Juan 1:19 - Buglere

¹⁹ Kwian israelita chugagwalla ulita una Jerusalénmu kwian gau mne gdaite kagu geru kade Juan-Bautistage, kwian mne gdaite e gweale gerunga Chube ole daba alin, kwian na gerunga Chube ole daba alin chudaboanga, kwian e ulita jo chke Juan-Bautista kle ngwadi geru kadu Juan-Bautistage: —¿Ba chema?

Juan 1:19 ပူးပေါင်းရင်းမြစ်များ

Juan 10:31

Jesu gerudu ene gire kwian israelita ulita skochiu nabitaite Jesu gerudu giti ama ulita ke jun Jesu skiagda.

Juan 11:19

Kwian israelita tanre una Jerusalénmu nu jogeba una Betaniage Marta, María oli gatedi.

Juan 2:18

Jesu agedu ene kwian bda chbadanga ole u gerungwa Chube olege gire kwian israelita chugagwalla ulita kledu eni geru kadu Jesuge: —¿Chema ba kagu age ene aini u aige? ¿Bage suge Chube ba kagu? E ene ulia ba lle gweale daga ngwale no dodade Chube kirallaske cha gwa giti ene chke uñale cha ulitage ulia Chube ba kagu.

Juan 2:20

Kwian israelita gerudu Jesu ole: —U ai jo dodaba chura ngle chura cuarenta y seis gire u ai kweri dodadre ulita. U ai be kle skianbada gire ¿ba be u gbeni naskuni biale chui gbamaire alin allabi?

Juan 5:10

Kwian israelita ulita gwagedu onbre jo chkeni nonidige chage gbengwa ole, kwian israelita gerudu onbre jo chkeni noni ole: —Nege che undege chuia, ba me ñage chage mo gbengwalla dbe chui aige.

Juan 5:15

Chku uñale onbrege Jesu ama dodadu gire onbre e jo gerule kwian israelita ole: —Kwian onbre cha dodadu, ama kada Jesu.

Juan 5:16

Jesu kwian oga dodadu undege chuiage gdale kwian israelita ulita skochiu tanre Jesudi, e giti kwian israelita mo ta gbu age me no Jesu dollale chage Jesu nate gwaleda.

Juan 5:18

Jesu gerudu ene giti gdale kwian israelita ulita mo ta gbu ma kiraske chage Jesu nate gwaleda, kwian israelita gwage Jesu me kle chada kle degaba undege chuia giti gbe gdadi, kaire Jesu kle mo gbe salengwli Chube kare Jesu kle gerule ama Ñenuanu Chube, e kwian israelita alin Jesu kle gerule me no me no.

Juan 6:41

Jesu gerudu ene kwian ulita ole gire kwian israelita mneite kledu chage Jesu nate ta me no ole, ama ulita Jesu keruchugu Jesu gerudu mau giti: “Cha bligda kare chiu nga ngaña giti chku nga dba ai giti.” Geru e giti kwian israelita ulita skochiu,

Juan 6:52

Jesu gerudu ene gire kwian israelita ulita ta skole ole mo ka dodadu ongoru ongoru Jesu gerudu giti: —¿Ama be age mine gire ama be mo jegwale agali kete chege gutadale?

Juan 7:1

Jesu kwian tku tangle ulita ene una Capernaumge, Jesu me jo nga nage, ama chegu ngmadi nga kweri Galileage chage una kaire kairege nga Galileage. Jesu me tadu jogekalin nga kweri Judeage, uñadu Jesuge nga Judeage ama joge chke nga ege kwian ulita israelita be ama jinade nate gwadaleda.

Juan 7:11

Chui ollade chuiage kwian israelita mneite kledu chage Jesu jinade nate kwian nglea ulitaske, kwian israelita e ulita kledu chage kwian ngleaske geru kade Jesu giti ta me no ole, ama geru kadu: —Cha kle Jesu jinade nate, ama me skwen cha mneitege, ¿ba gwealege uñale ama kle baini?

Juan 7:15

Jesu kle kwian ngle tke tangle ene u gerungwa Chube olege gire kwian israelita chugagwalla ngle chegu tañachuge tanre Jesudi, kwian e gerudu: —¿Mineade ama ñage gerule trate Chube giti, ama me geru jwanba che kare?

Juan 8:22

Jesu gerudu ene kwian ulita ole gire kwian israelita chugagwalla ulita gerudu modi Jesu giti: —¿Ama kle tañachuge mo gweda agali sugekare chege, malen ama kle gerule ama be joge ngwadi che me ñage joge?

Juan 8:48

Kwian israelita gerudu Jesuge: —Nege suge cha ulitage cha kle gerule trate ulia ba giti, ulia ba kwian me no nga Samariamu, dolla kle ba tale ama kle ba gbe gerule ulita ngwale ama takalin kare.

Juan 8:52

Kwian israelita ulita Jesu keruchugu gerule ene, gire gerudu: —Nege trate uñale chage dolla kle ba tale, dolla kle ba ta gbe gerule, uñale cha ulitage cha enusulian Abraham toidu, kaire kwian Chube gerua ketanga dabage toidu, ulita jo juma gire ama ulita jokeda. Ba kle gerule kwian bai kaire ba gerua gbe gdadi ba gerua gai dage no, kwian ene be toi diali chui tangle.

Juan 8:57

Kwian israelita gerudu Jesuge: —Abraham enusulin, e unsuialin unsuialin, gire ba kle gerule ba gwagedu amadi, ba ni chura cincuenta molen, ba me ñage gerule ba gwagedu enusulin Abrahamdi.

Hechos 13:25

Juan-Bautista lle boi ulita Chube alin chuia chegu kodi gire Juan-Bautista gerudu kwian ulita ole: “Ba ulita kle tañachuge cha kwian gdaite be chie ba ulita jwanngale siere, agwa cha me ama, kwian gdaite e be chie cha nate ama ma no ma kweri ulita chage, cha me ñanaske ama chudaboangale ni ama zapatolla jwennga ama serage.” Juan-Bautista gerudu ene Jesu giti.

Hechos 19:4

Pablo gerudu ama ulita ole: —Kwian mo ta blitu Chube ole Juan-Bautista gerudu kare Juan-Bautista kwian ene ñeu chiske Chube gwa giti, agwa kaire Juan-Bautista gerudu kwian na be chie Juan-Bautista nate kwian ama gadale ulia, Juan-Bautista gerudu ene kledu gerule Jesu giti.

1 Juan 1:5

Geru ai ulita Jesucristo giti Jesucristo cha ulita tku tangle kare, geru ai amaña cha kete ba ulitage: Chube no salengwli jichra chratigenga no kle gwade kare, Chube no trate ulita diali, ama ta me nga jereske kare ole ni lle me no gweale kle ama tale, ama no diali ama kwian ta gbanga toi no trate salengwli jichra kle kwian gbe ten kare.