Hechos 27:24 - Buglere

²⁴ gerudu cha ole: “Pablo, ba me mo ta dbale kwachie nga tira ngeru. Ba jogedale chke kwian chugagwalla kweri emperador una Romamu gwa giti. Kwian ulita kle chage ule ba ole du aige, ba giti Chube mi kwian gdaite chuge ngwadi jogenga.” Lle boanga Chube alin gerudu ene cha ole ngajrege.

Hechos 27:24 ပူးပေါင်းရင်းမြစ်များ

Mateo 10:18

Kaire agwe ba dbabe kwian chugagwalla tanre ma kweri ngwadi, chugagwalla e ulitage ba gbabe jiske cha gerua gdale, ba kle chugagwalla e ngwadi gire ba be ñage gerule no cha giti chugagwalla e ulita gwa giti kaire kwian me israelita na tanre gwa giti.

Mateo 10:28

Cha gerule ba ole, ba me mo ta dbadale kennga kwiandi kwian bai ba gwakalinda cha gerua gdale, ama ñage ba gweda alin allabi, ama me ñage age ba oña ole. Ma no ba mo ta dbe kennga Chubedi, Chube ñage kwian gweda, kaire Chube ñage age kwian oña ole ñage kwian oña kage nga dbigu giti ji chuge diali. Chube ñage age ene malen ma no ba mo ta dbadale kennga Chubedi mo ta gbadale Chube gai dage no.

Juan 11:9

Jesu jaindunga: —Ba me tallade e giti, chui gbaite ulita nga chra che alin, che chage ngajudi che me lentige che me joge chke dba, nga chra giti che chage no, agwa che chage nga jereske che lentige che joge chke dba, nga jere dbigu nga chra me chagegda no. Kwian age me no cha ole chuia bebi chke salengwli che kle chage ngajudi kare uñale chege che ñage chage baini kaire ene che me lentige. Kwian be age me no cha ole salengwli nga jere chke kare gire kwian ulita be age cha ole ama takalin kare, agwa nga kle ju kare nege, cha ñage chage kwian me noske kwian me ñage age me no cha ole.

Hechos 19:21

Boidu ene ulita una Efesoge Pablo kledu geru Jesu giti dbe una ege gire, gire Pablo mo ta gbu joge kwian Chubenu chada jwen nga Macedoniage nga Acayage ene joge dare joge chke una Jerusalénge. Pablo gerudu kwian ole ama be joge chke una Jerusalénge gire ama jogedale kaire una Romage.

Hechos 23:11

Chui amañage ngajrege Chugagwalla Jesu medu Pabloge, Jesu gerudu Pablo ole: —Pablo, ba me ta dbadale kwachie. Cha medu bage jonke ba e tragu kwian aini una Jerusalénmu ole, ene kaire ba gerudale cha medu bage giti llani una Romage kwian una Romamu ole —Jesu gerudu ene Pablo ole.

Hechos 25:11

Suge chage ulia ulia cha agedu me no kwian israelita dollale, cha me ñage ka boi mo gdale, ene kwian ta cha gwakalinda ñage cha gweda cha jiske gdale. Agwa ulia ulia cha me skwen jiske kwian kle gerule kare cha dollale, gire chugagwalla me ñage cha kete kwian kle gerule cha dollalege gwaleda. Agwa cha gerule ba ole, kwian cha dollale me kle gerule ulia cha giti cha jiske, malen ba cha kagadale una Romage chugagwalla kweri emperador una Romamu ngwadi ene ama gerudale bdagli cha giti cha jiske o cha me jiske.

Hechos 27:31

Agwa Pabloge chku uñale kwian lle boanga duge be kige du soli giti, guardia daba chugagwalla Julio ole kaire donga ulita ole Pablo gerudu: —Kwian lle boanga duge be joge kige ulita, gire kwian ulita be chege aini duge mi tien keda be jogenga ulita, lle boanga ulita me ñage du chuge ngwadi.

Hechos 27:37

Kwian ulita blidu takalin kare unchku ulita gire kwian trigo ulita mliunga bleske ene du chege kwangi chagedale blike. Cha ulita ngle kledu chage duge kwian doscientos setenta y seis.

Hechos 27:42

Gire guardia donga ulita tadu kwian skage ulita gweda ene guardia donga tañachugu kwian skage ni gdaite ñage joge obe tien keda gire kige.

Hechos 27:44

Kwian bai me ñage obe ñage joge obe glidrega giti du drega giti, ene ulita ñage joge chke no keda. Kwian ulita agedu guardia daba chugagwalla Julio gerudu kare ene kwian ulita tiendu keda ble kagda giti, ni kwian gdaite jonga chi kote.

Hechos 9:15

Jesu gerudu Ananías ole: —Joga, ba kle gerule kare ama giti e ulia, agwa nege cha ama gau mau alin kagadale cha gerua dbe kwian tanrege, ama be cha gerua kete kwian israelitage kwian me israelitage kaire ama be cha gerua kete kwian nga ulitamu chugagwallage, cha be ama kage cha gerua trage kwian ene ole.

Filemón 1:22

Kaire agwe Filemón, ba nga gweale ba ngwadi gbengwa gbe biale cha ngwange. Uñale chage ba ulita Chubenu kle gerule Chube ole cha giti Chube kwian ta gbe cha skajwennga, ene cha ñage joge basale badige. Ba ulita kle gerule tanre ene Chube ole cha giti, malen uñale chage Chube be cha chudaboi ene cha be jogeni ba ngwadi gwageni ba ulitadi.

Santiago 5:16

Che gdaite gdaite kaire kaire gerudale daba ole ongoru ongoru che agedu me no giti ene daba che agedu me no talla mlienga. Kaire che gerudale Chube ole daba giti ongoru ongoru chudaboi kade Chubege ene daba oga be joge chkeni noni kaire daba ta be chege no trate Chube gwa giti salengwli kwian oga kle joge chkeni jingme gwealegeni kare. Kwian bai mo ta gbe ulia age no trate Chube takalin kare, kwian ene gerule Chube ole chudaboi kade Chubege Chube kwian ene keruchuge Chube age kwian e kle mo ta gbe gerule kare Chube ole ene Chube ama chudaboi no no kwian kle mo ta gbe trate ulia Chube ole giti.

Apocalipsis 1:17

Cha gwagedu kwiandi ene gire cha kendunga cha jo chke dba chru ole ama sera ngena kwian jaba kare, agwa ama mo ko taingwli gbu cha giti gire ama gerudu cha ole ene: “Ba me kennga, cha Jesucristo, cha amaña lle ulita Chugagwalla gwangea ngerutabi kaire cha amaña be chege lle ulita Chugagwalla chui bdaglige diali chui tangle.