Hechos 26:11 - Buglere

¹¹ Cha kwian tanre Jesu gerua gaba gbu ji chuge skage Jesu gerua gai gdale, ene cha tañachugu ama be mo ta blite me geru Jesu giti gai ulia, cha chagedu age ene ulita u tanre kwian israelita mo litangwage chage kwian Jesu gerua ganga nate. Cha skochiu tanre kwian ulita kle Jesu gerua gai ole, cha chagedu kwian kle Jesu gerua gai ulia nate una Jerusalénge kaire nga na me cha jwiage.

Hechos 26:11 ပူးပေါင်းရင်းမြစ်များ

Mateo 10:17

Ba ulita kledale ta giti, kwian gweale me ta cha gerua keruchugakalin, ta me no ole kwian ene be ba gai be ba kete kwian israelita chugagwallage boadalenga daga ngwale cha gerua gdale, kwian chugagwalla e be ba dbe u mo litangwa Chube gerua jwanngwage be ba batange obere giska giti kwian na ulita gwa giti.

Marcos 13:9

Jesu gerudu ene kwian geru jwannga amage ole gire gerudu dare: —Ba ulita kledale ta giti, kwian che dollale be ba ulita cha gerua ganga gai be ba kete kwian israelita chugagwallage boadalenga daga ngwale cha gdale, kwian chugagwalla e be ba dbe u mo litangwa Chube gerua jwanngwage ba batange obere giska giti kwian na ulita gwa giti. Kaire ba dbabe kwian chugagwalla tanre ma kweri ngwadi, chugagwalla e ulitage ba gbabe jiske cha gerua gdale, ba kle kwian chugagwalla e ngwadi gire ba be ñage gerule no cha giti kwian e ulita gwa giti.

Marcos 3:28

Cha gerule ulia ba ulita ole, ba cha keruchuge no, kwian age me no kaire gerule me no cha dollale Chube dollale, gire bigwa kwian e mo ta blite Chube ole cha ole, kwian ene agedu me no ulita kaire gerudu me no ulita Chube dollale cha dollale Chube talla mlienga ulita Chube me tañachuge dare kwian e agedu me no kaire gerudu me no giti.

Lucas 15:17

Ama jogeda dare bli ole gire ama tachku mo ñenuage, ama gerudu mo tale: “Llani cha ñenua jwiage bligda tanre no gutadale, kwian lle boanga cha ñenua alin ulita kle blire no, cha ama kirolla aini cha jogeda bli ole.

Lucas 21:12

Ngeru bebi boi ene ulita kwian cha gerua dollale be ba ulita cha gerua ganga gai cha gdale, kwian e age me no ba ole be ba dbe u mo litangwa Chube gerua jwanngwage ba gbale jiske kwian israelita chugagwallage. Ba tkabe skage, kaire ba dbabe kwian chugagwalla tanre ma kweri ngwadi, chugagwalla e ulitage ba gbabe jiske cha gerua gdale.

Lucas 6:11

Jesu onbre oga dodadu ene undege chuiage kwian daba tkanga tangle Moisés chadalla giti ulita gwa giti kaire kwian fariseo ulita gwa giti, e giti kwian e ulita skochiu tanre Jesudi, ama ulita geru tragu modige ama be llema boi Jesu dollale.

Hechos 13:45

Agwa kwian israelita tanre me Jesu gerua gaba kle mo lite u ege gwagedu kwian na tanre kle mo lite ule, ama semadu tanre kwian giti Pablo ole gire kwian israelita e gerudu me no Pablodi kaire ka bo Pablo ole me no.

Hechos 18:6

Kwian israelita gweale una Corintomu mo gbu Pablo dollale ama ka bo tanre me no Pablo ole, ama me geru Jesu giti gau ulia Pablo gerudu kare. E gdale Pablo mo ñometralla skiunnga kote kwian israelita ulita dollale, Pablo gerudu kwian israelita ulita e dollale, Pablo gerudu: —Ba ulita chege jiske agali me Jesu gerua gai ulia gdale, e giti ba be jogenga sugekare Chubege diali. Cha geru Jesu giti ketu bage, ba me geru e gau ulia, e giti cha me jiske Chube gwa giti agwa ba chege jiske ba me geru e gau ulia gdale. Chui aige gwangerugu cha me Jesu gerua kete bage dare cha be joge Jesu gerua kete kwian me israelitage.

Hechos 22:19

Gire cha gerudu Jesu ole: “Cha Chugagwalla, kwian ulita ainige uñale cha chagedu kwian ba gerua gaba nate ulita, cha jo u tanre kwian israelita mo litangwa Chube geru jwanngwage kwian ba gerua gaba gai tkale skage kaire cha kwian ba gerua gaba batangu.

Hechos 22:5

Kwian gerunga Chube ole daba alin chugagwalla kaire kwian israelita chugagwalla juma, ama ulitage uñadu cha kledu age giti e suiale kaire ama chada ketu chage daba israelita una Damascomu alin, chada e giti cha ñage kwian Jesu gerua ganga gai nate una Damascoge. Cha jo llani kwian Jesu gerua ganga nate gadale dbale chie aini boale daga ngwale una Jerusalénge.

Hechos 9:1

E suiale gire Saulo me chegu ta chuge kwian Jesu gerua gaba oña gbe gwaleda geru Jesu giti gdale, Saulo mo ta gbu chage kwian Jesu gerua gaba nate gadale diali. Chui gbaite Saulo mo ta gbu joge una Damascoge, malen ama jo kwian gerunga Chube ole daba alin chugagwalla ma kweri ngwadi chada kade chugagwallage jogedale una Damascoge, ene ama joge chke una Damascoge gire ama ñage chada e kaite kwian u mo litangwa Chube gerua jwanngwa chugagwallage, chada e gerule Saulo ñage kwian Jesu gerua ganga kwian muire onbre gai nate dbadale tkale skage Jesu gerua giti una Jerusalénge.

Santiago 2:7

Kaire sugedale bage kwian lle molen tanre kle mo tke dole che Chugagwalla Jesucristo ole ama kle Jesucristo kalla jwen kate gerugda me no kwian na ole.