Hechos 6:14 - Buglere

¹⁴ Kwian gerunga ngwale e gerudu dare Esteban dollale: —Cha Esteban keruchugu gerule Jesu una Nazaremu giti Jesu be u gerungwa Chube ole skiendba kaire Jesu be Moisés nu Chube gerua degaba unsuialin blite, ene che me agedale geru e kle gerule kare.

Hechos 6:14 ပူးပေါင်းရင်းမြစ်များ

Mateo 26:61

kwian e gdaboke gerudu: —Cha Jesu keruchugu gerule ene: “Cha ñage u gerungwa Chube ole skiendba ulita gire chui gbamaire alin cha ñage u gbeni naskuni no biale.” Cha Jesu keruchugu sole ngwale ene, ama gerudu giti chage suge ama kle mo gbe kweri Chube kare, Chube alin allabi ñage age ene ama gerudu kare ama me Chube.

Lucas 21:24

Guardia donga ngle kwian me israelita alin be kirachke kwian israelita una Jerusalénmu ulitadi, guardia donga e ulita be kwian israelita tanre gweda be kwian israelita na tanre dbe tkale skage nga na ulitage. Be boi ene ulita kwian israelita una Jerusalénmu ulita ole gire kwian me israelita be una e gai mo alin. Chube be kwian me israelita chuge ngwadi dole ene kwian israelita ole sbali, kwian me israelita dole ene chuia be bidege gire Chube mi ama chuge ngwadi age dare kwian israelita ole.

Lucas 21:6

Jesu kwian geru jwannga gweale kledu gerule ene u gerungwa Chube ole giti, Jesu ama keruchugu gire Jesu gerudu ama ulita ole: —Nege ba ulita kle gwage u kweri edi u e dodaba no no, agwa cha gerule ba ole, me sbali u e ulita be chege skianbada lle ngwale kare, ke mi chege gbaba mo giti ni gbaite, u ulita be chege skianbada.

Juan 2:19

Jesu jaindunga ama kalen: —Noare, cha be age ene ba gwa giti, ba u ai skiendba ulita gire chui gbamaire alin cha be u gbeni naskuni no biale.

Juan 4:21

Jesu gerudu muinga ole: —Ba cha keruchuge ba cha kerua gadale ulia, chui be chke gire ba kwian nga Samariamu ulita be ñage Ñenua Chube ollade nga baini kaire ba be kle ngwadi, ba mi tañachuge dare joge jwichuga ege ni tañachuge joge una Jerusalénge Chube olladadale.

Hechos 15:1

Pablo, Bernabé kledu una Antioquíage kwian Jesu gerua ganga chudaboi Jesu geruadi gire chui ege kwian gweale israelita Jesu gerua ganga nga kweri Judeage jo chke una Antioquíage Pablo, Bernabé kledu ngwadi. Kwian israelita e daba na nu Jesu gerua gaba tku tangle, ama gerudu: —Ba me mo ta gbe mo kwara tkangenga sidri kwian israelita ulita kle age kare Moisés chadalla gerule kare, ba me ñage tien gitiru ji chugege agedu me no gdale.

Hechos 21:21

Kwian israelita aini una Jerusalénge nu Jesu gerua gaba, amage geru chku uñale ba kle kwian israelita kle toi chudalla naske ba kle tke tangle me Moisés gerua gbe gdadi, kaire ba kle gerule ama ole kwian israelita me mo kirolla kwara tkadalenga ni age sidri kwian israelita suia kle age kare. Una aige kwian israelita Chubenuge suge ba kle chage kwian israelita Chubenu nga nage tke tangle ene.

Hechos 25:8

Gire Pablo gerudu mo giti mo kaire kwian ulita gwa giti Festo ole: —Cha me agedu me no ni sidri Moisés chadalla degaba unsuialin kwian israelita alin dollale, cha me su age me no u gerungwa Chube ole dollale, cha me su age me no chugagwalla kweri emperador una Romamu dollale.

Hechos 26:3

Kaire nga suga noare chadi ba giti ba kwian israelita suia ulita uñe, uñale bage llema giti kwian israelita kle kira bate modi malen cha takalin ba mo ta dbe no cha keruchuge.

Hechos 28:17

Pablo jo chke una Romage chui maike chku gire Pablo kwian israelita chugagwalla ulita una Romamu kadu geru tragadale. Kwian israelita chugagwalla e ulita mo litu Pablodi, gire Pablo gerudu ama ulita ole: —Cha bitalla ulita israelita, cha me agedu sidri me no che bitalla na kle toi nga nage ni gdaite dollale, ni che enusulian suia dollale cha agedu me no. Cha kledu una Jerusalénge gire che bitalla israelita chugagwalla ulita cha gau cha ketu kwian una Romamu kwian nga Judeamu chugagwallage. Kwian israelita chugagwalla ulita gerudu chugagwalla e ole cha jiske tanre.

Gálatas 3:19

E ulia che ña chege tañachuge ai kare Moisés chadalla giti: “¿Lledale Chube Moisés ta gbu chada dege kwian alin? ¿Chada e ngwale?” ¡Me dale! Chada e no kwian ta gbagda kwian kle age me no giti, Abraham oindallaske Cristo bebi chke kwian ta gbe Chube takalin kare gire Moisés chadalla kwian ta gbu suge ama chagedale mine Chube takalin kare, kaire chada e giti sugedu kwiange ama kle age mine me no Chube gwage. Chube geru e ketu lle boanga mau alin nga ngaña giti ketale Moisége gire Moisés geru e degu jigale kwian alin.

Gálatas 3:23

Ngeru chagé Moisés chadalla alin ole che ulita me ñadu mo ta blite joge siere age me noge, e suiale Chube bebi Cristo kage che alin, bebi chke uñale chege Cristo gai.