Hechos 3:1 - Buglere

¹ Chui nga bonga dbige gwangerugu diali kwian israelita kle mo lite gerule Chube ole u gerungwa Chube olege. Chui gbaite chui jo chege nga bonga dbige gire Pedro jo Juan ole u gerungwa Chube olege.

Hechos 3:1 ပူးပေါင်းရင်းမြစ်များ

Mateo 17:1

Chui dereke jo tangle gire Jesu jo jwichuga giti bate ngaña, ama kwian geru jwannga amage gdamaire alin allabi du ule, ama Pedro kaire Santiago kaire Santiago daballa Juan du ule ama gatedi. Ama ulita jo chke jwichuga giti kwian na me kle ngwadi,

Mateo 26:37

Jesu gerudu ene gire Jesu jo Pedro dbe kaire Zebedeo kirolla gdaboke dbe mo ole llagli. Jesudi nga chiu olire tanre ama be boi daga ngwale giti,

Mateo 27:45

Chui chku bduke gire nga ulita nga dba ai giti chegu nga jereske, nga jere jagedu ene hora gdamai, chui jo chege nga bonga dbigu gire nga chra chiuni.

Lucas 1:10

Zacarías jo gballa dbige gwa incienso gugale gire kwian tanre mo litaba chegu goga gerule Chube ole.

Lucas 18:10

—Kwian boke jo chke u gerungwa Chube olege gerule Chube ole, kwian gdaite kwian fariseo, gdaite kwian igi ganga chugagwalla emperador nga Romamu alin.

Lucas 22:8

Chui e chku gire Jesu gerudu Pedro ole Juan ole: —Joga bligda dodade che ulita alin gutadale Pascua chuia ollade ule.

Lucas 24:53

Ama ulita jo chkeni una Jerusalénge gire ama kledu diali u gerungwa Chube olege gerule noare Chube giti diali.

Juan 21:7

Jesu no no geru jwannga gdaite ole, ngwe ngle giti sugedu geru jwannga gdaite ege e Jesu kle gerule ama ole, ama gerudu Pedro ole: —E che Chugagwalla amaña. Pedro geru jwannga gdaite keruchugu gerule ene “che Chugagwalla”, gire Pedro kledu ñometra mo ngnaru buliske, ama me kledu ñometra jeikeske, ama me manadu dare duge ama mo ta gbu blike joge Jesu kle ngwadi chi kagdage, gire ama mo ngama tku blike skwendu chiske jo blike kedagu Jesu nate.

Hechos 10:3

Chui gbaite ngabi chui jo chege nga bonga dbige gire lle boanga Chube alin nga ngaña giti gdaite medu Cornelioge gbire, Cornelio gwagedu mo gwagwa giti lle boanga Chube alin chie Cornelio gitigu Cornelio kle ngwadi, lle boanga Chube alin Cornelio ka jun ka giti: —¡Cornelio!

Hechos 10:30

Cornelio jaindunga: —Cha ba kadu chie Chube gerua trage cha ole. Gbi bagaliga ngabi chui jo chege nege nga bonga dbige kare gire cha kledu aini gwa, cha chui e gau me blire chuia, cha kledu gerule alin Chube ole chui ege. Gire ngabi lle boanga Chube alin nga ngaña giti gdaite me chiu gda uñale, cha gwagedu amadi cha gwangnagu ama mo ngama tkaba ñometra gwadetrangaske.

Hechos 2:46

Diali chui ulita ama ulita kledu mo lite ole u gerungwa Chube olege. Kaire mo ullage ama diali kledu bligda girabate modi ulita gute ule nga suga no ole ta trate no mo tale daba na ole tachke diali Jesu jokeda giti.

Hechos 3:3

Kwian seragda kwebanga gwagedu Pedrodi Juandi joge tangle gudegu kodi amage u gerungwa Chube ole ugakallage gire kwian seragda kwebanga igi kadu mau alin Pedroge Juange.

Hechos 3:4

Pedro kaire Juan gwagedu trate onbre edige, Pedro gerudu ama ole: —Gwage chadíge, cha gerukalin ba ole.

Hechos 4:13

Kwian israelita chugagwalla ulita gwagedu Pedrodi Juandi gerule no Jesu giti me ta kennga ole ama ngeru gerule trate ama ulita kle mo litaba gwa giti. Kwian e ulita chegu tañachuge tanre Pedrodi Juandi, ama boke me geru jwanba mineade ama ñage gerule no trate kwian geru jwanba tanre kare. E giti chku uñale kwian israelita chugagwalla ulitage Pedro kaire Juan geru jwannga Jesuge chagedu diali ule Jesu ole Jesu kledu nga dba ai giti gire.

Hechos 5:25

Chugagwalla ulita kle gerule ene modi ulita gire kwian gdaite chku ama ulita kle mo litaba ngwadi kwian Jesu gerua ketanga chadalla kete chugagwalla mneite ulitage, kwian e gerudu: —Ba ulita kwian Jesu gerua ketanga ulita tku skage ama kle nege u gerungwa Chube olege kwian tke tangle Jesu giti nakwaite.

Hechos 8:14

Kwian Jesu gerua ketanga gdataboko giti gdaboke chegu una Jerusalénge amage chku uñale kwian una Samariamu tanre geru Jesu giti gau ulia. Gire kwian Jesu gerua ketanga gdataboko giti gdaboke daba gdaboke gau kagu una Samariage, Pedro kaire Juan jo una Samariage kwian Jesu gerua gaba ta gbe kiraske Jesu giti.

Gálatas 2:9

Santiago kaire Pedro kaire Juan ama gdamai kwian Jesucristo ganga ulia una Jerusalénmu ulita chugagwalla ma kweri, chugagwalla gdamai ege sugedu trate Chube agedu no cha alin Chube cha gau geru Jesucristo giti dbe, malen ama ko ketu chage kaire Bernabége, ene chku uñale chage ama mo ta gbu lle boi salengwli ule Chube alin geru amaña giti, Santiago kaire Pedro kaire Juan geru Jesucristo giti dbanga kwian israelitaske, cha kaire Bernabé geru Jesucristo giti dbanga ba kwian me israelitaske.