Hechos 27:20 - Buglere

²⁰ Chui tanre jo tangle nga ju nga jere, cha ulitage chui me medu ngajudi, beu me medu ngajrege, ene me uñadu cha ulitage mleuda kle cha dbe bai ngnagu noi boi tanre kweri mleuda giti. Nga eneske cha ulita kledu chage duge cha ulita tañachugu cha mi tien keda, ulita kle chage duge tañachugu be jogenga bleske mleuda kote noi kote.

Hechos 27:20 ပူးပေါင်းရင်းမြစ်များ

Mateo 24:29

Jesu gerudu ene gire gerudu dare kwian geru jwannga ole ama chieni chuia giti: —E ulita cha gerudu kare ba ole be boi daga ngwale ene ulita, gire sugeti ngwale chui be gwajoge jere ngajudi, kaire dai mi chege gwadenga ngajrege, beu ulita be jain dbige nga ngaña giti, nga ngaña giti nga ulita be jwlien, beu mi chege ngwedi beu kle kare, lle ulita mi chege ngeru kare nga ngaña giti.

Hechos 27:19

Maikege kwian lle boanga duge lle du dodagda mliunga bleske, ene ama tañachugu du chege ma kwangi.

Hechos 27:21

Kwian ulita kle chage duge me blidu chui tanrege kwachieske gire Pablo gerudu kwian ulita ole: —Cha gerule ba ulita ole, ma no ba cha kerua gau dage, llani nodale ngadrega Cretage che cheguda llani, ene che me nga ai tira chuge, ene che me lle mliadalenga ngwale.

2 Corintios 11:25

Bitamai cha jo bataba tanre glita giti. Bitaite cha jo skiaba ke giti. Bitamai cha chagedu duge du jonga bleske. Bitaite cha biri jogeda chi kote, chui ege du jonga bleske cha chegu blega giti chui gbaite ngajrege chui gbaite ngajudi.

1 Tesalonicenses 4:13

Cha daballa cha ibotea Jesucristo giti, cha takalin ba ulitage chkedale uñale trate trate daba Chubenu jogeda giti, ba ulita me chegedale ta dbe olire daba Chubenu jogeda nate kwian na me Jesucristo uñe kare, kwian me Jesucristo uñe, kwian enege suge ama bitalla jogeda ama tañachuge ama jogenga ulita.