Juan 10:12 - Buglere

¹² Agwa kwian lle boanga oveja mauña alin, kwian ene tañachuge igi alin gai oveja mauñage oveja manade giti, ama gwage oveja dolla gudedi chie oveja gitigu oveja gadale gire ama kige gude ngeru oveja jige gballa, kwian ene me oveja mananga ulia, ama kle tañachuge oveja me amanu ma no ama alin oveja chuge ngwadi dolla gudege. Ama age ene oveja ulita ole gire gude ñage chke ovejadi oveja gweda gute, oveja kige gdaite gdaite gballa bate gire oveja ulita jogenga gballa.

Juan 10:12 ပူးပေါင်းရင်းမြစ်များ

Mateo 10:16

Jesu gerudu dare kwian geru jwannga amage ole: —Cha gerule ba ulita ole, cha kle ba kage cha gerua trage kwian ole, joga ta giti. Cha kle ba kage, kwian ta me no me cha gerua gaba ulia be age ba dollale, ama ta ba gbakalin boi daga ngwale, ba be chage kwian eneske salengwli bda oveja chage gude tirareske kare. Ba chagedale ta giti kwian eneske salengwli jorisi kle mo gbe biale kare, kaire ba chagedale no trate kwian e gwa giti, me mo gbe jiske amage salengwli beusi me mo gbe jiske kwiange kare, ba tachkedale age no diali kwianske.

Mateo 7:15

Jesu gerudu dare kwian ole: —Ba bai Chube gerua gaba batre, ba ulitaske kwian na geru me ulia dbanga be chke gerule no ba ulita ole Chube giti. Gwangea ama be chage no ba ulita ole, ene ama takalin ba mo ta gbe no ama ole, agwa bigire be chke uñale bage ama ta me no, ama me kle gerule ulia ba ole Chube giti. Ama ta ba anblitakalin geru me uliage malen ba kledale ta giti, ba me kwian ene kerua tallade, ama kle gerule ngwale.

Juan 10:13

Onbre kige oveja dolla gudedi ama oveja chuge ngwadi gutadale dollage, ama kle tañachuge igi alin gai oveja manade giti, agwa ama me no oveja ole, ama me mo ta gbe kira bate oveja dolla ole oveja giti oveja mananga ulia no kare.

Juan 10:2

Agwa kwian oveja mananga ulia ama diali joge oveja gerea ugakallage gudegu oveja nate.

Juan 10:3

Oveja mananga joge chke oveja gerea ugakallage gire kwian oveja gerea ugakalla mananga oveja gerea ugakalla degenga oveja mananga alin, gire oveja mananga oveja ulita kaire kaire ka jwen ka giti, oveja mo mananga keruchuge uñale ama ulitage ama mananga kle ama kade, ama ulita joge gdaite gdaite mananga kle ngwadi gire oveja mananga oveja ulita jwen jondoi gerege.

Hechos 20:29

Cha mi chege dare baske cha be joge siere, gire uñale chage trate kwian me no be chie be takalin kwian Chubenu dbe jon na giti ta blite nganake, ama be age me no kwian Chubenu ole salengwli gude ngaske kle age me no bda soli ole kare.

1 Timoteo 3:3

Ama mo ta gbe me lle gage janga me chage llale. Ama me mo ta gbanga kira bate daba ole, ama toi taingwli daba ole. Ama agenga no kwian alin. Ama me tañachuge igi alin giti.

1 Timoteo 3:8

Ene kaire kwian Chubenu chugagwalla chudaboanga ai kare gadale: Ama agedale no diali, ene ama no kwian na gwage, kwian na ama gai dage. Kwian ulita ole ama gerudale diali ulia. Ama mo ta gbe me lle gage janga me chage llale. Ama me tañachugadale igi gai lle giti ngwale daba ngeru.

2 Timoteo 4:10

Demas me ta boikalin daga ngwale cha ole ule, ama cha chugu ngwadi sugekare, ama jo una Tesalónicage lle na boi mau alin ama takalin kare. Crescente jo nga kweri Galaciage, Tito jo nga kweri Dalmaciage,

Tito 1:7

Kwian Chubenu chugagwalla, ama kwian lle boanga Chube alin, malen noare kwian ene chage trate no kwian ulita gwa giti. Ama me mo gbadale ma no ma kweri daba nage. Ama me kwian ta skochienga. Ama mo ta gbe me lle gage janga me chage llale. Ama me kira batanga daba ole. Ama me tañachugadale igi gai lle giti ngwale daba ngeru.

1 Pedro 5:2

Agwa nege nga dba ai giti ba daba Chubenu chugagwalla ulita, ba daba Chubenu ulita manadale no Chube geruadi, ba ulita daba Chubenu chugagwalla mo ta gbadale daba Chubenu manade no Chube geruadi ta no ole Chube takalin kare, me tañachuge mo tale: “Cha me ta agekalin agwa cha agedale.” Me ñage tañachuge ene, ni tañachuge ngeru igi gai tanre daba manade Chube geruadi ñanale, ba lle ulita boale no ta no giti daba Chubenuske.

2 Pedro 2:3

Kwian daba tkanga tangle geru ngwalege diali ta igi gakalin tanre ngle mo alin, ama be takalin ba ulita Chubenu tke tangle geru gweale me ulia giti ene ama igi kade ba ulitage ama kle ba tke tangle ñanale. Kwian ene ulita kle age me no Chube gwage malen ji chuge kle biale ama ulita alin, sbali Chube gerudu be ji gbe kwian agenga me no ulita alin, chui be chke gire Chube be kwian ene ulita gbe ji chuge Chube gerudu kare sbali.