Juan 10:16 - Buglere

¹⁶ Kwian na ngle chudalla me israelita chanu kaire kle, ama bebi cha Ñenua Chube uñe, cha gerua jogedale chke amage gire ama be cha gai ulia, cha giti kwian israelita kaire kwian me israelita be cha Ñenua uñe, gire kwian israelita kwian me israelita be chege mneitre alin, cha ama ulita mananga.

Juan 10:16 ပူးပေါင်းရင်းမြစ်များ

Mateo 17:5

Pedro kledu gerule ene Jesu ole, gire bogakwa jutre chra gwadetranga chku blike ama ulita giti, ama ulita chegu bogakwaske gire bogakwaske Chube kerua sugedu ama ologe gerule: “Ai cha Kirolla, cha no no ama ole, nga suga noare chadi ama giti, ba ulita ama keruchugadale no, ba mo ta gbadale ama kerua gbe gdadi no diali.”

Lucas 15:8

Jesu geru na ñachugu kwian fariseo ulita alin kaire kwian daba tkanga tangle Moisés chadalla giti ulita alin: —Muinga gdaite igi molen gugataboko, igi e gugaite jogenga muinga ngeru, ¿muinga be age mine igi e nate? Muinga be jichra gwadege, jichra giti muinga be igi jinade nate trate gwa ugdo jegwale, muinga be nga lite ulita gwa tangle, bdagli ene igi be skwen nate muingage.

Juan 10:11

Cha kwian bda oveja mananga no kare, cha age no kwian chanu alin, cha ama manade no kwian oveja mananga oveja maunu manade no kare, oveja mananga no oveja ole ama mo ta gbe jogeda oveja dolla kote oveja giti.

Juan 10:2

Agwa kwian oveja mananga ulia ama diali joge oveja gerea ugakallage gudegu oveja nate.

Juan 10:27

Kwian chanu cha kerua gbe gdadi, ama cha gai dage, ama ulita chage cha gerule kare, cha ama ulita uñe.

Juan 10:3

Oveja mananga joge chke oveja gerea ugakallage gire kwian oveja gerea ugakalla mananga oveja gerea ugakalla degenga oveja mananga alin, gire oveja mananga oveja ulita kaire kaire ka jwen ka giti, oveja mo mananga keruchuge uñale ama ulitage ama mananga kle ama kade, ama ulita joge gdaite gdaite mananga kle ngwadi gire oveja mananga oveja ulita jwen jondoi gerege.

Juan 10:4

Oveja ulita tien jondoi gerege gire oveja mananga joge chage oveja ulita ngeru ngaute ovejage, oveja ulita mo mananga kerua uñe, ama me nga tallade, ama chage mo mananga nate baini be joge ngwadi.

Juan 10:5

Agwa kwian na oveja kade, oveja me kwian e kerua uñe, oveja mi joge kwian e kle ngwadi, uñale ovejage ama mananga me kle ngaute ovejage, oveja kwian ene keruchuge oveja kige kwian ene ngeru, oveja mi jain ama gitigu.

Juan 11:52

me kwian israelita chudalla alin allabi, kaire Jesu be jogeda kwian chudalla na ulita alin kle toi bate nga nage kaire kaire, ene Jesu giti kwian e ulita be chege mneitre alin bai kaire Jesu gai ulia.

Juan 17:20

Cha me kle gerule kwian ai alin allabi giti ba ole, kwian ai giti kwian na tanre be cha gerua keruchuge be cha gai ulia biale, ba kwian e ulita manade no kaire, ba ama chudaboi.

Juan 6:37

Cha Ñenua kwian ta gbe no cha ole, kwian ene ulita be cha gai ulia, kwian ulita bai kaire cha gai ulia cha mi ama kage siere, agwa cha be ama gai ngwange no.

Hechos 15:14

Simón-Pedro geru tragu che ole Chube agedu no no gwangea kwian me israelitaske, kwian me israelita chudallaske Chube kwian gweale gau mo alin.

Hechos 18:10

Cha kle ba ole diali ba manade, ene una aige kwian be mo ta gbakalin age gweale me no ba ole me ñage age, ba mo ta gbale gerule kwian ole no cha giti, una aige kwian tanre be cha gerua gai ulia.

Hechos 22:14

Ananías gerudu dare cha ole: “Chube che enusulian unsuialinnu ama ba gau, ama takalin ba ama uñe, kaire ama takalin chke uñale trate bage ba chagedale mine ama takalin kare, nege ama ba gbu gwage Jesudi, Jesu no trate ulita, ba ama keruchugu gerule agali ba ole nege.

Romanos 11:25

Cha daballa cha ibotea Jesucristo giti, cha takalin Chube mo ta gbabage unsuialin chkedale uñale trate bage nege, ene ba me ñage tañachuge mo giti ba ma no kwian israelitage malen Chube ba gau, me ene, kwian israelita me Chube gau ulia giti Chube kwian israelita chugu ngwadi sugeti, ene geru ulia amanu Jesucristo giti ñadu chke ba kwian me israelita ulitaske. Kwian me israelita ulita bai kaire be geru Jesucristo giti gai ulia,

2 Tesalonicenses 2:13

Chube be kwian bai me ama gerua Jesucristo giti gai ulia gbe ji chuge tirare, agwa ba kwian una Tesalónicamu mi boi ene, ba kle Chube gerua ulia Jesucristo giti gai mo tale malen cha kle gerule no diali Chube ole ba giti, cha kle gerule ene: “Chube, nga suga noare chadige daba una Tesalónicamu giti. Ba noare ama ole, nge jondege alin ba ama gaubi ba alin ene ama tien gitiru ji chugege age me no gdale. Cha ba gerua ulia Jesucristo giti ketu kwian ege gire ba Oña ama ulita ta gbu ba gerua gai ulia. Nege ama banu ama ta no trate ba gwa giti, ene ama ñage toi ule diali Chugagwalla Jesucristo ole ba ole ba ngwadige nga ngaña giti. Ba Oña kle ama ulita ta gbe toi no diali ba kirallaske age trate no ba takalin kare. Ulia ba noare ama ole.” Cha kle gerule ene ba ulita giti diali Chube ole.

Hebreos 13:20

Ulia che Chugagwalla Jesucristo mo ketu gwaleda kwian jwen siere ji chugege age me no gdale, gire Jesucristo jokeda giti Chube geru jagere gbu egdage kwian ole chui diali dale alin. Jesucristo jokeda Chube Jesucristo gbu chkeni gwade, nege Jesucristo kle che manade no salengwli kwian bda oveja mananga no kle mo ta gbe oveja manade no kare, Jesucristo che mananga no ama kiraske kweri no trate ama kle tañachuge che giti diali. Cha takalin Chube ta suga no mauña agali ba ta gbe suga no ba ta gbe biale no trate age diali Chube takalin kare, kaire cha takalin Chube age che ulita tale ama takalin kare Jesucristo giti gire ene che ulita ñage age ulita Chube takalin kare Jesucristo kirallaske, ene Chubedi nga be suga no che ulita giti. Cha gerule no Jesucristo giti noare Jesucristo chege kweri kwian ulita gwa giti kwian ulita ama gai dage no Chugagwallale kweri chui tangle. Ene nobi.

1 Pedro 2:10

Ngeru ba ulita me Chubenu ni ba Chube uñu, agwa nege ba ulita Chubenu ba Jesucristo gau ulia. Ngeru ba chagedu sugekare Chubege me uñadu bage Chube tai dage bage Chube ta agekalin no ba alin, agwa nege chku uñale ba ulitage Jesucristo giti, Jesucristo giti suge bage Chube no no ba ole Chube tai dage ba ulitage, ngeru e ulita me uñadu bage malen ba ulita kledu nga jereske kare.

1 Pedro 2:25

Ngeru ba ulita bebi Cristo gai ulia gire ba me Chubenu ba ulita chagedu sugekare mo mananga Chubege salengwli bda oveja me mo manangage kare, ngeru ba ulita me kledu tañachuge Chube giti ba ulita ta kledu sugekare Chubege, agwa nege ba ulitage uñale Cristo giti ba Chubenu, Cristo ba Chugagwalla ama ba ulita mananga.

1 Pedro 5:4

Ba ulita daba Chubenu chugagwalla mo ta gbe daba Chubenu manade Chube geruadi ta no ene ole, ene Cristo daba Chubenu ulita mananga ma kweri chkeni chuiage ama be lle no no kete ba ulita daba Chubenu chugagwallage ba daba Chubenu manadu no ñanale, lle e me boi ni jogenga, lle e chege diali chui tangle.

Apocalipsis 3:20

Cha diali kle kwian keru manade, cha takalin kwian Chubenu ulita mo ta gbe ule cha ole diali. Kwian Chubenu bai kle mo ta dbe bate chage, cha takalin kwian ene mo ta bliteni naskuni cha ole, ene cha chege kwian e ole, kwian e talla chege cha ole kaire cha talla chege kwian e ole.