Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hechos 22:12 - Buglere

12 ’Una Damascoge onbre gdaite kada Ananías kle toi, ama mo ta gbanga chage trate Chube gwa giti kaire ama chada Moisés nu degaba ganga dage. Kwian israelita na ulita kle toi una Damascoge kle gerule no Ananías giti Ananías kwian no.

အခန်းကိုကြည့်ပါ။ ကော်ပီ




Hechos 22:12
10 ပူးပေါင်းရင်းမြစ်များ  

E suiale kwian onbre kada Simeón kle toi una Jerusalénge, ama kwian no kle mo ta gbe diali chage no trate Chube ole kle Chube gai dage. Simeón kledu chui manade ngwange gire Chube be kwian jwannga siere kage kwian israelita ulita chudaboale, diali Chube Oña kledu Simeón ole ta gbe manade ta no ole.


Kwian gdamai jaindunga Pedro kalen: —Cha chugagwalla Cornelio cha kagu, ama guardia donga chugagwalla, ama kwian no chage trate Chube gwa giti kaire ama gerule no Chube giti. Kwian israelita ulita kle toi una Cesareage ama gai dage, kwian e ulita no ama ole. Lle boanga Chube alin nga ngaña giti chku gerule ama ole: “Ba kwian kage Pedro jwen dbadale aini ba kle ngwadi, ba Pedro keruchuge ulita no trate Pedro be gerule giti ba ole.” Lle boanga Chube alin gerudu ene Cornelio ole gire cha chugagwalla Cornelio cha kagu ba jwen, nege che joge ule Cornelio ngwadi.


Kwian israelita gweale Jesu gerua gau ulia Pablo giti mo litu Pablo ole Silas ole, kaire kwian griego tanre bai ngeru mo ta gbaba Chube gai dage, kwian griego ene geru Jesu giti gau ulia Pablo gerudu kare, kaire muinga tanre bai kwian kle gai dage, muinga ene tanre geru Jesu giti gau kaire.


Malen noare ba daba Chubenu ulita daba na gweale kle baske ba gadale gdaguke, kwian bai gakle dage, kwian ta ole kaire kwian bai Chube Oña kle ama ta gbe age Chube takalin kare, kwian ene kare ba gadale gdaguke. Cha Jesu gerua ketanga ulita daba ene kote cha lle girabate jige, ama be lle girabate ba daba Chubenu ulita ole, ama be ba daba Chubenu chudaboi lle ulita giti toigda.


Kwian gweale cha gai dage gerule no cha giti, gweale me cha gai dage gerule me no chadi cha dollale. Kwian tanre gerule chadi cha kwian me no cha kwian songa ngwale cha kwian anblitanga, agwa uñale chage cha kle geru ulia kete kwian ulitage.


Kwian Chubenu chugagwalla chagedale no trate diali kwian me Chubenu gwa giti, ene kwian me Chubenu gwage amadi ama no. Kwian Chubenu chugagwalla age me no, ene kwian me Chubenu ñage gerule me no kwian Chubenu chugagwalladi, e dolla Satanás takalin kare.


Che enusulian oña che sulian oña unsuialin mo ta gbu ulia Chube ole Chube gau ulia, gire e giti Chube gwagedu no ama ulitadi, Chubedi nga sugadu no kwian mo ta gbu giti ama ole.


Agwa cha gerule no ulia daba Chubenu na kada Demetrio giti ama kle toi no trate Chube takalin kare, ene chke uñale daba ulitage Demetrio kwian Chubenu ulia. Kwian Chubenu ulita kle gerule no Demetrio giti kle ama gai dage. Cha kaire agwe kle Demetrio gai dage kle gerule no ama giti, uñale bage cha gerule ulia diali cha me gerule ngwale dale.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ