Juan 1:11 - Buglere

¹¹ Ama chagedu mo jwiage mo bitallanuske, ama bitallanu ulita me ama gau ngwange no.

Juan 1:11 ပူးပေါင်းရင်းမြစ်များ

Mateo 15:24

Jesu gerudu muinga e ole: —Kwian israelita ulita bda oveja jogebanga kare, ama me Chube uñe, kwian ene alin Chube cha kagu nga dba ai giti, Chube cha kagu kwian israelita alin allabi chudaboi tke tangle Chube giti.

Lucas 19:14

Kwian tanre ama jwiage skochie amadi, kwian me takalin chugagwalla kweri nga na batege ama gbe daba ulita chugagwallale mo jwiage, malen kwian mneite kagle ama nate gerule chugagwalla kweri nga na batege ole: “Cha ulita me takalin ba ama gbe cha chugagwallale.”

Juan 1:10

Cristo nga ulita lle ulita kwian ulita dodadu, Cristo ulita mauña. Ama chku nga dba ai giti kwianske agwa me chku uñale kwian ulitage ama chema.

Juan 1:12

Agwa kwian bai kaire ama gau ngwange no kwian ama gau ulia, ama kwian ene gbu Chube oliale.

Juan 19:27

Jesu gerudu ene chebia ole gire gerudu kaire geru jwannga e gdaite ole: —Ba cha chebia gai mo chebiale, ba ama manade no no. Chui ege gwangerugu geru jwannga e Jesu chebia gau mo chebiale, ama Jesu chebia du mo ullage manadale diali.

Juan 3:32

amage ulita uñale ama gwagedudi ama keruchugu nga ngaña giti Chube kle ngwadige, ama geru e alin trage kwian ole, kwian bedre alin ama kerua gai ulia ama kle gerule kare.

Hechos 13:26

Pablo gerudu dare kwian ole: —Ba cha bitalla ulita enusulian Abraham oindalla kaire ba ulita kwian me israelita bai kle mo ta gbe Chube gai dage, cha gerule ba ulita ole, geru ai Jesu giti che ulita alin che jwangda siere ji chugege agedu me no gdale.

Hechos 13:46

Gire Pablo kaire Bernabé me mo ta gbu kennga kwian israelita me Jesu gabadige, ama gerudu: —Chube cha ulita ta gbu geru amanu Jesu giti kete ngeru ba ulita kwian israelitage, agwa ba ulita israelita me jaindu geru ai gai ngwange, geru e gai ulia giti ba ñage toi chui tangle Chube ole agwa ba tañachugu geru e ngwale ba me geru e gau ulia, malen cha ulita kle Chube gerua Jesu giti kete kwian me israelitage.

Hechos 21:6

Gire cha ulita gbi jigu bdagli daba Chubenu ulitage gire cha jo du tadi. Daba Chubenu ulita joni naskuni gudegu.

Romanos 15:8

Cha gerule ba ole trate Cristo giti, Cristo chiu nga dba ai giti agedale cha kwian israelita ulita alin agedale ulita Chube gerudu kare unsuialin, unsuialin Chube gerudu cha enusulian ole ama be kwian jwannga siere kage kwian israelita ulita alin, Cristo chku, Cristo agedu ulita Chube gerudu kare unsuialin, e giti suge chege Chube gerule ulia ama age ulita ama gerule kare.

Romanos 9:1

Cha gerule ba ulita ole, cha tale cha suge moge ta olire tanre cha bitalla israelita giti bai ulita me Cristo gau ulia, cha me ñage ta chege suga no e giti, kwian e ulita cha bitalla, cha no no ama ole malen cha agali takalin mo gbe ji chuge sugekare Cristoge ama ulita jiale me Cristo gai giti, cha age ene giti ama ulita alin ene ama me ji chuge Chube be ji gbege, agwa cha me ñage age ene. Ulia cha no no cha bitalla israelita ulita ole, cha kle ta olire tanre ama me Cristo gau ulia giti, cha gerule ene ba ole cha me kle sole, cha Cristonu malen cha gerule ulia diali, kaire Chube Oña kle cha tale cha ta gbe suge cha kle gerule ulia ba ulita ole.

Romanos 9:5

Kwian israelita ulita enusulian kada Abraham kada Isaac kada Jacob oindalla, ama ulitaske Cristo chiu, Cristo Chube Kirolla, Cristo amaña Chube, ama kweri, ama lle ulita nga ulita kwian ulita Chugagwalla, kwian ulita gerudale no ama giti diali, ene no no gerule no ama giti.

Gálatas 4:4

Che kledu ene gire Chube chui gbaba unsuialin chuia chku Chube mo Kirolla kagu cheske, Chube Kirolla medunga muinga kote nga dba ai giti kwian israelitaske, Chube Kirolla mo ta gbu age ulita Moisés chadalla gerule kare.