Hechos 9:26 - Buglere

²⁶ Saulo jo chkeni una Jerusalénge, gire diali Saulo tadu mo litakalin kwian Jesu gerua gaba ole, agwa kwian ulita kendunga mo lite Saulo ole. Uñale kwian e ulitage Saulo kwian agenga me no kwian Jesu gerua gaba dollale, ama ulita tañachugu Saulo me nu Jesu gerua gaba ulia, malen kwian kendunga Saulodi.

Hechos 9:26 ပူးပေါင်းရင်းမြစ်များ

Mateo 24:10

Chui ege tangle kwian tanre cha gerua ganga be cha gerua chuge ngwadi be mo ta blite age me no joge siere cha geruage, kwian ene ulita be jainchke modi ongoru ongoru kaire be daba kete boadale daga ngwale tanre kwian chugagwallage.

Hechos 26:20

Cha jo ngeru Jesu gerua dbe kwian toinga una Damascoge gire cha jo geru dbe kwian toinga una Jerusalénge kaire cha jo nga nage chage ulita nga kweri Judeage geru dbe kaire cha geru e Jesu giti du ulita kwian me israelitage. Cha kwian e ulita ta gbu suge ama mo ta blitadale Chube ole joge siere ama kle age me noge, ama mo ta gbadale age trate Chube takalin kare kwian gwa giti ene suge kwian nage ulia Jesu ama ta blitu.

Hechos 4:23

Kwian israelita chugagwalla ulita Pedro, Juan chugu ngwadi gbale, gire Pedro, Juan jo mo lite ule daba na Jesu gerua ganga ole, Pedro, Juan geru tragu daba e ulita ole kwian israelita chugagwalla gerudu giti ulita ama ka bo Pedro ole Juan ole me gerule Jesu giti dare kwian na ole.

Hechos 9:19

Gire Saulo joni gudegu, blidu, ama kira chkuni naskuni. Saulo mo ta gbu chege toi chui gweale ule kwian Jesu gerua gaba ole una Damascoge,

Hechos 9:25

Kwian Jesu gerua ganga gweale Saulo chudabo, ama Saulo gbu ski kweri toli gire ama Saulo tku dbige skige ngajrege una gerea gití dbige kwian me kle Saulo manade ngwadi. Ene Saulo tiendu gitiru kwian tadu Saulo gwakalindage una Damascoge, joni una Jerusalénge.

Gálatas 2:4

Cha kledu mo litaba kwian Jesucristo gaba chugagwalla ulita ole gire kwian gweale ta boke ole chku mau tale cha ulitaske. Kwian e ta me no, ama me no Chube gerua ulia ole, ama gerudu ama Chubenu, agwa me ene ulia. Ta me no ole ama tadu cha ulita keruchugakalin gerule Jesucristo giti, uñadu amage cha kledu gerule Jesucristo alin giti kwian chege Chubenu, me Moisés nu Chube gerua degaba unsuialin kwian israelita alin giti kwian chege Chubenu. Kwian e me no geru Jesucristo alin giti ole, ama tadu cha ulita gbakalin naskuni chage diali Moisés chadalla ulita gerule kare.