Hechos 27:29 - Buglere

²⁹ Kwian lle boanga duge kwachiu du giti, ama tañachugu du be joge jwate kechugage gire lle boanga duge hierrogda gaba kada ancla lugu gdabaga mliu chiske du nate ngnagu ene du mi chage dare mi joge jwate kege. Kwian ulita gerudu mo chubea ole nga gbe ju blike cha ulita alin ene cha ñage ten ma no.

Hechos 27:29 ပူးပေါင်းရင်းမြစ်များ

Hechos 27:17

Cha ulita du soli jun bdugu, gire du dbanga lle boanga gbu du kweri luge jegwale giska giti ene du me skiendba ulita. Du dbanga kendunga du giti ama me takalin du joge sklie ubaudaske nga ble arale batre nga kada Sirtege. Glibita kle duge kwian lugu giska giti mliu chiske giskalla lugu du kagdage ene glibitage mleuda me ñage du dbe blike Sirte ngnagu mleuda du du eruda taleda.

Hechos 27:26

Du mi chege no agwa che ulita tiendale keda ngadrega bleske gwealege —Pablo gerudu ene kwian ulita ole.

Hechos 27:28

Kwian lle boanga duge ble ñachugu giska giti dba ble jere mangire, ble jo ñachugaba ble nganá veinte ga giti joge dba uba giti. Du jo ma ngeru dare, lle boanga duge ble ñachugu nabitaite, ble ma arale nganá quince ga giti joge dba uba giti.

Hechos 27:30

Kwian lle boanga duge ulita tadu kigekalin du soli giti du kweri chuge ngwadi blega giti. Ama ulita mo gbu du soli jwen dbige du kwerige skwlenre, ama me takalin kwian na tendi ama mo gbu age lle ancla mlie chiske du ngeru ene mi chke nate uñale, tañachugu ene.

Hebreos 6:19

Che Jesucristo gerua gaba ulia suge chege ulia Chube be age no che alin ama gerule kare kaire suge chege Jesucristo giti che be ñage toi chui tangle Chube ole nga ngaña giti. Geru e giti che ñage mo ta gbe kiraske diali che kle boi daga ngwaleske, ene che chege kiraske salengwli du lugakleda kejre ene chi uda me ñage du dbe kare. Che Chugagwalla Jesucristo joni toi Chube ole ule nga ngaña giti gerule che alin Chube ole, ama kle che manade ngwange llani. Unsuialin tangle kwian gerunga Chube ole daba alin gdaite jo tangle ñometra no ura itabanga gwa nga no no u gerungwa Chube olege, ama jo ne ngwadige gerule Chube ole daba alin chui gbaitre alin chura kaire kairege. Agwa ulia nege tangle Jesucristo kle toi diali Chube ole nga ngaña giti, ama gerunga Chube ole che Chubenu alin chui tangle diali salengwli Melquisedec gerudu Chube ole daba alin diali kwian na me jo gbaba ama taneage kare.