Juan 10:11 - Buglere

¹¹ Cha kwian bda oveja mananga no kare, cha age no kwian chanu alin, cha ama manade no kwian oveja mananga oveja maunu manade no kare, oveja mananga no oveja ole ama mo ta gbe jogeda oveja dolla kote oveja giti.

Juan 10:11 ပူးပေါင်းရင်းမြစ်များ

Mateo 20:28

Ba ulita tañachugadale cha kle tañachuge kare, cha chiu nga dba ai giti kwian kare, cha me chiu kwian kagangale age no cha alin cha chudaboi, agwa cha chiu kwian ulita chudaboangale, cha chiu age no kwian alin kwian chudaboi, kaire cha chiu mo ketale gwaleda kwian ulita alin, ene cha jogeda giti cha kwian jwen siere ji chugege ama agedu me no gdale —Jesu gerudu ene ulita kwian geru jwannga amage ole.

Juan 10:2

Agwa kwian oveja mananga ulia ama diali joge oveja gerea ugakallage gudegu oveja nate.

Juan 15:13

Kwian no no ulia mo skatemanalla ole, ama me takalin skatemanalla jogeda, ama mo chuge ngwadi jogeda agali mo skatemanalla giti. Mo ta gbe age ene mo skatemanalla giti e ulia ta dbe no no mo skatemanalla ole, agwa kwian me ñage mo ta dbe age ma no ege mo skatemanalla alin.

Efesios 5:2

Ba mo ta dbadale no daba ole diali daba chudaboi salengwli Cristo ta du no che ole kare. Cristo no no che ole, ta ene ole ama mo chugu ngwadi jogeda che agedu me no giti ene ama che jun siere ji chugege che agedu me no gdale. Cristo agedu ene che alin, e giti Chubedi nga suga noare, Chube gwage Cristo agedu no no kwian ulita alin. Che Chubenu mo ta gbadale age no Chube gwa giti ta dbe no daba na ulita ole.

Tito 2:14

Jesucristo mo chugu ngwadi jogeda che ulita alin, ama jokeda alin giti ama che jun siere, ene che amanu. Ama che ta blitu, ama che ta gbu nganake, ene suge chege che me agedale me no dare gire che ta agekalin no diali ama takalin kare.

Hebreos 13:20

Ulia che Chugagwalla Jesucristo mo ketu gwaleda kwian jwen siere ji chugege age me no gdale, gire Jesucristo jokeda giti Chube geru jagere gbu egdage kwian ole chui diali dale alin. Jesucristo jokeda Chube Jesucristo gbu chkeni gwade, nege Jesucristo kle che manade no salengwli kwian bda oveja mananga no kle mo ta gbe oveja manade no kare, Jesucristo che mananga no ama kiraske kweri no trate ama kle tañachuge che giti diali. Cha takalin Chube ta suga no mauña agali ba ta gbe suga no ba ta gbe biale no trate age diali Chube takalin kare, kaire cha takalin Chube age che ulita tale ama takalin kare Jesucristo giti gire ene che ulita ñage age ulita Chube takalin kare Jesucristo kirallaske, ene Chubedi nga be suga no che ulita giti. Cha gerule no Jesucristo giti noare Jesucristo chege kweri kwian ulita gwa giti kwian ulita ama gai dage no Chugagwallale kweri chui tangle. Ene nobi.

1 Pedro 5:4

Ba ulita daba Chubenu chugagwalla mo ta gbe daba Chubenu manade Chube geruadi ta no ene ole, ene Cristo daba Chubenu ulita mananga ma kweri chkeni chuiage ama be lle no no kete ba ulita daba Chubenu chugagwallage ba daba Chubenu manadu no ñanale, lle e me boi ni jogenga, lle e chege diali chui tangle.

1 Juan 3:16

Ulia Jesucristo mo ketu boalenga daga ngwale mo gwangeda che giti kwian agenga me noge, malen suge trate chege che mo ta dbadale no mine daba ole. Jesucristo mo ketu boalenga daga ngwale che ulita giti, e kare ene agwe che mo chugale ngwadi boi daga ngwale daba chudaboi giti Jesucristo agedu kare, che mo ta gbadale daba chudaboi no diali che ñage mangire batre kare.

Apocalipsis 7:17

Bda Cordero kle Chube ngena Chube kle toiba dba ngwadi, Bda Cordero be kwian e ulita manade no salengwli kwian kle bda oveja manade kare. Kwian oveja mananga kle oveja dbe nga noge chi no jai, ene kaire Bda Cordero be kwian e manade no, Chube be kwian e ta gbe nga suga no ole me ta olire dare —kwian daba Chubenu chugagwalla juma gdaite gerudu ene cha ole kwian mo ngama tkaba ñometra jutreske giti.