Hechos 4:10 - Buglere

^10-11 Cha be gerule ba ulita gwa giti ene chke uñale trate ba ulitage kaire kwian israelita na ulitage onbre gdaite ai kle ule cha ole ba ulita gwa giti ama me ñadu chage, nege ama ñage chage, Jesucristo una Nazaremu kiralla giti ama ñage chage no nege. Jesucristo amaña ba ulita ama guda, Chube Jesucristo gbuni gwadeni. Chube gerua degaba unsuialin gerule Jesu be boi ene giti, chada e gerule: “Kwian u dodanga ke gbu gerere, ke gbaite ama mliunga, ama gerudu ke e me no dale, agwa ke e ama mliunga, ke e ma no ke na ulitage.” Chube gerua degaba unsuialin gerule ene Jesu giti, boidu ene chada e gerule kare, Jesu no Jesu kweri agwa ba ulita me ama gau dage no kweri, ba ama gau kwian ngwale kare, ba ama guda kruge, agwa Chube ama jaba gbuni gwadeni.

Hechos 4:10 ပူးပေါင်းရင်းမြစ်များ

Mateo 2:23

José jo toi una soli ka jwankle Nazarege nga Galileage. Ai ulita boidu ene kwian Chube gerua ketanga chada degu unsuialin kare Jesu giti, chada e gerule: “Cristo una Nazaremu.”

Lucas 18:37

Jaindrenga kwian gwagwa me kalen: —Jesu una Nazaremu kle chage tangle aini.

Hechos 2:32

Gire Jesu amaña chku nga dba ai giti, Jesu guleda, Chube Jesu gbuni gwade. Cha ulita chagedu modi Jesu ole ama chagedu ama boidu uñale cha ulitage, ulia boidu David chada degu unsuialin gerule kare.

Hechos 2:36

Ba kwian israelita, cha gerule ba ulita ole, sugedale trate ba ulitage, Chube Jesu gau kagu nga dba ai giti ba ulita Chugagwallale ba ulita jwanngale siere ji chugege ba agedu me no gdale, Chube Jesu kagu ba ulita alin Chube gerudu kare unsuialin, ba Jesu amaña guda kruge —Pedro gerudu ene ulita kwian ngle kledu mo litaba amadi tangle ole.

Hechos 28:28

Gire Pablo gerudu dare: —Ba me geru Jesu giti keruchugakalin, ba me geru Jesu giti gakalin, ba me takalin geru Jesu gitige, malen chkedale uñale ba ulitage nege gwangerugu Chube be geru Jesu giti dbange kwian me israelitage, kwian me israelita be geru e gai ulia, gire Chube be ama ta gbe siere age me no gitige.

Hechos 3:6

Agwa Pedro gerudu ama ole: —Cha me igi molen ketale bage, agwa cha be lle na ma no igige kete bage, cha be age no ba alin Jesucristo kiralla giti. Jesucristo una Nazaremu kiralla giti cha gerule ba ole, ¡chkede gdate, chagede!

Romanos 1:4

agwa kaire ama Chube, ama no trate ulita. Kwian gwagedu amadi jogeda, kaire kwian gwagedu amañadi chkeni gwadeni, e giti sugedu trate kwiange ulia ama Chube Kirolla ama kira molen tanre.