Ba chagedale geru e trage kwian ulita ole, kaire ba kwian oga dodade, ba kwian jogebakeda gbeni gwade, ba kwian oga kwara tuge jingmea kada lepra ole dodade jige trate, ba dolla kage siere kwian jwligebanga dolla kotege. Cha kira ketu bage, kira e giti ba kwian oga dodade, ba kwian oga dodade ba me igi kade kwiange ba kwian dodadu ñanale, ba me ñage kwian oga dodade mo kiralla giti, cha kira e ketu bage malen ba agedale no kwian na alin me igi kade amage age ene ñanale.
Hechos 8:20 - Buglere20 Pedro gerudu Simón ole: —Ba ule ba igia ole, joga nga dbigu giti nga ji chugangwage sugekare Chubege. Ba kle tañachuge Chube kiralla gige igire giti, cha gerule ba ole ba me kle tañachuge no, ba talla kle sugekare Chubege. Chube mo kiralla kete kwian bai kairege ama takalin mo kiralla kete, e che me ñage gige igire. အခန်းကိုကြည့်ပါ။ |
Hechos 8:20
23 ပူးပေါင်းရင်းမြစ်များ
Kwian tale bai kaire talla me no kle, kwian ene be mo ta gbe age me no diali ai kare ulita: Kwian daba gweda. Onbre mo jwanba mo chuge ke giti muinga na ole, muinga mo jwanba mo chuge ke giti onbre na ole. Onbre muinga me mo jwanba mo chuge ke giti. Kwian skwe boi daba ngeru. Kwian geru jinade daba ole. Kwian gerule me no daba nadi.
Kwian israelita nu Jesu gerua gaba gweale chieba Pedro ole una Jopege, ama kwian me israelita keruchugu gerule kwira nale me jwanba gerule no Chube giti gire chku uñale kwian israelita ege Chube Oña chku kwian me israelita tale, kwian israelita e chegu tañachuge tanre e giti, ama tañachugu mo tale: “¿Mineade Chube Oña chku kwian me israelita tale?”
Chube mo Oña gbu kwian me israelita e ulita tale salengwli Chube mo Oña gbu che israelita tale kare che che Chugagwalla Jesucristo gau ulia mo tale chuiage. Cha me ñage mo gbe ma kweri Chubege gerule Chube ole: “Ba me ñage mo Oña gbe kwian me israelita tale.” Cha me ñage gerule ene Chube ole, Chube ñage age ama takalin kare.
Pedro jaindunga: —Ba ulita mo ta blitadale Chube ole mo ta gbadale Chube gai ulia ba mo ta gbadale ba kle age me no ulita chuge ngwadi, ene Chube be ba agedu me no ulita talla mlienga, ene Chube be mo Oña gbe ba tale. Kaire ba ulita mo chugale ngwadi mo ñeange chiske gdaite gdaite ulita Jesucristo kalla giti, ene be suge ba Chubenu ulia.
Ba ta me no ba kle tañachuge kare ba mlienga nege blike, ba mo ta blite Chube ole ba gerule blike Chube ole mo chudaboi, ene Chube be ba tañachugu age me no talla mlienga, ene ba chege no Chube gwage. Chke uñale chage age me no tanre talla kle ba tale, ba ta agekalin cha kle age kare, agwa ba me ñage malen ba kle tañachuge me no chadi, ene ba me ñage tañachuge no ni ba be ñage age no Chube alin, Chube ji gbe kweri ta ene gdale.
Kwian ulita me tañachuge ene, kwian gweale tañachuge: “Cha ta igi tanre lle tanre gakalin mau alin.” Kwian tañachuge ene ama takalin igi nglege, ama me gwagedale igidi, ama gwage igidi ta igi gakalin mau alin. Ama tañachuge: “Cha kwian anblite lle gwealedi, ene cha ñage igi tanre gai mau alin.” Diali kwian ene age me no, ama ta me no, me suge amage e giti ama boi tanre me no boi tanre daga ngwale.
Ama igia ulita mi chege ñanaske dale Chube gwa giti, ulita be joge tangle mi chege ama ole diali dale alin. Ama llea ulita be chege ngwale Chube gwa giti, e giti be suge kwian e kledu toi gire ama lle tanre ngwale litu ole ogadale no agwa ama me mo ta gbu ulia jumale Chube ole. Ulia nga dba ai giti bebi joge tangle ulita Jesucristo chieni chuia bebi chke gire chui ege kwian e be ji chuge tirare ulia jitaske ama agedu me no kbiale.
ကြော်ငြာတွေ