai dage, ama ulita chage cha gerule kare, cha ama ulita uñe.

Juan 10:3

Oveja mananga joge chke oveja gerea ugakallage gire kwian oveja gerea ugakalla mananga oveja gerea ugakalla degenga oveja mananga alin, gire oveja mananga oveja ulita kaire kaire ka jwen ka giti, oveja mo mananga keruchuge uñale ama ulitage ama mananga kle ama kade, ama ulita joge gdaite gdaite mananga kle ngwadi gire oveja mananga oveja ulita jwen jondoi gerege.

Juan 10:5

Agwa kwian na oveja kade, oveja me kwian e kerua uñe, oveja mi joge kwian e kle ngwadi, uñale ovejage ama mananga me kle ngaute ovejage, oveja kwian ene keruchuge oveja kige kwian ene ngeru, oveja mi jain ama gitigu.

Juan 10:8

Kwian ngle chiu cha ngeru, ama daba tku tangle geru me uliage, ama ulita gerudu ama Chube uñe, agwa ama me gerudu ulia daba na ole, ama kwian skwe boanga kare, kwian me no. Kwian Chubenu ulia, ama oveja kare, ama me kwian me no kerua gbu gdadi salengwli oveja me kwian me ama mananga kerua gbe gdadi kare.

Juan 12:26

Kwian bai ta lle boakalin no cha alin, kwian ene mo ta gbadale diali chage cha ole age cha takalin kare, kwian ene mo ta gbadale biale boi daga ngwale cha boi daga ngwale kare. Kwian lle boi cha alin ta ene ole, kwian e alin cha Ñenua be age no no diali.

Juan 13:15

Cha ba chugagwalla, cha mo ta gbu ba ulita chudaboi cha ba ulita sera gligu, ba ulita mo ta gbadale no ene kaire, ba ulita agedale cha agedu kare ba ole.

Juan 18:37

Jesu gerudu ene Pilato ole gire Pilato geru kadu Jesuge: —Ba gerule ene, ¿e kle gerule ba ulia kwian chugagwalla? Jesu gerudu: —Ima, cha kwian chugagwalla ba kle gerule kare. Cha medunga nga dba ai giti, cha chiu geru ulia kete kwian ulitage, kwian ulita bai kaire mo ta gbe no geru ulia ole ama cha kerua gbe gdadi.

Juan 3:29

Nege ama chku, kwian kle chage ule ama ole, e giti nga chege suga no no chadi. E salengwli kwian onbre be mo jwen chuialla gbe, ama be skatemanalla gdaite gbe lle ulita gbe biale mo jwen chuiage alin. Mo jwen chuia chke gire onbre, muire kle ule, ulita kle no. E giti skatemanalladi nga be chege suga no no. Ene kaire nga suga no chadi Cristo chku kwian kle chage ule ama ole.

1 Corintios 11:1

Cha kle mo ta gbe gwage Cristo nate Cristo chagedu kare kwianske nga dba ai giti, ene kaire ba ulita mo ta gbadale gwage cha nate cha kle chage kare kwianske.

Efesios 5:1

Ba ulita Chube olia kare Cristo giti, Chube no no ba ole, ba mo ta gbadale chage Chube talla ole age ama takalin kare.

Hebreos 12:2

Che mo ta gbadale diali tañachuge Jesucristo giti, Jesucristo amaña kle che ta gbe Chube gai ulia, ama kle che ta gbe suge Chube giti ma ngle, ama kle che chudaboi toi ma no Chube takalin kare. Che tañachugadale diali Jesucristo boidu giti, Jesucristo boidu daga ngwale jokeda kruge ni ama mo talladu mo kete kwian ulita agenga me no giti, ni ama tañachugu mo tale ama be boi ibulla jogekeda kruge giti kwian agenga me no kare. Amage uñadu ulia ama be boi daga ngwale jere jere agwa kaire uñadu amage nga be suga no amadi bdagli ama agedu kwian alin giti, malen ama jagedu boi daga ngwale ulitage me mo talladu. Ama jokeda chkuni gwade, nege ama kle nga ngaña giti toiba dba Chube ngena Chube ko taingwli giti kwian Chugagwalla kweri.

1 Pedro 2:21

Ba boidale daga ngwale age no giti Cristo agedu kare, Cristo chagedu nga dba ai giti ama boidu tanre daga ngwale age no giti ba ulita alin, e chegu egdage ba ulita alin ba ulita mo ta gbadale ene Cristo agedu kare, ama no kwian ole ama mo ta gbu age no diali kwian ole boi daga ngwaleske nga dba ai giti, ama agedu ene ba ulita alin, ene chkedale uñale bage ba ulita mo ta gbadale Cristo mo ta gbu kare.

1 Pedro 4:1

Cristo chagedu nga dba ai giti kwian kare ama boidu tanre daga ngwale, ama me talladu e giti, ama jagedu boi daga ngwalege me agedu me no sidri eske. Ene kaire ba boi daga ngwale ba me talladale boi daga ngwale giti, ma no ba mo ta gbadale jage boi daga ngwalege mo ta dbe Cristo mo ta du kare boi daga ngwaleske, ba mo kira gbadale me mo chuge ngwadi age me no boi daga ngwaleske.

1 Pedro 5:3

Ba ulita daba Chubenu chugagwalla me tañachugadale ba daba Chubenu ulita kaganga, ba me ta sugedale ba daba Chubenu ulita mananga Chube geruadi malen ba ama mauña, ba me tañachugadale ene. Agwa ba ulita daba Chubenu chugagwalla chagedale ta giti ta no ole daba Chubenu ulitaske, ba chagedale age no daba Chubenuske, ene daba Chubenu ulita be gwage badi be ta agekalin no ba kle age kare.