Hechos 8:21 - Buglere

²¹ Ba me ñage e gige ba kle tañachuge kare, igi giti ba me ñage kira gai lle boi Chube alin. Ba ta me trate Chube ole.

Hechos 8:21 ပူးပေါင်းရင်းမြစ်များ

Lucas 1:6

Zacarías kaire Elisabet kwian noare, ama bonate chagedu trate no Chube gwa giti, ama bonate Chube gau mo Chugagwallale, diali ama kle age Chube takalin kare Chube nu geru gbaba kare.

Juan 21:17

Bitamaidale Jesu geru kadu Pedroge: —Simón, ba Juan kirolla, ¿ulia ba no no cha ole? Jesu geru amaña alin kadu bitamai Pedroge malen Pedro chegu tañachugu tanre ama ta olidu, Pedro gerudu Jesu ole: —Cha Chugagwalla, ulita uñale bage, ba cha ta uñe trate, uñale bage ulia cha no ba ole. Jesu gerudu Pedro ole: —Gire ba kwian chanu manade no no cha geruadi.

Hechos 8:37

Gire Felipe gerudu: —Ba Jesucristo gerua gai ulia mo tale, gire cha ñage ba ñe chiske. Kwian nga Etiopíamu jaindunga: —Cha Jesucristo gerua gai ulia, chage suge trate ama Chube Kirolla. Cha takalin ba cha ñe chiske ama kalla giti.

Efesios 5:5

Bage chkedale uñale kwian agenga me no ai kare me ñage joge toi Chube ole Cristo ole nga ngaña giti: Kwian onbrenu muirenu mo chuganga ke giti, kaire kwian agenga me no sugaska, kaire kwian mo ta dbanga takalin lle ulitage mau alin kle lle e gbe ngeru mo tale Chubege, kwian e kare ulita me ñage joge toi Chube ole Cristo ole nga ngaña giti.

Hebreos 4:13

Chube lle ulita dodadu uñale trate Chubege lle e ulita mine. Chube che ulita ta uñe trate, che me ñage mo ogeda tañachuge chegé sugekare Chubege me chke nate uñale Chubege che ta mine ni che kle age mine. Ulia lle ulita kwian ta ulita kle gbaba Chube gwa giti uñale, kaire lle ulita kle boi Chubege ulita uñale. Kaire chui bdaglige lle ulita che nu ageba giti Chube be gerule che ole giti, ulia ni lle gdaite kle chege ogabada sugekare Chubege, ulita ulita kle chke nate uñale Chubege.

Apocalipsis 20:6

Nga suga noare kwian ulitadi bai kaire nu jogebakeda Jesucristo gerua gdale chkuni gwade ngerutabi, ama Chubenu amadi nga suga noare. Ama mi jogekeda bitabokege tangle dale, e kle gerule ama mi joge ji chuge daga ngwale ngwadi age me no gdale. Ama be chege kwian ulita chugagwallale Jesucristo ole ule chura ngle milge, ama be chege gerunga Chube ole kaire Jesucristo ole kwian na alin, ama be toi Chube ole diali nga suga no ole.

Apocalipsis 22:19

Kaire agwe kwian bai kaire geru kle degaba chada ai giti jwennga siere sidri me geru kete ulita kwiange kle degaba kare gire ene Chube be ama jwen siere jige sugekare Chubege, kwian e me ñage gli kwian gbagda toi chui tangle gba gute, ama me ñage toi una no Chubenuge. Una ai giti kaire gli ai giti geru kle degaba ulita chada ai giti.