Hechos 26:8 - Buglere

⁸ Pablo gerudu ene Agripa ole gire Pablo gerudu kwian ulita kle mo litaba ole kaire: —¿Mineade ba ulita me geru gai ulia Chube kwian jaba gbeni gwade giti? ¿Ba ulita tañachuge Chube me ñage kwian jaba gbeni gwade chui bdaglige? Ba me geru e gai ulia, malen ba kle cha gbe jiske geru e giti.

Hechos 26:8 ပူးပေါင်းရင်းမြစ်များ

Lucas 1:37

Ulia Chube alin lle ulita me mno, Chube ñage age ulita.

Lucas 18:27

Jesu gerudu: —Kwian agali gballa me ñage age ulita Chube takalin kare me ñage age mau alin agali toi diali chui tangle Chube ole. Agwa Chube alin allabi ñage kwian kira gbe age ulita Chube takalin kare ñage kwian gbe toi diali chui tangle ama ole. Chube alin allabi ñage age ulita, lle ulita me mno ama alin boadale.

Hechos 23:6

Pabloge chku uñale kwian israelita chugagwalla ulita kle mo litaba me chugagwalla mne gdaitre alin kle. Chugagwalla mne gdaite kada kwian saduceo, chugagwalla mne gdaite kada kwian fariseo. Mne gdaboke e kledu mo litaba ule, kwian israelita chugagwalla mne boke ole Pablo gerudu kweri: —Cha bitalla ulita, cha takalin chke uñale bage cha kwian fariseo cha enusulian ulita kare, malen bage uñale cha kle geru kwian jaba chkeni gwade giti gai ulia, e giti ba ulita kle cha gbe jiske.

Hechos 25:19

Kwian israelita e Pablo gbu jiske mo suia giti gdale, kaire kwian israelita Pablo gbu jiske Jesu gerua gdale. Pablo kle gerule Jesu jokeda kle gerule Jesu amaña kle gwadeni, e giti alin kwian kle Pablo gbe jiske.

Hechos 4:2

Pedro, Juan kledu daba tke tangle Jesu giti, kledu gerule kwian ole Jesu chkuni gwade giti, ene chkedale uñale kwiange kwian jaba ulita be chkeni gwade Jesu jaba chkuni gwade kare. E gdale kwian chugagwalla e ulita skochiu Pedrodi Juandi,

1 Corintios 15:34

Ba ulita bai kaire kle mo ta gbe geru me ulia ole, ba mo ta gbadaleni naskuni tañachuge no geru ulia giti me age me no dare, ba gweale me Chube uñe ulia malen ba kle mo ta gbe joge siere geru uliage, nga chiedale ibule badi cha kle gerule kare ba ole.

Filipenses 3:21

Ama be che ulita jegwale nga dba ai giti blite mo kiralla giti, che jegwale be jwlite ama kare, mo kira giti ama kle lle ulita gbe manade, ama ñage age ulita ama takalin kare.