Hechos 23:2 - Buglere

² Pablo gerudu ene gire kwian gerunga Chube ole daba alin ma kweri kada Ananías skochiu tanre Pablodi. Kwian gweale kle kodi Pabloge Ananías kwian e gbu Pablo bate káge Pablo gerudu giti.

Hechos 23:2 ပူးပေါင်းရင်းမြစ်များ

Mateo 26:67

Kwian chugagwalla ulita gerudu ene gire ama gweale jolo tku Jesu gwadige ama Jesu batu, na Jesu batu gwage,

Juan 18:22

Jesu gerudu ene gerunga Chube ole daba alin chugagwalla ma kweri ole gire guardia gdaite u gerungwa Chube ole mananga Jesu batu gwage gerudu Jesu ole: —¿Ba kle tañachuge ba kle gerule ene no chugagwalla ole?

Juan 18:23

Jesu gerudu guardia e ole: —Bage suge cha kle gerule me no chugagwalla ole, gerule cha ole cha kle gerule mine me no chugagwalla ole. Bage me uñale cha kle gerule mine me no, ¿mineade ba kle cha bate?

Hechos 24:1

Pablo dbajo chke una Cesareage chui tigake gire kwian Pablo dollale gweale jo chke Pablo nate, kwian gerunga Chube ole daba alin chugagwalla ma kweri kada Ananías kaire kwian israelita chugagwalla juma gweale kaire kwian gerunga daba giti kada Tértulo, kwian e ulita Pablo dollale jo chke una Cesareage Pablo nate. Kwian mneite e jo chugagwalla Félix ngwadi gerule Félix ole Pablo gbale jiske chugagwalla Félige.