Ba mo ta blitadale Chube ole gire cha ñage ba ñe chiske Chube kalla giti. Cha ñage age ene ba alin, agwa kwian gdaite be chie cha nate ama ma kira molen chage, ama be ñage age ma no kwian alin chage. Ama be Chube Oña gbe kwian tale, ene diali kwian be chage Chube Oña ole, Chube Oña be kwian ta gbe age no diali Chube takalin kare. Cha ñage kwian ñe chiske alin agwa cha me ñage Chube Oña gbe kwian tale kwian ta blite age Chube takalin kare. Ulia kwian gdaite be chie cha nate ama ma no ma kweri no trate chage, cha me ñanaske ama chudaboangale ni ama zapatolla dbe ama alin.
Juan 1:27 - Buglere27 ama be chie cha nate ama ma no ma kweri ulita chage, cha me ñanaske ama chudaboangale ama zapatolla jwennga ama serage —Juan-Bautista gerudu ene mau giti kwian una Jerusalénmu kagaba ole. အခန်းကိုကြည့်ပါ။ |
Juan 1:27
9 ပူးပေါင်းရင်းမြစ်များ
Kaire Juan-Bautista gerudu kwian ulita ole Jesu giti, ama gerudu: “Ulia kwian gdaite be chie cha nate, ama ma kira molen chage, ama be ñage age ma no kwian alin chage, ama be Chube Oña gbe kwian tale. Cha ñage kwian ñe chiske alin agwa cha me ñage Chube Oña gbe kwian tale. Ulia kwian gdaite be chie cha nate ama ma no ma kweri ulita chage, cha me ñanaske ama chudaboangale ni ama zapatolla jwennga ama serage.” Juan-Bautista chagedu gerule ene kwian ole Jesu giti.
Kwian ulita kle tañachuge ene mo tale gire Juan-Bautista gerudu kwian ulita ole: —Cha me Cristo, agwa kwian gdaite be chie cha nate, ama Cristo, ama ma kira molen chage, ama be ñage age ma no kwian alin chage, ama be Chube Oña gbe kwian tale, ene diali kwian be chage Chube Oña ole, Chube Oña be kwian ta gbe age no diali Chube takalin kare. Cha ñage kwian ñe chiske alin, agwa cha me ñage Chube Oña gbe kwian tale kwian ta blite age Chube takalin kare. Ulia kwian gdaite be chie cha nate ama ma no ma kweri ulita chage, cha me ñanaske ama chudaboangale ni ama zapatolla jwennga ama serage.
Kwian ngle jo chke Jesu kle ngwadi, kwian e ulita gwagedu Jesudi, kwian e ulita Jesu keruchugu gire gerudu Jesu giti: —Juan-Bautista ni lle daga ngwale no gdaite dodadu Chube kiralla giti kwian gwa giti, agwa Juan-Bautista gerudu onbre gdaite be chie Juan-Bautista nate giti onbre e be lle daga ngwale no dodade Chube kiralla giti, ulia nege che gwa giti onbre ai kle age Juan-Bautista gerudu kare, onbre ai amaña giti Juan-Bautista kledu gerule che ole.
Juan-Bautista lle boi ulita Chube alin chuia chegu kodi gire Juan-Bautista gerudu kwian ulita ole: “Ba ulita kle tañachuge cha kwian gdaite be chie ba ulita jwanngale siere, agwa cha me ama, kwian gdaite e be chie cha nate ama ma no ma kweri ulita chage, cha me ñanaske ama chudaboangale ni ama zapatolla jwennga ama serage.” Juan-Bautista gerudu ene Jesu giti.
ကြော်ငြာတွေ