Juan 10:30 - Buglere

³⁰ Cha Ñenua talla kle cha ole, cha talla kle cha Ñenua ole, cha Ñenua cha ole gdaitre alin.

Juan 10:30 ပူးပေါင်းရင်းမြစ်များ

Mateo 11:27

Jesu gerudu ene Chube ole gire gerudu kwian kledu ne ngwadi ama keruchuge ole: —Cha Ñenua mo kiralla mo talla ulita ketu chage. Cha Chube Kirolla, ulia ni kwian gdaite cha ta uñe trate, cha Ñenua alin allabi cha ta uñe trate. Kaire agwe ni kwian gdaite cha Ñenua ta uñe trate, cha alin allabi cha Ñenua ta uñe trate. Kwian baige cha takalin chke uñale cha Ñenua mine, cha kwian ene ta gbe, ene cha giti ama ñage cha Ñenua ta uñe trate.

Mateo 28:19

Malen cha gerule ba ulita ole, joga cha gerua trage kwian nga ulitamu ole, ba gerudale ama ole cha giti ene ama ñage cha gerua gai ulia ba kare, kwian ulita bai kaire cha gerua keruchuge ba giti gire mo ta gbe cha gai ulia, ba kwian ene ulita ñeadale chiske gai ngaña chigage cha Ñenua kalla giti cha Chube Kirolla kalla giti kaire Chube Oña kalla giti.

Juan 10:29

Cha Ñenua kwian ta gbu cha gai ulia, kwian ene ulita chanu, cha Ñenua kweri, ama kira molen tanre, malen kira na me ñage kirachke ama kiralladi, kira na me ñage kwian chanu jwennga cha Ñenua ngeru.

Juan 10:36

Chube gerudu ene ba enusulian unsuialin giti ama ulita chube kare, gire geru e giti ba me mo ta dbe skochie, ba kle geru e gai ulia. ¿Mineade nege cha gerule ba ole cha Chube Kirolla gire ba ta skochie? ¿Mineade suge bage cha kle gerule Chube dollale? Cha Ñenua Chube cha gau cha kagu nga dba ai giti, ba me ñage gerule cha ole cha kle age me no Chube dollale.

Juan 14:23

Jesu jaindunga: —Kwian bai kaire no cha ole be cha gerua gbe gdadi be age ulita cha gerule kare, cha Ñenua be no kwian ene ole, cha Ñenua ule cha ole be chieni toi kwian ene tale diali.

Juan 14:9

Jesu gerudu Felipe ole: —Felipe, sbali cha kle chage ba ole cha kle ba ulitaske, ¿gire ba bebi cha uñe ulia cha chema? Kwian bai kle gwage chadi me kle gwage chadi alin, kle gwage cha Ñenuadi kaire. ¿Mineade ba kle geru kade cha mo Ñenua kaitadale bage?

Juan 17:10

Kwian banu ulita, kwian ene kaire chanu. Kwian chanu ulita, kwian ene kaire banu. Ba kwian ene ulita gbe chage no ba takalin kare kwian ulita me chenuske, ene kwian chenu giti kwian na ñage che uñe, be suge trate kwian nage cha no no.

Juan 5:17

Jesu gerudu kwian israelita ole: —Cha Ñenua Chube kle lle no boi kwian alin chui ulitage kaire undege chuiage, cha age cha Ñenua kle age kare.

Juan 5:23

malen kwian ulita cha gadale dage no kwian kle cha Ñenua gai dage no kare, cha Ñenua cha kagu nga dba ai giti, kwian me cha gai dage no kwian me kle cha Ñenua gai dage no kaire.

Juan 8:58

Jesu gerudu: —Cha gerule ulia ulia ba ulita ole, cha gwagedu Abrahamdi Abraham gwagedu chadi, Abraham bebi menga chebia kote gire cha klebi enebi ngeru Abrahamge.

1 Timoteo 3:16

Ulia Chube geru noare ketu chege, geru e kweri che alin, geru e gerule Jesucristo giti: Jesucristo chku nga dba ai giti kwian kare. Chube Oña giti chku uñale kwiange Jesucristo agedu no trate ulita nga dba ai giti. Lle boanga Chube alin nga ngaña giti gwagedu Jesucristodi age no ulita. Geru Jesucristo giti no chagedu nga ulitage, kwian nga ulitage geru e keruchugu, kwian nga ulitage gweale geru Jesucristo giti gau ulia. Chube Jesucristo duni nga ngaña giti, Chube Jesucristo gbuni Chube kle ngwadi. Ulia geru e noare, geru ulia, kwian Chubenu ulita geru e manadale no.

Tito 2:13

Che mo ta gbadale age ene no trate Jesucristo chieni chuia manade. Uñale chege Jesucristo be chieni ama gerudu kare, malen che kledale nga suga noare ole ama chieni chuia manade. Ama be chieni mo kirallaske, be chieni mo chrallaske, ama che Chubea kweri ama che jwannga siere ji chugege age me no gdale.

1 Juan 5:20

Che ulitage uñale trate Jesucristo Chube Kirolla chiu nga dba ai giti che alin, ama che ta gbu suge trate Chube mine, Jesucristo giti che Chube ulia uñe, Jesucristo giti suge trate chege Chube e Chube ulia. Chube Kirolla Jesucristo giti che Chubenu kaire che Jesucristonu, Jesucristo giti che be toi diali chui tangle Chube ole Jesucristo ole nga ngaña giti.

1 Juan 5:7

Geru gbamai kle Jesucristo kaite nate ulia Jesucristo Chube Kirolla, geru gbamai ai kle gerule ene: Bitaite Chube kerua sugedu kwiange gerule Jesucristo giti Jesucristo ñeange chiske chuiage kaire bitabokedale Chube gerudu Jesucristo giti Jesucristo kledu bedre jogekeda kruge gire, kaire bitamaidale Chube Oña kle kwian ta gbe suge Jesucristo ulia Chube Kirolla. Geru ai gbamai Jesucristo giti kle gerule salengwli Jesucristo kaite nate Jesucristo ulia Chube Kirolla.