Hechos 7:60 - Buglere

⁶⁰ Esteban dolla me chegu ta chuge Estebandi skie ke giti, gire Esteban toidu dba jongnagwa giti, Esteban gerudu kweri Jesu ole: “Cha Chugagwalla Jesu, kwian kle age me no cha ole ai ba gwa giti, cha takalin ama kle age giti ba me tallade, ba me ama gbe jiske cha gdale.” Esteban gerudu ene Jesu ole gire Esteban jokeda.

Hechos 7:60 ပူးပေါင်းရင်းမြစ်များ

Mateo 27:52

kaire keuga kwian jaba ogaba ngwadi tanre skiendunga nate, gire kwian jogebakeda sbali Chubenu ngle chkuni gwade.

Mateo 5:44

Agwa cha gerule ba ole, ba mo ta dbadale no ba dolla ole kaire. Kwian kle ba oña boi me no, kwian ene ole ba gerudale: “Cha takalin Chube age no ba alin.” Kwian kle jainchke badi, kwian ene alin ba agedale no. Kwian kle ba ta gbe olire kle gerule me no badi kle kira bate ba ole, kwian ene giti ba gerudale Chube ole.

Lucas 22:41

Jesu gerudu ene gire Jesu jo sugekare kwian geru jwanngage bateno ke mlie ke jange mangire batre ngwadi, eni Jesu jo chke dba jongnagwa giti gerule Chube ole.

Lucas 23:34

Jesu kledu kruge ngaña gire Jesu gerudu Chube ole: —Cha Ñenua, kwian ulita kle age me no cha ole, agwa amage me suge ama kle age giti, cha takalin ba ama kle age me no ulita cha ole talla mlienga —Jesu gerudu ene mo Ñenua ole. Jesu ñometralla jo jwanbanga Jesudige, ñometra e ulita guardia donga ulita girabatu modi guardia donga bai kaire blachku no ole.

Lucas 6:28

Kwian kle ba oña boi me no, kwian ene ole ba gerudale: “Cha takalin Chube age no ba alin.” Kwian kle ba ta gbe olire kle gerule me no bage, kwian ene giti ba gerudale Chube ole.

Juan 11:11

Jesu gerudu ene kwian geru jwannga ulita ole gire Jesu gerudu dare: —Che skatemanalla Lázaro kle gbe, cha be joge ama gai gdate.

Hechos 13:36

Nege cha gerule ba ulita ole, cha takalin geru suge ba ulitage. David chada degu, ¿chada e kle gerule chema giti? Me kle gerule David giti agwa Jesu giti David chada degu. David lle bo no ulita ama kledu toi gwade gire diali Chube ama ta gbu age Chube takalin kare. Bdagli ama jokeda, ama jaba jo tkaba keugage ama bitalla ulita jaba ogakle ngwadi, ama jaba tugeduda ulita.

Hechos 20:36

Pablo gerudu ene ulita gire Pablo jongnagwa skutu dba kwian Chubenu ulita ole gerudu Chube ole daba giti: “Chube, ba kwian ai ulita lle boanga ba alin manade no chui gdale.”

Hechos 21:5

Pablo me geru e talladu gerudre ama ole giti, malen chui guke jo tangle gire cha ulita jo siere una Tiroge, kwian Chubenu ulita muirenu onbrenu kirogwanu cha ulita gatudi joge ble kagda giti, eni ble kagda giti cha ulita ule daba Chubenu ole jongnagwa skutu dba gerule Chube ole.

Hechos 9:40

Pedro kwian ulita kle Dorcas jabadi tangle kagu jondoi gire Pedro jongnagwa skutu dba Pedro gerudu Chube ole Dorcas jaba gbeni gwade giti. Pedro gerudubi Chube ole Dorcas jaba giti gire Pedro gwagedu Dorcas jabadi, Pedro gerudu: —Tabita, ¡chkede bduge! Pedro gerudu ene gire Dorcas jaba chkuni gwade naskuni ama gwagwa jraunnga, ama gwagedu Pedrodi gire ama chku bduge.

1 Corintios 11:30

Blire ta ene giti gdale ba tanre oga jingme kote, kira me, kaire gweale jokeda, Chube kle ji gbe ene ba alin ba kle age giti, ene ba tachke ba me kle age no Chube gwage.

1 Corintios 15:18

Cristo me chkuni gwade, kwian Cristo gau ulia kledu gwade gire jokeda mi chkeni gwade, ama jonga ulita, ama chege sugekare Chubege diali chui tangle.

1 Corintios 15:20

Agwa Cristo jokeda, ama me chegu jogebada, agwa ulia ama chkuni gwade, ama ngeru chkenga gwadeni jondege, ene ama giti kwian ulita bai kaire ama gaba ulia jogeda be chkeni gwade toi ule ama ole.

1 Corintios 15:51

Cha geru no kete ba ulitage Chube be age giti che ulita ole, geru ai ni uñale ba gdaitege, che Chubenu ulita mi kle jogebada Cristo chieni chuiage, agwa bai kaire be kle gwade chui ege jegwale ulita be jwlite nganake.

1 Corintios 15:6

Chui nage kwian nu Cristo gaba ulita quinientos kledu mo litaba Cristo medu gwadeni ama ulitage, kwian ene ulita gwagedu Cristodi gwadeni, nege kwian ene gweale jogebada agwa ngle kle toi gwade bebi jogeda ñage gerule ulia ama gwagedu Cristodi gwadeni mo gwagwa giti.

1 Tesalonicenses 5:10

Jesucristo jokeda che ulita alin ama chkuni gwade che ulita alin, ama be chieni chuiage, chui ege che ulita amanu bai kle gwade be joge toi ule ama ole, kaire che ulita bai jogebada jegwalege ama be che gbeni gwade che be joge toi ule ama ole.

2 Timoteo 4:16

Timoteo, kaire cha gerule ba ole kwian kle age mine cha ole aini. Gwangea cha dule kwian chugagwalla ulita gwa giti kaire kwian na tanre kledu eni gwa giti, chui ege cha gerudu mo giti gballa, kwian ulita Chubenu me cha chudabo, cha chugle ngwadi gballa gerule kwian ngle gwa giti, ni malen kwian gdaite cha chudabo gerule no cha giti gerule no Jesucristo gerua giti. Kwian Chubenu ulita bai kledu cha ole kwian ngle gwa giti ama chegu kamne me gerudu cha chudaboale, cha takalin Chube tai dage amage, ama agedu giti Chube me tallade.

2 Pedro 3:4

“¿Boidu mine Cristo be chieni ole? Geru kle ama be chieni agwa ama me chie gda uñale, ama mi chieni dale, kwian kle geru jinade ngwale. Nga ulita jo dodaba nga kle kare kle, nga me boi gda uñale nga jo dodaba suiage gwaiguda, che enusulian unsuialin ulita tigedu, ulita jokeda, kle kaire nege tangle me boi gda uñale Cristo chieni giti, ulita kle salengwli nga jo dodaba suia kare.”