Hechos 3:21 - Buglere

²¹ Nege Jesu kle nga ngaña giti Chube ngwadi chui e manade, chui e be chke gire Chube be lle ulita gbeni naskuni no trate nge kare ama nga dodadu kare, Chube gerudu chui e giti unsuialin kwian Chube gerua ketanga ole, gire kwian e giti geru Chubenu chku uñale kwian ulitage.

Hechos 3:21 ပူးပေါင်းရင်းမြစ်များ

Lucas 1:70

Unsuialin Chube gerudu kwian Chube gerua ketanga ole, gire kwian e Chube gerua ketu daba na ulitage,

Hechos 1:11

lle boanga Chube alin boke gerudu: —Ba kwian nga Galileamu, ¿mineade ba kle chege gwage Jesu nate joge nga ngaña giti? E Jesu amaña kledu toi ba ole chagedu ba ole, nege ama joni nga ngaña giti Chube kle ngwadi, amaña be chieni nabitaite, ama jo kaire be chieni ene kaire bdagli nga ngaña giti ama jo kare —lle boanga Chube alin boke gerudu ene kwian geru jwannga Jesuge ulita ole.

Hechos 10:43

’Cha gerule ba ole, kwian Chube gerua ketanga dabage unsuialin Chube ama ulita ta gbu chada dege Jesu giti, chada e gerule kwian bai kaire Jesu gai ulia, Jesu giti Chube be kwian ene agedu me no ulita talla mlienga —Pedro geru tragu ene ulita Jesu giti kwian ulita kledu mo litaba ole Cornelio ullage.

Hechos 3:19

Jesucristo chiu nga dba ai giti ba ulita alin ama jokeda ba ulita alin malen nege ba mo ta blitadale Chube ole, ba mo ta gbadale joge siere ba kle age me no ulitage, ene Chube be ba agedu me no ulita talla mlienga, kaire ene Chube be ba ta gbe suga no diali. Chube Jesu gau Chube Jesu kagu ba ulita jwanngale siere, chui be chke gire Chube be Jesu kageni nabitaite ba ulita alin ba ulita Chugagwallale.

Hebreos 1:1

Cha chada ai dege ba cha bitalla israelita ulita Chubenu alin: Unsuialin tangle Jesucristo bebi menga nga dba ai giti gire Chube kwian ama gerua ketanga ulita gbu Chube gerua kete che enusulian oña ulitage, Chube gerudu diali kwian ama gerua ketanga ole bedre bedre, me geru ulita gbu chke uñale amage chui gbaitre alinge, Chube gerudu kwian ama gerua ketanga ole gbire kaire ama lle boanga nga ngaña giti kagu ama gerua kete kwian ama gerua ketangage kaire ama mo kerua gbu suge kwian ama gerua ketangage. Ai kare ene Chube gerudu kwian ama gerua ketanga ole Chube gerua gbe chke uñale che enusulian oña ulitage.

2 Pedro 1:21

kwian Chube gerua ketanga me gerudu sidri mo talla giti talla tañachuge kare gballa, agwa kwian ene Chube gerua ketanga ama mo ta gbu Chubege, Chube Oña kwian ene ta gbu gerule ulita Chube takalin kare, kaire Chube Oña kwian ene ta gbu chada dege ulita Chube takalin kare.

2 Pedro 3:2

Unsuialin kwian tanre Chube gerua ketanga gerudu trate Jesucristo be boi giti, ba geru e ulita uñe, cha takalin ba ulita tachke geru e giti. Kaire cha takalin ba ulita tachke geru giti kwian Jesucristo gerua ketanga ba tku tangle ama geru Jesucristonu ketu bage kare, Jesucristo che Chugagwalla che jwannga siere ama ulita gbu geru ulia ama giti kete kwiange, ba mo ta gbale diali chege geru uliadi, ene ba mi mo ta blite.

Apocalipsis 18:20

Chube ji gbu kweri kwian toinga una Babiloniage giti kwian e agedu me no kwian Chubenu dollale gdale, malen e giti kwian ulita kle toi nga ngaña giti Chube ole kwian Jesucristo gerua ganga ulita, kwian ulita Jesucristo gerua ketanga dabage, kwian ulita Chube gerua ketanga, ama ulitadi nga sugadale no Chube agedu kwian una Babiloniamu ole giti. Chube kwian ulita amanu jia junnga kwian una Babiloniamuge.

Apocalipsis 22:6

Kaire agwe lle boanga Chube alin gerudu dare cha ole ene: “Juan, geru ai ulita cha gbu chke uñale bage geru ai ulita ulia, kwian ulita mo ta gbadale geru ai giti, ulia be kle boi ulita geru ai kle gerule kare. Chube che Chugagwalla mo Oña gbu kwian Chube gerua ketanga unsuialin tale ama gerua kete daba nage, Chube e amaña cha kaire lle boanga na gdaite amanu kagu kwian ulita nu ama gerua gaba ta gbe chke uñale lle ulita be boi sugeti giti.” Lle boanga Chube alin gerudu ene cha ole.