Juan 1:45 - Buglere

⁴⁵ Felipe jo Natanael jwen Jesu kaitadale amage, Natanael skwendu Felipege undege gli kada higuera gdoge, Felipe gerudu: —Kwian gdaite skwendu chage, kwian e giti Moisés chada jigu degaba unsuialin kaire kwian Chube gerua ketanga dabage chada jigu degaba unsuialin kwian e giti, kwian e Jesu, ama José kirolla una Nazaremu.

Juan 1:45 ပူးပေါင်းရင်းမြစ်များ

Mateo 10:3

Felipe, Bartolomé, Tomás, Mateo (ngeru ama igi ganga chugagwalla emperador nga Romamu alin), Santiago (ama Alfeo kirolla), Tadeo,

Mateo 13:55

¿Ama me che tigemanalla? ¿Kwian e ñenua me ka jwankle José gli drega dodanga lle tanrere? ¿Kaire ama chebia me ka jwankle María? Che ama daballa ulita uñe, ¿ama daballa me Santiago kaire José kaire Simón kaire Judas?

Mateo 2:23

José jo toi una soli ka jwankle Nazarege nga Galileage. Ai ulita boidu ene kwian Chube gerua ketanga chada degu unsuialin kare Jesu giti, chada e gerule: “Cristo una Nazaremu.”

Mateo 21:11

Kwian nglea kle chage Jesu ole kwian toinga una Jerusalénge keruchugu geru kade ene moge gire ama jaindunga: —E Jesu kle chage, ama kwian toinga una Nazarege nga kweri Galileage, ama Chube gerua ketanga.

Marcos 14:67

ama gwagedu Pedrodi toiba dba jita ngwachuge, gire muinga chegu gwage tanre Pedrodi, ama gerudu Pedro ole: Pedro kle goga jita ngwachuge —Ba kaire kledu chage ule Jesu una Nazaremu ole.

Marcos 6:3

¿Agwa ama me che tigemanalla? ¿Ama me kwian glidrega dodanga lle tanrere? ¿Kaire ama me María kirolla? Che ama daballa ulita uñe, ¿ama daballa me Santiago kaire José kaire Judas kaire Simón? ¿Kaire ama ibotea ulita me kle toi cheske kaire agwe? ¿Agwa gire mineade geru ai ulita Chube giti kle chke uñale amage? Kwian ulita gerudu ene Jesudige malen kwian me jaindu Jesu gerua gai ulia, sugedu kwiange Jesu kwian ngwale kare.

Lucas 18:37

Jaindrenga kwian gwagwa me kalen: —Jesu una Nazaremu kle chage tangle aini.

Lucas 2:4

E suiale kwian kadakle José kledu toi una kadakle Nazarege nga Galileage gire Augusto gerua jo chke Josége. José jo kaire mo enusulian jwiage una kadakle Belénge nga Judeage, una Belén José enusulian oña kadakle David jwia.

Lucas 2:48

Josége Maríage Jesu skwendu geru trage kwian daba tkanga tangle ole u gerungwa Chube olege, José, María gwagedu Jesudi, chegu tañachuge tanre mo tale: “¿Mineade boidu ene? ¿Kaikwliade che kirolla ñage gerule no kwian daba tkanga tangle ole ta ngleare ole?” José María tañachugu ene mo tale Jesu giti gire María ka bo Jesu ole: —Cha kirolla, ¿mineade ba agedu ene cha ole? Cha ba ñenua ole kledu ba jinade nate tañachuge tanre ba giti.

Lucas 24:27

Jesu gerudu ene kwian boke ole gire ama gdamai jo chage dare una Emaús ngnagu, jonkare Jesu geru ñeu tanre kwian bokege, Jesu geru ñeu Moisés nu Chube gerua degaba unsuialin giti, kaire Jesu geru ñeu kwian Chube gerua ketanga nu Chube gerua degaba ulita giti, chada e ulita gerule tanre Jesu be boi giti ulita nga dba ai giti.

Lucas 24:44

gire Jesu gerudu ama ulita ole: —Ngeru cha kledu ba ole gire cha gerudu tanre ba ole Chube gerua degaba unsuialin giti, Moisés nu Chube gerua degaba, kwian Chube gerua ketanga dabage nu Chube gerua degaba, kaire chada kada Salmos, chada e ulita gerule cha giti cha boidale ulita ene ba gwagedu kare chadi boi.

Lucas 3:23

Jesuge chura treinta chku gire ege gwangerugu Jesu lle bo kwian gwa giti gwangea Chube alin kwianske. Kwian ulita tañachugu Jesu José kirolla. José Elí kirolla,

Lucas 4:22

Kwian Jesu keruchugu gerule ene gire kwian kle mo litaba chegu tañachuge tanre noare Jesu giti, ama ulita gerudu Jesu giti modige: —Kwian e noare ulia, ama gerule noare ulita, ¿mineade ama ene? ¿Agwa e me José kirolla?

Juan 1:44

Felipe ai toinga una kada Betsaidage, Andrés kaire Pedro una Betsaidamu.

Juan 12:21

Felipe una Betsaidamu nga Galileage, Felipe edi kwian griego jo chke gerule Jesu giti: —Cha ta Jesu uñakalin, cha ta gerukalin ama ole.

Juan 14:8

Felipe gerudu Jesu ole: —Cha Chugagwalla, ba mo Ñenua kaite cha ulitage, cha ulita ta gwagekalin amadi, cha ulita be gwage ba Ñenuadi gire be suge ulia ulia cha ulitage ba alin allabi giti cha ñage joge chke ba Ñenua ngwadi.

Juan 18:5

Kwian mneite kle chage ulita jaindunga: —Cha ulita kle chage Jesu una Nazaremu nate. Jesu gerudu: —E cha ba kle chage nate. Jesu gerudu ene gire kwian ulita kle chage modi Jesu nate mo linguda gwanaskuda, kwian ulita jo chke dba. Judas-Iscariote Jesu ketanga kwian me no e ulitage kledu ule kwian e ole ulita eni.

Juan 18:7

Gire Jesu geru kadu nabitaite ama ulitage: —¿Ba kle chage chema nate? Ama ulita jaindunga nabitaite: —Cha kle chage Jesu una Nazaremu nate.

Juan 19:19

Pilato chada degu chada gbangu kruge ngaña Jesu chuga giti, chada e gerule: “Ai Jesu una Nazaremu, ama kwian israelita ulita chugagwalla kweri rey.”

Juan 21:2

Geru jwannga gweale kledu ule: Simón-Pedro, Tomás, amaña kada Gemelo, Natanael, Natanael e kwian toinga una kada Canáge nga Galileage, kaire Zebedeo kirolla boke, kaire geru jwannga Jesuge na boke kledu. Kwian e ulita gdaguke kledu ule,

Juan 6:42

gire ama ulita gerudu jalin jalin modi Jesu giti: —¿E me José kirolla kada Jesu? Che ulita ama ñenua uñe, ama chebia kaire. Ama medunga chebia kote nga dba ai giti, ama me ña gerule che ole ama chiu nga ngaña giti.

Juan 6:5

Jesu kledu jwichuga giti ule geru jwannga amage ole gire Jesu gwagedu kwian ngledi chie jwichuga ama kle giti ngnagu, Jesu jo dbige jwichugage ten kwian ngle ngwange ule geru jwannga amage ulita ole, Jesu gerudu Felipe ole: —¿Che be joge bligda ngle gige baini kwian e ulita alin?

Juan 6:7

Felipe jaindunga Jesu kalen: —Igi kwangle giti che bligda gige kwian e ulita alin gutadale, ni bligda e ulita ñage kwian ulitage jalin jalin gutadale.

Hechos 10:38

Uñale bage e suiale Jesu una Nazaremu mo chugu ngwadi Juan-Bautistage mo ñeange chiske gire Chube kira ketu Jesuge age ulita kwianske Chube Oña kirallaske. Gire chui ege gwangerugu Jesu chagedu age no ulita kwian oga dodade jingme ulitage kaire kwian jwligebanga dolla Satanás kote dodade. Chube kle Jesu ole diali malen Jesu ñadu age no ene ulita kwian alin.

Hechos 2:22

Pedro gerudu dare kwian ulita ole: —Ba kwian israelita ulita cha keruchuge no, uñale ba ulitage Jesu una Nazaremu toidu mine ulita baske. Chube Jesu gbu ba ulita gwa giti kwian oga dodade kaire lle na daga ngwale no tanre dodade Chube kiralla giti.

Hechos 22:8

Cha geru keruchugu ene gire cha geru kadu: “¿Ba chema kle gerule cha ole?” Gire cha geru keruchugu gerule kwaite: “Cha Jesu una Nazaremu, cha amaña nate ba kle chage age cha dollale cha gbe boi tanre daga ngwale.”

Hechos 26:9

Pablo geru tragu dare Agripa ole: —Ngeru cha tañachugu lle tanre dodade Jesu una Nazaremu gerua dollale, cha mo ta gbu kwian ulita Jesu una Nazaremu gerua gaba ulia gbe boi tanre daga ngwale.

Hechos 3:6

Agwa Pedro gerudu ama ole: —Cha me igi molen ketale bage, agwa cha be lle na ma no igige kete bage, cha be age no ba alin Jesucristo kiralla giti. Jesucristo una Nazaremu kiralla giti cha gerule ba ole, ¡chkede gdate, chagede!