Juan 10:13 - Buglere

¹³ Onbre kige oveja dolla gudedi ama oveja chuge ngwadi gutadale dollage, ama kle tañachuge igi alin gai oveja manade giti, agwa ama me no oveja ole, ama me mo ta gbe kira bate oveja dolla ole oveja giti oveja mananga ulia no kare.

Juan 10:13 ပူးပေါင်းရင်းမြစ်များ

Juan 10:12

Agwa kwian lle boanga oveja mauña alin, kwian ene tañachuge igi alin gai oveja mauñage oveja manade giti, ama gwage oveja dolla gudedi chie oveja gitigu oveja gadale gire ama kige gude ngeru oveja jige gballa, kwian ene me oveja mananga ulia, ama kle tañachuge oveja me amanu ma no ama alin oveja chuge ngwadi dolla gudege. Ama age ene oveja ulita ole gire gude ñage chke ovejadi oveja gweda gute, oveja kige gdaite gdaite gballa bate gire oveja ulita jogenga gballa.

Juan 10:14

Cha kwian oveja mananga ulia no kare. Salengwli cha Ñenua cha uñe cha cha Ñenua uñe, ene kaire cha kwian chanu ulita uñe ama cha uñe kaire, cha mo ta gbe jogedaleda ama giti.

Juan 12:6

Judas-Iscariote gerudu ene agwa ama me kle tañachuge ulia no kwian me lle molen giti, ama kle tañachuge igi gai mo alin giti, ama igi gdea mananga Jesu alin kaire kwian geru jwannga Jesuge ulita alin, agwa ama me igi gdea manadu no, igi gdea ege diali kwian igi tku, Judas-Iscariote kle igi e gweale jwen mo alin skwlenre Jesu ngeru kaire kwian geru jwannga na ulita ngeru, ama kwian skwe boanga.

Hechos 18:17

Gire kwian ulita onbre kada Sóstenes gau batu kwian ulita gwa giti ngmadi Galión kle gerule kwian giti ngwadi. Kwian ulita Sóstenes batu ene Galión gwa giti, agwa Galión me talladu me ka bo Sóstenes gdale, Sóstenes ama kwian ulita lle boanga u israelita mo litangwage chugagwalla.

1 Corintios 7:32

Ba ulita me mo jwanba ole cha gerule, cha ta ba ta gbakalin suge ma no ba chege gballa me mo jwen, ene ba me chege tañachuge kwian mo jwanba kle tañachuge kare. Kwian onbre gballa me mo jwanba, onbre ene me tañachuge salengwli onbre mo jwanba kare, onbre gballa mo ta gbe lle boi no diali Chube alin Chube takalin kare me tañachuge lle na giti.

1 Corintios 7:33

Agwa kwian onbre mo jwanba me ñage tañachuge lle gdaitre alin giti, ama tañachuge lle boke giti, tañachuge Chube giti agwa kaire tañachuge lle nga dba ai giti nate age no mo muingalla alin. Ene kaire muinga gballa me mo jwanba ni mo jun bitaite onbre ole, muinga ene mo ta gbe lle boi no diali Chube alin Chube takalin kare me tañachuge lle na giti, ta mo ta gbakalin chege lle boi Chube alin ole diali. Agwa muinga mo jwanba me ñage tañachuge lle gdaitre alin giti, ama tañachuge Chube giti, kaire ama tañachuge lle nga dba ai giti nate age no mo ñengulalla alin.

Filipenses 2:20

Cha alin kwian na Timoteo kare me kagadale ba ngwadi, kwian na me tañachuge salengwli ama kare, diali Timoteo tañachuge no ba ulita giti, ama no no ba ole ama ta ba chudaboakalin Jesucristo geruadi.