Juan 10:32 - Buglere

³² Gire Jesu gerudu ama ulita ole: —Cha Ñenua kiralla giti cha lle daga ngwale no tanre dodadu ba ulita gwa giti, ¿lle bai no cha dodadu cha Ñenua kirallaske gdale ba be cha skie ke giti?

Juan 10:32 ပူးပေါင်းရင်းမြစ်များ

Mateo 11:5

Kwian gwagwa me cha kle gwagwa gbe ten, kwian me ñage chage cha kle ama gbe chage, kwian oga kwara tuge jingmea ole cha kle dodade ene ama chege trate, kwian me olo molen cha kle olo gbe tren, kwian jaba cha kle gbeni gwade, kaire Chube gerua cha giti kle joge chke kwian me lle molenge, ene ama ñage Chube gerua cha giti gai ulia tiendale gitiru ji chugege age me no gdale. Cha kle age no ene ulitadi ba kle gwage nege, jogani Juan-Bautista kle ngwadi e ulita trage ama ole. Kaire ba geru ai kete amage:

Juan 10:25

Jesu gerudu kwian israelita ole: —Cha gerudu trate mo giti ba ulita ole, agwa ba ulita me cha kerua gau ulia. Kaire cha kle lle daga ngwale no tanre dodade cha Ñenua kiralla giti ba ulita gwa giti, e giti sugedale bage cha chema ulia,

Juan 10:31

Jesu gerudu ene gire kwian israelita ulita skochiu nabitaite Jesu gerudu giti ama ulita ke jun Jesu skiagda.

Juan 10:33

Kwian israelita jaindunga Jesu kalen: —Cha ulita mi ba skie ba lle ulita no dodadu gdale, agwa ba kle gerule Chube dollale gdale cha ta ba skiakalin, cha ulitage uñale ba cha kwian onbre ulita kare gire ba agali ta mo gbakalin Chube kare cha ulita gwa giti.

Juan 10:37

Ba gwa giti cha gerule alin cha Chube Kirolla cha me age ama age kare, ba me cha gadale ulia cha ama Kirolla,

Juan 5:36

Cha kle age cha Ñenua cha gbu age kare lle boi ama alin, me kwian kle age kare ni tañachuge kare, ene cha kle age giti ñage suge kwian ulitage ulia cha Ñenua cha kagu, e ulita gerule ma trate cha giti Juan-Bautista geruduge cha giti kwian ole.

Hechos 10:38

Uñale bage e suiale Jesu una Nazaremu mo chugu ngwadi Juan-Bautistage mo ñeange chiske gire Chube kira ketu Jesuge age ulita kwianske Chube Oña kirallaske. Gire chui ege gwangerugu Jesu chagedu age no ulita kwian oga dodade jingme ulitage kaire kwian jwligebanga dolla Satanás kote dodade. Chube kle Jesu ole diali malen Jesu ñadu age no ene ulita kwian alin.

Hechos 2:22

Pedro gerudu dare kwian ulita ole: —Ba kwian israelita ulita cha keruchuge no, uñale ba ulitage Jesu una Nazaremu toidu mine ulita baske. Chube Jesu gbu ba ulita gwa giti kwian oga dodade kaire lle na daga ngwale no tanre dodade Chube kiralla giti.

1 Juan 3:12

Che me mo ta gbadale me no daba ole che enusulian unsuialin kada Caín agedu kare, unsuialin Caín mo ta gbu me no ama mo daballa guda, Caín dolla Satanás olia. Cha geru kade bage ene: ¿Uñale bage mineade Caín mo daballa guda? Ulia cha gerule ba ole, Caín gwagedu ama daballadi age no ulita diali Chube gwa giti, sugedu Caínge Caín me no mo daballa kare Chube gwa giti, ama ta me no agenga me no diali agwa ama daballa agedu no diali Chube gwa giti, sugedu Caínge ene malen ama ta skochiu ama mo daballa guda.